Жинхэнэ нэрийн эсрэг үгс

Жинхэнэ нэрээр илрэх эсрэг үгс өвөрмөц онцлогтой. Шууд утгаараа байгаа жинхэнэ нэрс эсрэг үгс болох нь ховхр байдаг. Нэр үг аливаа эсрэг тэсрэг зүйлийн шинж тэмдгийн харьцааг заасан утгаараа эсрэг үг болно. Жишээлбэл: тэмээ-ямаа гэдэг жинхэнэ нэрээр илэрсэн эсрэг үгсийг гаднаас нь харахад жинхэнэ нэр үгийн хэлбэртэй боловч малыг нэрлэж байгаа шууд утгаараа эсрэг үгс болж байгаа бус харин "тэмээ" гэдэг үг өндөр юм /мөн том юмыг/-ыг, "ямаа" гэдэг үг намхан юм /мөн жижиг юм/-ыг заасан утгаараа эсрэг үгс болж байгаа юм. Энэхүү жишээ нь жинхэнэ нэр шууд нэрлэсэн утгаараа биш шинж, тэмдгийг заасан шилжсэн утгаараа эсрэг үгс болдгийг харуулахын зэрэгцээ, зарим эсрэг үг тухайн улс үндэстний өвөрмөц онцлогийг тусгадаг болохыг баталж байна.