зай

Монголоор

Үгийн дуудлага

[ʣai]

Үндэсний бичиг

ᠵ‍ᠠ‍᠊ᠢ

(жаи)

Галиглах зарчим

Үгийн утга

I нэр.

1. Хоёр юмны хоорондох хол, ойрын хэмжээ
2. Ямар нэг юмны багтаамж, агуулах зай завсар, сул хоосон газар, хөндий
3. Завсар чөлөө, зав
4. шилж. Эв эе алдах, түнжин хагарах байдал.

II нэр.

1. хими. Зарим нэгэн язгуур махбод
2. Цахилгааны бичил эх үүсгэвэр, тэжээл
3. Ямар нэгэн юманд зайлшгүй орж хэрэглэгдэх хачир хольц; бүрэлдэхүүн

III нэр.

1. Хүний араншин болсон самбаа, заль мэх
2. Сэжиг сэв

IV тэм.

1. Маш өчүүхэн

Нийлмэл үг

зай багатай - ойрхон

зай ихтэй - хол

холын зайд уралдах - газрын холд уралдах

зай авах - а.юмны газар авах, тархах; б.юмны хооронд сул чөлөө гаргах

зай тавих - бусдын өмнө саад болохгүй зайлж өгөх

зай үлдээх - ажил баримжаалах, төлөвлөгөө тогтоох зэрэгт нөөц цаг зав, хөрөнгө тооцоолон үлдээх

ширээ тавих зай - ширээ багтах газар

зай олох - бултан зугтаах, хулжих завшаан олох

зай өгөх - зав чөлөө олгох

зай завгүй ажиллах - амсхийх чөлөөгүй ажиллах

химийн зай - химийн орц, найрлага дахь химийн махбод

нарийн зай - нарийн орц, бичил махбод

цагны зай - цагны тэжээл

цахилгаан зай - бага оврын бичил цахилгаан хэрэгслийг ажиллуулах хэрэгсэл

амтны зай - амт оруулах хачир хольц

эд зай - хольц найрлага

эмийн зай - эмийн найрлага

зай ихтэй - самбаа, арга заль ихтэй

сэтгэлд зай гарах - сэтгэлд сэв суух

зай төдий махтай хоол - махны амсуурга төдий амттай хоол

Зөв бичихзүй

Үг хувилгах зарчим

Кирил бичгийн зөв бичихзүй

зай нэр. ~ны сургалт (сул завсар) хооронд нь ~ авах, зайны, зайд, зайнаас

Хоршоо үг

• зай завсар - сиймхий зай, сул чөлөө
• зай завсар - а.хоёр юмны хоорондох хөндий газар; б.ясны үе; в.цаг хугацааны чөлөө зай
• чөлөө/чөлөө зай - зав зай
• зай тэжээл - бичил цахилгаан үүсгэвэр

Хэлц үг

Өвөрмөц хэлц

зайны сургалт - багш, шавь хоёр заавал нүүр тулан танхимд хичээллэх бус, гэрийн даалгавар хийх, зөвлөгөө авах гэх мэт хэлбэрээр явуулах сургалт

зай барих - болгоомжлох~Зай барилаа гээд буруудах юм байхгүй. Айж явбал аминд өлзийтэй гэдэг үг ч байдаг шүү дээ.

↑ бөгс эргэх зайгүй

↑ зүү орох зайгүй

↑ төө зайгүй

↑ хөл тавих зайгүй

Хэвшмэл хэлц

Лай ч байна

Зай ч байна

Аман зохиолд орсон нь

Зүйр үг

Зай ч байна

Лай ч байна

Тайлбар: а.амжих цаг байна; б.ашигтай, ашиггүй юм аль алин нь байна