галзуу

Монголоор

Үгийн дуудлага

[ǧalʣu:]

Үндэсний бичиг

ᠭᠠ᠊ᠯ᠊ᠵ‍ᠠ‍ᡍᠣ

(галжагу)

Галиглах зарчим

Үгийн утга

тэм.

1. Хүн, амьтны төв мэдрэлийн эрхтэнг гэмтээдэг вируст өвчин, ухаан мэдрэл алдаж солиорно
2. шилж. Ууртай, догшин, эрч чадалтай, хөөрүү
3. шилж. Илэн далангүй, нүүрэмгий гал цогтой хүн

Нийлмэл үг

галзуу нохой - галзуугаар өвчилсөн нохой

галзуу морь - хөөрүү морь

галзуу хурдан - их хурдан

галзуу чадалтай - эрч чадал сайтай

галзуу охин - нүүрэмгий зантай охин

Зөв бичихзүй

Үг хувилгах зарчим

Кирил бичгийн зөв бичихзүй

гал|зуу нэр. их) ~ хурдан/уур­тай шилж. (нүүрэмгий) ~ охин, гал­зуудуу

Үндэсний бичгийн зөв бичихзүй

ᠭᠠ᠊ᠯ᠊ᠵ‍ᠠ‍ᡍᠣ᠊ᠪᠳ᠋ᠣ᠊᠊ᠷ
ᠭᠠ᠊ᠯ᠊ᠵ‍ᠠ‍ᡍᠣ᠊ᠪᠳ᠋ᠣ᠊ᠷᠳ᠋‍ᠠ‍ᡍᠣ
ᠭᠠ᠊ᠯ᠊ᠵ‍ᠠ‍ᡍᠣ᠊ᠳ᠋‍ᠠ‍ᡍᠣ
ᠭᠠ᠊ᠯ᠊ᠵ‍ᠠ‍ᡍᠣ᠊ᠳ᠋‍ᠠ‍ᡍᠣ᠊‍ᠠ‍‍ᠠ‍‍ᠠ‍᠊ᠨ

/~втар /~втардуу /~дуу /~дуухан

Хоршоо үг

• солио галзуу - а.сэтгэцийн элдэв өвчин эмгэг; б.шилж. эрээ цээргүй ааш авир
• галзуу хөлчүү - архи ууж хөөрч онгирсон байдал

Хэлц үг

Өвөрмөц хэлц

галзуу улаан - дүнсэн тамхи

галзуу нохойн аманд гараа хийхээс ч буцахгүй [нас] - зоригтой, золбоотой байх үе~Тэр үед чинь галзуу нохойн аманд гараа хийхээс ч буцахгүй цөс зүрхтэй байлаа гэж...

галзуу улаан - (ААЗ) ороодог, задгай улаан тамхи, дүнсэн тамхи~Донхор гаансаа гаргаж, галзуу улаанаа нэрмээр санагдсан боловч чадсангүй (Л.Түдэв, Уулын үер).

галзуу хар - хар архи~...энэ галзуу хартай ч талаар барагтай болсон шүү. Гүн нуруу балбарсантай, зүрх бас муу тул эмчээс ууж болохгүй гэж тас хориод байгаа юм (Ү.Сумъяа, Зуны өдөр). ~Галзуу хар чинь ёстой гамшгийн хар даа. Үүнийг уувал чухам архины халуун дотогшилж, амны халуун гадагшлаад аль байсныг хэлүүлж хэрэгт оруулна (Т.Мэргэнбилэг, Нүүдэл).

Хэвшмэл хэлц

Гай газар доороос

Галзуу нохой салхин өөдөөс

Гай гамшиг газар доороос

Галзуу нохой жавар доороос

Галзуу морины амыг нь тат

Ганган эхнэрийн занг нь тат

Галзуу нохой өөрийн хүний гэж ялгахгүй

Гал түймэр өвч мод гэж ялгахгүй

Галзуу нохойд салхи нэмэр

Гашин хүнд архи нэмэр

Галзуу нохойн нүд улаан

Ганган эхнэрийн харц улаан

Галзуу нохойн нүд улаан

Гантай тэнгэрийн нар улаан

Ган төмөр гарт ширүүн

Галзуу эр эмдээ ширүүн

Ганган хүнд гархи нэмэр

Галзуу нохойд салхи нэмэр

Ганц сарын халуун

Галзуу идээний хүч

Ганц хүн ганцаараа

Галзуу нохой замаараа

Согтуу хүнд газар бүү заа

Галзуу хүнд мэс бүү бариул