даваа

Монголоор

Үгийн дуудлага

[]

Үндэсний бичиг

ᠲ᠋‍ᠠ‍ᠪᠡ᠊ᠭ᠎᠎ᠠ
ᠲ᠋‍ᠠ‍ᠸ᠊ᠨ

Галиглах зарчим

Үгийн утга

I нэр.

1. Замд хөндөлсөх өндөр агаад давахад хэцүү, бартаа бүхий нуруу газар
2. шилж. Үйл явдлын эхлэх цэг, зааг дээр
3. Үйл болохын өмнөх агшин, өмнөхөн

II нэр.

1. Монгол үндэсний бөхийн барилдах үе шат
2. Барилдаж давах үйлийн нэр.

III нэр.

1. Хүчир бэрхшээл, хэцүү хүнд үе

Утга зохиолын жишээ

Тамхи татахгүй, гал гаргахгүй явсаар Хонгор морьтын давааны адагт Сүхбаатартай уулзсан юм. Д.Гонгор нар. Д.Сүхбаатарын тухай дуртгалууд.,

Давааны энгэрт тэр дүрвэж л байна. Д.Цэдэв. Айргийн амт.

Чуу мэргэний нийт оносныг хоёр улсын эзэн сайд жанжин цэрэг сул ардад хүртэл цөм дуу алдалцан магтан сайшааж дуудалдцах дуунд даваа гүвээ анирлаж салхи уруу арван газар давтан сонстов. В.Инжаннаши. Хөх судар.,

Гамингууд өөрийн ухаангүй болтол нь балбаад үхлийн даваан дээр ирэхээр нь дамнан авчирч шоронгийн мухарт хаяна. Д.Намдаг. Цаг төрийн үймээн;

Энх амгалан өдөр ирэхийн даваанд ийм сайхан залуу эр ингээд л үхчих юм даа. Б.Нямаа. Арандалынхан.

Нийлмэл үг

даваа давах - давааг даван өнгөрөх

давааны ар - уул давааны хойд этгээд

давааны бэл - давааны хормойн дээд этгээд

давааны орой - давааны хамгийн дээд этгээд

давааны өвөр - давааны урд этгээд

давааны хэц - давааны орой, нурууны цавчим бэрх өндөр газар

давааны зам - даваа давах зам харгуй

давааны хяр - давааны орой нурууны журам

давааны энгэр - давааны өвөр этгээд

нам даваа - бага зэргийн өгсүүр даваа

өгсүүр даваа - нэлээд огцом даваа, алсаасаа өндөр даваа

үхдэгийн даваан дээр - үхэхийн босгон дээр

ирэхийн даваан дээр - ирэх гэж завдан байгаад болих

болохын даваанд - болон завдах үед

явахын даваанд - яг явах гэж байх агшинд

гурвын даваа - хоёр давсан бөхчүүд гуравдахь ам угтуултайгаа барилдах үе шат

нэгийн даваа - бүх бөхчүүд талцан барилдах хамгийн анхны даваа

тавын даваа - дөрөв давсан бөхчүүд тавдахь учраатайгаа барилдах даваа, энэ даваанд бөхийн хамгийн бага цол болох начин цолыг өгнө

даваа үнэлэх барилдаан - бөхчүүдийг цол, эрэмбээр хэсэг болгон тойргийн журмаар барилдуулж, давсан даваа бүрт шагнал өгөх барилдааны нэг хэлбэр

амаргүй даваа - амар хялбар гүйцэтгэх ажил биш

бардаггүй даваа - давж дийлэшгүй саад бэрхшээл хүч хүрэхгүй ажил

давдаггүй даваа - хийж гүйцэтгэхэд бэрх ажил үйл

даваа өвс - эгнүүлэн хураасан нуруу өвс

Зөв бичихзүй

Үг хувилгах зарчим

Кирил бичгийн зөв бичихзүй

да|ваа нэр. давааны, даваанд, да­ваагаар

Хоршоо үг

• даваа гүвээ - овон товон өндөрлөг газар
• уул даваа - уул болон түүнийг давах хэсэг

Хэлц үг

Өвөрмөц хэлц

давааны цаанаас тархидах - нүднээс далдуур муулах, эчнээ загнах

даваа давах - хүнд хүчир, саад бэрхшээлийг туулж өнгөрүүлэх, хэцүү ажлыг хийж дуусах

даваа давах - хүнд хүчир, саад бэрхшээлийг туулж өнгөрүүлэх, хэцүү ажлыг хийж дуусах~Арай гэж нэг даваа давлаа даа гэж би хэлэхэд... Одоо банди нарыг яаж давна даа гэж Бурантаг маань санаа алдан хэлэв (Ч.Лодойдамба, Манай сургуулийнхан).

даваан дээр - үйл явдлын хааш болох болшгүй хэцүү цаг үе, цэг, зааг дээр~Ширтэй хэвтэж байгаа энэ хүнийг цахиур Төмөр гэдэг. Өнгөрсөн намар Луу гүний ноён сүргээс тасалж хөөгөөд гэнэт үерлэсэн Тамирын голд мориноосоо салж үхэхийн даваан дээр аврагдахын хамт баригдаж хэд хоног жанчигдан байцаагдсан боловч нутаг ус, нэр алдраа хэлсэнгүй (Ч.Лодойдамба, Тунгалаг тамир).

давааны цаанаас тархидах - далдуур муулах, хов зөөх~Давааны цаанаас тархиддагийг чинь би мэдсэн шүү.

↑ аманд ортол арван даваа

↑ амандаа даваагүй

↑ балардгийн даваан дээр

↑ гол тасардгийн даваан дээр

↑ давдаггүй даваа

↑ өшт хүн өлийн даваан дээр

↑ хэлэндээ хэзээгүй, амандаа даваагүй

Хэвшмэл хэлц

Даваа давахад унаа хэрэгтэй

Дарх хийхэд алх хэрэгтэй