дээс(эн)

Монголоор

Үгийн утга

I нэр.

1. Үс хялгас, олс зэргээр томж хийсэн оосор
2. Бугуйл, цалам; Орж гарахыг хязгаарлан хорьсон тэмдэг

Холбоо үг

дээс томох - ноос үсийг салгаж самчин түүдэг хийсний дараа баруун солгой эрч оруулан нийтгэх

дээс харайлах - а.багачуудын тоглоом, хоёр хүн харайлан наадах; б.өөрөө дээсний үзүүрээс барьж сэжин, өөрөө харайлж наадах

дээсэн дөрөө - а.дээсээр томж хийсэн дөрөө; б.арай чарай гэж аргалж байгаа байдал

дээс татах - а.гаднын хүн оруулахгүйн тулд хөл хорьсон тэмдэг болгож гэр хаалганы тус газар дээс уяж сунган тавих; б.дээслэх

дээсэн тэмдэглэл - олс дээсээр утга санаа тэм­дэглэн харилцах эртний дохионы бичиг

Хоршоо үг

• аргамж дээс - татлага дээс
• олс дээс - юм татаж чангалах, боож баглахад хэрэглэх олс болон хялгасан уяа хүлэг
• сур дээс - малын арьс ширийг боловсруулан элдэж зүссэн хийгээд хялгас томж хийсэн, юм татаж чангалах, боож баглахад хэрэглэх уяа
• татлага дээс - ачаа бараа дарж бөхлөх оосор хүлэг

Өвөрмөц хэлц

хилийн дээс - хилийн торгон зааг

Аман зохиолд орсон нь

Зүйр үг

Дээсэн дөрөөн дээр дэнжгэнэх

Тайлбар: дөнгөн данган, яаж ч магадгүй бо¬лох

Дээс хэ¬дий урт боловч зангилаатай

Зам хэдий хол боловч салаа­тай

Тайлбар: аливаа зүйлд эмх журам байх ёстой