ерөөл

Монголоор

Үгийн дуудлага

[jцrц:l]

Үндэсний бичиг

ᠡ᠊ᠢ᠊᠊ᠷᠣ᠊ᠭᠡᠯ

(ирүгэл)

Галиглах зарчим

Үгийн утга

I нэр.

1. аман зох. Монгол ардын аман зохиолын нэг төрөл, сайн сайхныг хүсч мөрөөдсөн агуулгатай шүлэглэсэн зохиол
2. Сайныг бэлгэдэн хэлдэг үг хэллэг
3. шашин. Сайныг хүсч, бурхад догшдыг магтан аргадсан залбирал

II нэр.

1. Хувь тавилан, хувь зохиол

Нийлмэл үг

гэрийн ерөөл - шинэ гэр, шинэ гэрийн эздэд зориулсан бэлгэ дэмбэрлийн үг

хуримын ерөөл - гэр бүл болж буй хосын амьдралд сайн сайхныг хүсэн шүлэглэсэн үг хэллэг

сөнгийн ерөөл - айраг, архины сав дүүрэн байхыг бэлгэдсэн уран хэллэг

ерөөл барих - ерөөл хэлэх

ерөөл бат орших - ерөөсөн бэлгэ дэмбэрэл биелэх, сайны учрал бүрдэх

ерөөл тавих - бэлгэ дэмбэрэлтэй сайхан үг дэвшүүлэн хэлэх

сайны ерөөл - сайн сайхныг бэлгэдсэн үг хэллэг

уулзахын ерөөл - эргэж уулзахыг хүсэн ерөөсөн сайн сайхан үг хэллэг

учрахын ерөөл - найзалж дотносохыг хүссэн үг

ерөөлөөр болох - сайн сайхныг хүссэн ёсоор ажил төрөл бүтэх

ерөөлөөр болтугай - ерөөл биелэх болтугай

ерөөл айлтгах - а.ерөөл хэлэх; б.талийгаачийн хойчийн сайн төрөлд зориулан, хурал ном хуруулж буян үйлдэх

ерөөлийн хаан - хилэнцийг арилгах, буяныг өрнүүлэх, барагдашгүй болгох тусын тулд Самандабадари бандидагийн зохиосон ерөөл; бурхан багшийн хамаг судар тарнийн утгыг хураангуйлан багтаасан гэж үздэг

маанийн ерөөл - нас нөгчигсдийн хойдын буянд зориулж маань унших, ерөөл тавиулах шашны зан үйл

Зөв бичихзүй

Үг хувилгах зарчим

Кирил бичгийн зөв бичихзүй

е|рөөл нэр. ерөөлд, ерөөлөөр

Үндэсний бичгийн зөв бичихзүй

ᠡ᠊ᠢ᠊᠊ᠷᠣ᠊ᠭᠡᠯ ᠤ‍᠊ᠨ
ᠡ᠊ᠢ᠊᠊ᠷᠣ᠊ᠭᠡᠯ ᠳ᠋ᠣ
ᠡ᠊ᠢ᠊᠊ᠷᠣ᠊ᠭᠡᠯ ᠊ᠢ
ᠡ᠊ᠢ᠊᠊ᠷᠣ᠊ᠭᠡᠯ ᠡᠴ᠊‍᠊ᠨ
ᠡ᠊ᠢ᠊᠊ᠷᠣ᠊ᠭᠡᠯ ᠢᠶᠡᠷ
ᠡ᠊ᠢ᠊᠊ᠷᠣ᠊ᠭᠡᠯ ᠲ᠋‍ᠠ‍᠊ᠢ
ᠡ᠊ᠢ᠊᠊ᠷᠣ᠊ᠭᠡᠯ ᠢᠶᠡ‍᠊ᠨ
ᠡ᠊ᠢ᠊᠊ᠷᠣ᠊ᠭᠡᠯ ᠣ᠊ᠣ᠊᠊ᠨ

/~ийн /~д /~ийг /~өөс /~өөр /~тэй /~өө /~үүд

Хоршоо үг

• ерөөл магтаал - ерөөн магтсан шүлэглэл
• ерөөл тарни - бурхад, догшдыг аргадан, тэднээс ач буйн гуйн хүссэн залбирал
• ерөөл тавилан - сайныг санаж бүтээсэн амьдрал, хувь зохиол
• учрал ерөөл - амьдралд тохиох учрал тавилан, хувь заяа
• хувь ерөөл - уулзаж тохиохын сайн хувь заяа

Хэлц үг

Өвөрмөц хэлц

ерөөлийн үзүүр - сайн сайхан сэтгэл~Ерөөлийн үзүүрт тос, хараалын үзүүрт цус.

↑ тэнгэрээс буусан тэгш ерөөл

Хэвшмэл хэлц

Хараал хариутай

Ерөөл үртэй

Аман зохиолд орсон нь

ерөөл I нэр. # - Монгол ардын аман зохиолын нэг төрөл, сайн сайхныг хүсч мөрөөдсөн агуулгатай шүлэглэсэн зохиол: гэрийн ерөөл шинэ гэр, шинэ гэрийн эздэд зориулсан бэлгэ дэмбэрлийн үг

Зүйр үг

Ерөөлийн үзүүрт тос

Тайлбар: бэлгэдэл дэмбэрлийн сайн сайхнаар үйлс бүтнэ