буруу

Монголоор

Үндэсний бичиг

ᠪᠤ᠊ᠷᠣ᠊ᡍᠣ

(буругу)

Галиглах зарчим

Үгийн утга

тэм.

1. Зөвийн эсрэг утга, тэрс, ташаа гажуу, гэдрэг
2. Солгой, зүүн
3. Цагийн зүүний эсрэг
4. Юмны ар тал, нөгөө этгээд;
5. Зөв биш
6. Ааш зангийн зөрүү гажуу, ёс бус
7. Алдаа, гэм, дутагдал

===Ойролцоо үг=== буруу

Нийлмэл үг

буруу номтон - а.шүтдэг шашинтай нь тэрс шашин; б.этгээд, гажууд зөрүү

буруу харах - цааш харах

буруу ном - үздэг номоос өөр үзэл санаа агуулсан ном

буруу санах - а.хар буруу санаа бодол агуулах; б.эндүү ташаа бодох

буруу гар - а.зүүн гар; б.шилж. эсрэг этгээд

буруу тал - солгой тал

морины буруу тал - мордохын эсрэг тал

нар буруу эргэх - нарны явдлын эсрэг

буруу энгэр - а.дотоод энгэр; б.солгой гар талд эсгэсэн энгэр, хүүхэд өвчин ороох зэрэгт дом болгож буруу энгэртэй дээл өмсгөнө

буруу ишлэх шилж. - өөр тийшээ зүтгэх

буруу өсгөх - зөв биш хүмүүжүүлэх

Зөв бичихзүй

Үг хувилгах зарчим

Кирил бичгийн зөв бичихзүй

бу|руу тэм.. ~ зөрүү хорш. (эсрэг) нар ~ эргэх (зөв биш) цамцаа ~ өмсөх (алдаа) гэм ~ хорш., бурууг, бурууд, буруугаас, бу­руутай

Хоршоо үг

• буруу гажуу - ёс бус, өөр гажуу
• буруу зөрүү - андуу ташаа, зөрүү гажуу
• буруу тэрүү - гажуу зөрүү
• буруу сөөрөг - аливаа зүйлийн урсгал чигийн эсрэг, буруу зөрүү
• буруу хазгай - алдаатай, зөв биш, эндүү ташаа
• зэм буруу - гэм буруу

Хэлц үг

Өвөрмөц хэлц

буруу нь булчингаараа гарах - бүтэлгүй юм хийхэд өөрт нь эргээд гай болох

буруу ишилсэн сүх шиг - зөрүүд, адайр зантай

буруу дэвэх - буруу ажил хийх, санаачлах~Буруу дэвээд л эхэлсэн бол төгсгөлийн үр дүн нь тааруу л гарна даа.

буруу ишилсэн сүх шиг/мэт/адил - зөрүүд, мугуйд, өөрийнхөөрөө зүтгэх~Буруу ишилсэн сүх шиг чи ер нь яасан хүн бэ? Буурал худлаа хэлж байхыг хэзээ үзсэн хүн бэ (Ц.Гайтав, Дамдины Сүхбаатар). ~Тэгээд ч тэр нэгэн өдөр уулын модны гэр рүүгээ явахдаа буруу ишилсэн сүх шиг заримдаа үг авдаггүй хүүдээ зөв үг хэлэх ухаан санаа толгойд нь орж ирсэнгүй, эзгүй хээр модны дэргэд усанд хөвсөн зомгол адил орхисонд хоног дараалж сэтгэл эмтрэн яваа билээ (Л.Чойжилсүрэн, Морин төвөргөөн).

буруу нь булчингаараа гарах - бүтэлгүй юм хийхэд өөрт нь эргээд гай болох~Өөдөө хаясан чулуу өөрийн толгой дээр гэгчээр хийсэн үйлдсэн хэргүүд нь илрэх цагт хүмүүс буруу нь булчингаараа гарлаа хэмээнэ дээ.

↑ зүс буруу

↑ элэг буруу

Хэвшмэл хэлц

Боолын хүүхдээс буруу тасрахгүй

Буруу хажуугаас сүүдэр тасрахгүй

Бор шаваг өсөвч мод болохгүй

Буруу номтон сүрдүүлэвч бодь мөрийг олохгүй

Борвио нугалбал чичрэх нь аргагүй

Буруу яривал хэлэгдэх нь аргагүй

Борвиороо зогсвол чичрэх нь аргагүй

Буруу яривал ичих нь аргагүй

Бугын эвэр урт ч модонд орооцолддоггүй

Буруу явдал олон ч өөрөө мэддэггүй

Будан татаад арилахад хөх чоно урвайдаг

Буруу ажлыг зэмлэхэд хөвсрөг хүн урвайдаг

Булгийн ус оргивч хүйтэн

Буруу санаатан инээвч худал

Булгийн усан булгилж байвч хүйтэн

Буруу санаатан инээж байвч хартай

Булхай буруугаар

Буруу нүдээр (үзэгдэх)

Булхай нь булчингаараа гарах

Буруу санаа нь амаараа гарах

Бурантгаа тасалсан тэмээ шиг

Буруу зөвгүй сэвсээ цацална

Буруу булхайн хажууд

Чоно бурханы хажууд

Буруу бурууд гурван буруу

Бухаа алаад дөрвөн буруу

Буруу бүхийг биенээсээ эр

Буян бүхнийг зовлонгоосоо эр

Буруу бүхнээ хэлээд

Зөвөө сонсох сайхан

Буруу замаар будаа тээвэл

Буцахдаа шороо тээнэ

Буруу замаар будаа тээгээд

Буцахдаа чулуу тээнэ

Буруу замд орвол

Будилах зовлон болно

Буруу зангаа дэлгэж

Булхай явдал гаргав

Буруу зөвийг ялгадаггүй

Булингартай далайг харамладаг

Буруу зөвийг ялгаж болдог

Булингаргүй далайг харамлаж болдоггүй

Буруу ирвэл ах ихэст

Зуд ирвэл хуц тэхэд

Буруу ишилсэн сүх шиг

Будаа тарьсан бух шиг

Буруу ишилсэн сүх шиг

Буханд ачсан ачаа шиг

Буруу ном гэм

Ариун үг эм

Буруу ном хижиг

Ариун үг эмч

Буруу олзоос

Зөв гарз дээр

Буруу өсгөсөн хүүхэд

Бухын хүзүүнээс хатуу

Буруу үйлтэн хачлахдаа мэргэн

Бусдын таалалд тохирохгүй нь хэцүү

Буруу харж гурав инээж

Зөв харж нэг инээх

Буруу харж уйлж

Зөв харж инээх

Буруу харсан нүхэнд нарны гэрэл тусахгүй

Буруу санаатай хүнд буяны гэрэл тусахгүй

Буруу хоолой уруугаа

Будаа залгимаар

Буруу хүсэл эдлэхээр

Биеийн эрдэм буурах

Бусдад худал хэлэхлээр

Биеийн итгэл буурах

Буруу шийдэм биедээ

Эргэх шийдэм эзэндээ

Буруу юмыг бүү өмөөр

Бусдын юманд бүү шуна

Буруу явбал торох

Бороо орвол норох

Буруу явбал турна

Бороонд явбал норно

Буруу явдлыг

Бурхан тэнгэр ч таалахгүй

Буруутын хүү

Буруу гэхгүй

Бурхан болсон хүнийг буянаар үд

Буруу хандсан дайсныг зэвсгээр үд

Бурхан чөтгөр мухар сүсгээс

Буруу санаа муу сэтгэлээс

Буурын доорх шиг

Буруу тийш халайсан

Бухын малтсан нуруундаа

Буруу явсан биедээ

Бухын хамрыг нударгаар

Буруу номтонг үгээр

Гэнэн явсан гэдгэр толгой

Буруу явсан бондгор толгой

Зөв олон талтай

Буруу нэг талтай

Зөв харж инээсэн

Буруу харж уйлсан

Зөв юм зүрхнээсээ халуун

Буруу юм булчингаасаа хүйтэн

Зөв явдлын тусыг магадал

Буруу хэргийн хорыг хяна

Ороо морийг ороогоор

Буруу хүнийг аргаар

Осол бүхэн орой дээр

Буруу бүхэн бөгсөн дээр

Өөдгүй санаа өөрт хор

Буруу санаа биед харш

Үнэн юм үнэтэй

Буруу юм хувхай

Хар санаа нь хад сөргөнө

Буруу санаа бут мөргөнө

Хар санаатыг хага ниргэж

Буруу санаатыг бут ниргэх

Цэцэн худал

Буруу хэлсэн үгнээс дээр

Эргүү хараал эзэндээ

Буруу хараал биедээ

Эргүү шийдэм эзэндээ

Буруу шийдэм биедээ

Эргүү шийдэм эзэндээ

Буруу шийдэм булчиндаа

Сариу хуруу амандаа

Аман зохиолд орсон нь

Зүйр үг

Буруу харж уйлах

Зөв харж инээх

Тайлбар: яах ч аргагүй болох, ацан шалаанд орох

Бухын малтсан нуруундаа

Буруу явсан биедээ

Тайлбар: андуу эндүү явдалтан үйлийн үрээ өөрөө амсана

Буруу өсгөсөн хүүхэд бухын хүзүүнээс дор

Тайлбар: зөв хүмүүжилгүй хүүхэд их хэцүү

Бурууд зөвгүй

Тайлбар: гэм ослыг зөвтгөх ямар ч аргагүй

Цэцэн үг

Буруу замаар будаа тээвэл бусахдаа шороо тээнэ

Тайлбар: ажил хэрэгт зөв шударга хандах хэрэгтэй