даарь

Монголоор

Үгийн дуудлага

[dȧ:rĭ]

Үндэсний бичиг

ᠲ᠋‍ᠠ‍ᡍ‍ᠠ‍᠊ᠷ᠊ᠢ

(дагари)

Галиглах зарчим

Үгийн утга

нэр.

1. Морь, малын нуруу зэргийн нухагдан гарсан яр шарх, идээ бээр
2. Хир буртаг, хөлс шороо нэвчин дагтаршсан зүйл

Утга зохиолын жишээ

Морины нуруу нухагдсаар даарь болов. Ч.Лодойдамба. Тунгалаг Тамир.,

Нэгэн хүн үг хэлж, Дүйнхэр, Мандбай хоёрын залхуу хойрго, өөдгүй байдлыг шүүмжилж, даарин дээр нь давс хийж нэлээд сандаргажээ. Л.Түдэв. Уулын үер

Бодончар урагт эс тоологдох атал, энд юу хийж сууна гээд гол даарьт, годил сүүлт орог шинхул морио унаж үхвэл үхье, амьдарвал амьдаръя гэж Онон мөрөн уруу зорьж одов. Монголын нууц товчоо.,

Аюур гуайн савтай усны шавхруугаар нүүрнийхээ өлөн хирийг норгож даг даарь болсон хар алчуураар нүүрээ арчлаа. П.Хорлоо. Багш.

Нийлмэл үг

адууны даарь - адууны нуруу холгогдсон яр шарх

даарь болох - морь, малын холгогдсон яр, шарх давхайж зузаарах

тохмын даарь - тохмонд морины хөлс нэвтэрч, даг болсон нь

Зөв бичихзүй

Үг хувилгах зарчим

Кирил бичгийн зөв бичихзүй

даарь нэр. даг ~ хорш., даарийг, дааринд, дааринаас

Хоршоо үг

• даг даарь - хир буртаг

Хэлц үг

Хэвшмэл хэлц

Нойр ахадвал өвчин болно

Даарь ахадвал ёр болно

Саарь хөлтөн

Даарь гартан

Аман зохиолд орсон нь

Зүйр үг

Даахь нь унахгүй

Даарь нь ховхрохгүй

Тайлбар: эцэнхий, ядмаг

Даарин дээр нь давс нэмэх

Тайлбар: байдлыг улам муутгах