давхар

Монголоор

Үгийн дуудлага

[dawxar, dafxar]

Үндэсний бичиг

ᠲ᠋‍ᠠ‍ᠪᠡ‍ᠠ‍ᠣ᠊᠊ᠷ

(дабхур)

Галиглах зарчим

Үгийн утга

тэм.

1. Дан биш
2. Давхарлан байгаа юм
3. Нэг төрлийн биш, хэдэн янз
4. Зэрэг зэрэг
5. шилж. Жирэмсэн
7. Хэлний зүй болон тооны ухаанд хэрэглэх нэр
8. Эерэг тэгш тоо.

Нийлмэл үг

давхар бүрээс - гэрийн хоёр давхарласан бүрээс

давхар давхар оёх - бөхлөн дахиж оёх

давхар далавчтай онгоц - онгоцны их биеийн хоёр талд бие биеийн дээр давхарлаж байрласан хос далавчтай нисэх онгоц

давхар мэх - угсраа мэх

давхар нуруу - гэр, байшин зэргийн барилгад давхарлаж тавьсан нуруу

давхар ор - а.дээр дээр нь давхарласан ор дэр; б.хуучир. авсны гадуурх хүрээ

давхар хагалбарлах - газар хагалах нэгэн арга, гүн хагалахын тулд хоёр анжисыг өмнө хойно явуулах

давхар харъяат - хоёр улсын харъяалалтай хүн

давхар хүү - мөнгө зээллэгэд нэмж авах хүүгийн хүү

давхар хээ - дагнааст хээ

давхар эрүү - тарган хүний эрүү хүзүүний арьс атриатан нугарсан нь

давхар шилбэ - дээлийн зэрэгцээ хос шилбэ

цонхны давхар хүрээ - цонхны хос эмжээр

гурван давхар - гурав давхарласан юм

давхар зам төмөр - үндсэн зам төмөртэй зэргэдээр дугуйн дотор талын хэсэгт байрлуулсан нэмэлт зам төмөр

давхар жэргэ тогл. - монгол ардын хөлөгт тоглоом

давхар өлзий - хослуулан урласан өлзий хээ

давхар суран хазаар - хос сураар зангидсан толгойвч бүхий хазаар

таван давхар - таван удаа давхарласан юм, таван үе

давхар ажилтай - үндсэн ажлын чөлөө завсар гүйцэтгэх өөр ажилтай

давхар ачих - монгол үндэсний бөхийн барилдааны үндсэн мэхийн нэг; нөгөө бөхийн мөрөн дээгүүр давуулах юмуу, сугадан зодогны хормойгоос атгаж, тэр талынхаа хөлөөр нөгөө бөхийн цаад хөлийн өмнүүр тохож огцом хүчлэн дарж унагана

давхар талст - олон тооны дан талстын ширхэгээс эмх замбараагүй чиглэлээр шавалдаж бүтсэн талст бие

давхар давхар сануулах - нэг зүйлийг хэд хэдэн хүн давтан сануулах

давхар биетэй - хөл хүндтэй, жирэмсэн

давхар тийн ялгал хэл шинж. - нэг үгийн бүтцэд тийн ялгалын нөхцөл давхарлан орох

давхар санаа агуулах - илтгэн таниулж буйгаас өөр зорилго агуулах

давхар хаалт - нэг дор давхацсан хаалт

давхар хашилт - иш татсан үг, ном бичиг, сонин сэтгүүлийн нэр зэрэгт хэрэглэх « » тэмдэг

давхар цэг - хандал үг, өгүүлбэр өгүүлэгчийг тодотгоход хэрэглэх хос цэг; эл цэгээс хойш тоочсон, өгүүлсэн хэсэг нь урдах хэсэгтэйгээ шалтгааны, тайлбарласан гэх мэт утгын холбоотойг заадаг

Зөв бичихзүй

Үг хувилгах зарчим

Кирил бичгийн зөв бичихзүй

дав|хар тэм.. ~ даат­гал шилж. (жирэмсэн) ~ биетэй, давхрын, давхарт, давхраас

Хэлц үг

Өвөрмөц хэлц

давхар биетэй - хөл хүндтэй, жирэмсэн~Охиныхоо давхар биетэйг Дарьзаваас сонссон Данигай хэд хоног дуугүй явснаа сая л ухаан орсон мэт цай чанаж зогсоо охиноо хараад

давхар биетэй болох/байх - жирэмсэн болох~Хүүе Отгон минь чи ийм давхар биетэй байж... (Л.Содов, Хаврын нар).

↑ бие давхар болох

Хэвшмэл хэлц

Давхар ирэх баяргүй

Дан тусах зовлонгүй

Давхар ирэх буянгүй

Дан тусах зовлон бий

Дан ирэх зовлонгүй

Давхар ирэх жаргалгүй