арслан

Монголоор

Үгийн гарал

Үгийн дуудлага

[araslan]

Үндэсний бичиг

ᠡ‍ᠠ‍᠊ᠷ‍ᠰ‍᠊ᠯ‍ᠠ‍᠊ᠨ

(арслан)

Галиглах зарчим

Үгийн утга

I нэр.

амьт. Мийн овгийн сүүн тэжээлт том араатан, толгой том, сүүл урт, шаравтар халцгай үстэй, эрэгчин нь урт сагсгар дэл зогдортой
Арслангийн дүр бүхий юм
Арслан шиг

II нэр.

Бөхийн цол

Ойролцоо үг

Нийлмэл үг

арслан агнах - арслангийн авд гарах

араатны хаан арслан - арслангаас хүчтэй араатан үгүй

арслангийн баг - арслангийн дүртэй цамын баг

арслан хуур хөгжим. - хоёр хялгасан чавхдастай, арслан дүрт толгой бүхий шанаган хуурын нэгэн төрөл

арслан амтай - том амтай

арслан заан амьт. - маш том биетэй, дүрс байдал заантай адил, урт үстэй, том тахир соёотой, нэг зүйл сөнөсөн амьтан, хуучин толь бичигт мөсч хулгана гэж нэрлэсэн нь бий

аймгийн арслан - аймгийн наадамд түрүүлсэн бөхөд олгох цол

улсын арслан - улсын наадамд нэг удаа ес давж түрүүлсэн бөхөд олгох цол

Зөв бичихзүй

Үг хувилгах зарчим

Кирил бичгийн зөв бичихзүй

арс|лан амьт.. арсланд, арслангаас, о.тоо арслангууд

Үндэсний бичгийн зөв бичихзүй

ᠡ‍ᠠ‍᠊ᠷ‍ᠰ‍᠊ᠯ‍ᠠ‍᠊ᠨ ᠊ᠣ
ᠡ‍ᠠ‍᠊ᠷ‍ᠰ‍᠊ᠯ‍ᠠ‍᠊ᠨ ᠳ᠋ᠣ
ᠡ‍ᠠ‍᠊ᠷ‍ᠰ‍᠊ᠯ‍ᠠ‍᠊ᠨ ᠊ᠢ
ᠡ‍ᠠ‍᠊ᠷ‍ᠰ‍᠊ᠯ‍ᠠ‍᠊ᠨ ᠡᠴ᠊‍᠊ᠨ
ᠡ‍ᠠ‍᠊ᠷ‍ᠰ‍᠊ᠯ‍ᠠ‍᠊‍ᠨ᠋‍ ᠢᠶᠡᠷ
ᠡ‍ᠠ‍᠊ᠷ‍ᠰ‍᠊ᠯ‍ᠠ‍᠊ᠨ ᠲ᠋‍ᠠ‍᠊ᠢ
ᠡ‍ᠠ‍᠊ᠷ‍ᠰ‍᠊ᠯ‍ᠠ‍᠊ᠨ ᠡᠣ᠊᠊ᠷᠣ᠊ᡍᠣ
ᠡ‍ᠠ‍᠊ᠷ‍ᠰ‍᠊ᠯ‍ᠠ‍᠊‍ᠨ᠋‍ ᠢᠶᠡ‍᠊ᠨ
ᠡ‍ᠠ‍᠊ᠷ‍ᠰ‍᠊ᠯ‍ᠠ‍᠊ᠨ ᠨᠣ᠊ᡍᠣ᠊ᠣ᠊᠊ᠨ

/~ийн /~д /~г /~аас /~аар /~тай /~руу /~аа /~ууд

Орчуулга

Хоршоо үг

арслан барс - хүчит араатан

Товчилсон үг

АА Аймгийн Арслан [бөхийн цол]

УА Улсын Арслан [бөхийн цол]

ЦА Цэргийн Арслан [бөхийн цол]

Хэлц үг

Өвөрмөц хэлц

арслангаас айсан бух арван жил баас алдах - нэг айсан юмнаасаа үргэлж зүрхшээх, зүрх нь үхэх гэсэн санаа~Арслангаас айсан бух арван жил баас алдана гэгчээр одоо хэр нь хөрөөний дуу гарахаар л нуруугаар хүйт даадаг юм.

арслангийн замыг туулай хэрэх - хэрээ мэдэхгүй хэтэрхий давруу аашлах гэсэн санаа~Гар бариад бугуй атгана гэгчээр одоо том том юм ярьдаг болсон байна лээ. Арслангийн замаар туулай хэрнэ ээ гэж...

Хэвшмэл хэлц

Амьтай юманд

Арслан бөх

Аргат туулай

Арслан барина

Арслан аралдсан хүчнээс

Тахиа хосолсон арга

Арслан баатар ч бол галаас ширд хийдэг

Хүн сайн боловч нэг юманд гэнэддэг

Арслан бөөлжсөнөө идэхгүй

Нохой бөөлжсөнөө иднэ

Арслан бөөлжсөнөө идэхгүй

Сайн эр үгээ мэлзэхгүй

Арслан үнэгний чуулганд үзэсгэлэнгүй

Мэргэд тэнэгүүдийн чуулганд үзэсгэлэнгүй

Арслан мэт ноёныг

Барс мэт түшмэл дагах

Арслан хэдий өлсөвч бөөлжсөө иддэггүй

Хүн муу боловч хаяснаа авдаггүй

Арслан цадахлаараа

Намайг хэн айлгах вэ гээд хөшиж хэвтдэг

Арслан шиг архираад

Зурам шиг зугтах

Асрыг тулдаг багана боловч аглаг ууландаа шугуй

Арслан адил баатар боловч аав ээждээ бяцхан

Бүргэд шиг билгэн нүдтэй

Арслан шиг араа сайтай

Сайн хүн үгээ буцдаггүй

Арслан бөөлжсөө иддэггүй

Үнэг цадвал улина

Арслан цадвал унтана

Аман зохиолд орсон нь

Зүйр үг

Арслан шиг архираад

Зурам шиг зугтах

Тайлбар: гаднаа баатар мэт сүртэй аашлавч, цагаа тулаад ирэхээр хулчгар болох

Арсланг барихад аргаар

Адгуусыг барихад дээсээр

Тайлбар: аливаа юманд тохирсон аргыг хэрэглэх хэрэгтэй

Арслангийн амнаас гараад

Барсын аманд орох

Тайлбар: нэг аюулаас дөнгөж мултран гартал өөр нэг аюулд учрах

Арслангийн замыг туулай хэрэх

Тайлбар: хэрээ мэдэхгүй хэтэрхий давруу аашлах