зовлон

Монголоор

Үгийн дуудлага

[ʣowloŋ]

Үндэсний бичиг

ᠵᠣ᠊ᠪᠡ᠊ᠯ‍ᠠ‍‍ᠠ‍᠊ᠢ᠊ᠡ᠋

(жобаланг)

Галиглах зарчим

Үгийн утга

нэр.

1. Ямар нэг шалтгаанаар тохиолдсон бие, сэт­гэлийн зүдүүр шаналгаа
2. шашин. Амьдралд саад бологч хорт, шуналт нисванис сэтгэлд хүлэгдэн, нүгэлт үйлд хүргэх сэтгэл; зовлон нь ариун бөгөөд зовлонгийн шалтгаан нь эрхт засаг, ахуй жаргал, амиа бодох шунал сэтгэлийн үр юм гэж Бурхан багш айлджээ.

Нийлмэл үг

зовлон амсах - хүнд бэрх учрал тохиолдох

зовлон тарих - бусдад гай гамшиг учруулах

зовлон тоочих - элдэв бэрхшээл учирсан шалтаг шалтгааныг хөврүүлэн нурших

зовлон эдлэх - удаан хугацаа­гаар бэрх амьдрал туулах

зовлонгийн далай - а.шашин. хүний ертөнц; б.гашуун зовлонтой орчин ахуй

гамшиг зовлон - хүний хүчин мөхөстөх осол аюул

биеийн зовлонгоос сэтгэлийн зовлон хэцүү - сэтгэлийн зовлон удаан хадгалагдаж байдгаас илүү хэцүү байдаг

Зөв бичихзүй

Үг хувилгах зарчим

Кирил бичгийн зөв бичихзүй

зов|лон нэр. гай ~ хорш., зовлонгийн, зовлонд, зовлонгоос

Үндэсний бичгийн зөв бичихзүй

ᠵᠣ᠊ᠪᠡ᠊ᠯ‍ᠠ‍‍ᠠ‍᠊ᠢ᠊ᠡ᠋ ᠤ‍᠊ᠨ
ᠵᠣ᠊ᠪᠡ᠊ᠯ‍ᠠ‍‍ᠠ‍᠊ᠢ᠊ᠡ᠋ ᠳ᠋ᠣ
ᠵᠣ᠊ᠪᠡ᠊ᠯ‍ᠠ‍‍ᠠ‍᠊ᠢ᠊ᠡ᠋ ᠊ᠢ
ᠵᠣ᠊ᠪᠡ᠊ᠯ‍ᠠ‍‍ᠠ‍᠊ᠢ᠊ᠡ᠋ ᠡᠴ᠊‍᠊ᠨ
ᠵᠣ᠊ᠪᠡ᠊ᠯ‍ᠠ‍‍ᠠ‍᠊ᠢ᠊ᠡ᠋ ᠢᠶᠡᠷ
ᠵᠣ᠊ᠪᠡ᠊ᠯ‍ᠠ‍‍ᠠ‍᠊ᠢ᠊ᠡ᠋ ᠲ᠋‍ᠠ‍᠊ᠢ
ᠵᠣ᠊ᠪᠡ᠊ᠯ‍ᠠ‍‍ᠠ‍᠊ᠢ᠊ᠡ᠋ ᠡᠣ᠊᠊ᠷᠣ᠊ᡍᠣ
ᠵᠣ᠊ᠪᠡ᠊ᠯ‍ᠠ‍‍ᠠ‍᠊ᠢ᠊ᠡ᠋ ᠢᠶᠡ‍ᠨ᠋‍

/~ийн /~д /~г /~оос /~оор /~той /~руу /~оо

Хоршоо үг

• аюул зовлон - гай зовлон
• гай зовлон - гай түйтгэр, зовлон гамшиг
• гаслан зовлон - сэтгэл санааны энэлэл гашуудал
• гачиг зовлон - өлсгөлөн зүдүүр
• гачигдал зовлон - хэрэгцээт зүйлээр дутагдах байдал
• жаргал зовлон - амьдралын сайн муу юмс үзэгдэл, амар амгалан гай зовлон
• өвчин зовлон - биеийн эмгэг өвчнөөс үүдсэн энэлэл шаналал
• өнчрөл зовлон - гэр бүл, ойр дотнын хүмүүс нас барснаас үүдэх сэтгэл санааны гашуудал, ганцаардал
• үхэл зовлон - хагацаж салах зовлон
• хагацал зовлон - хагацалд энэлсэн сэтгэлийн зүдүүр шаналал
• зовлон гамшиг - хүний хүчин мөхөстөх осол аюул
• зовлон гачигдал - хэрэгцээт зүйл дутагдах, хомсдох бэрхшээл
• зовлон зүдүүр - шаналал зүдэл
• зовлон жаргал - амьдралын сайн сайхан, хэцүү бэрх чанар

Хэлц үг

Өвөрмөц хэлц

зовлонгийн түргэн, жаргалын удаан - хүчир бэрх ажлыг түргэн дуусгах

зовлонг зоосоороо худалдаж авах - өөрийн муудаа зовлон эдлэх, биедээ гайтай үйл үйлдэх~Гантөмөр

зовлонгийн түргэн, жаргалын удаан - хүчир бэрх ажлыг түргэн дуусгах~За нар жаргахаас өмнө шалавхан дуусга хүүхдүүд ээ. Зовлонгийн түргэн жаргалын удаан гэж ...

Хэвшмэл хэлц

Жавар нэвтрэхгүй хэрэм гэж байдаггүй

Зовлон үзээгүй жаргал гэж байдаггүй

Жаргал жаргаахдаа байдаг

Зовлон зовоохдоо байдаг

Жаргал ирвэл дан дангаар

Зовлон ирвэл давхар давхраар

Жаргалан хэтэрвэл гаслан төрнө

Зовлон мухардвал баясгалан ирнэ

Жор үзсэн ламаас

Зовлон үзсэн чавганц овч

Жор үзсэн эмчээс

Зовлон үзсэн чавганц дээр

Зовлого идсэн шүд иртэй (эрүүтэй)

Зовлон санасан цээж эртэй (эрүүтэй)

Зовлого үзвэл хэрээ баясана

Зовлон болбол баячууд баясана

Зовлон бага болбол ёолохын их

Зориг бага болбол айхын их

Зовлон болбол ноён таргална

Зуд болбол нохой таргална

Зовлон болсон ч ял битгий болоосой

Зовлого болсон ч адууных битгий болоосой

Зовлон гаслан хоёр зургаа хоноод эрт ирэх

Зол жаргал хоёр зуу хоноод орой ирэх

Зовлон дотроос зориг гаргах

Зүдрэл дотроос зүрх орох

Зовлон дээр байгуулсан жаргал бат

Зоосон дээр байгуулсан янаг хэврэг

Зовлон зуу

Зол нэг

Зовлон зуун найман ааштай

Зовлон ирвэл ах захаст

Зуд ирвэл хуц ухнад

Зовлон ирвэл хосоор

Жаргал ирвэл дангаар

Зовлон ирвэл чинийх

Зоос ирвэл минийх

Зовлон их бага гэж ялгагддаггүй

Жаргал сайн муу гэж танигддагүй

Зовлон мөлхөж ирдэг

Жаргаланг нэхэж авдаг

Зовлон мэдэхгүй гэгээнээс

Зовлон мэддэг чөтгөр дээр

Зовлон нь бага бол ёолох нь их

Зориг нь бага бол айх нь их

Зовлон олонтой газар ноёд элбэг

Зөгий олонтой газар бал элбэг

Зовлон туйлдвал

Жаргал ойртдог

Зовлон туулаагүй байж

Жаргалын ая мэддэггүй

Зовлон үзсэн хүн

Зовсон хүнд тусалдаг

Зовлон үзсэнгүй хүн

Зууд явсангүй лам

Зовлон үзэхгүйгээр

Жаргал олдохгүй

Зовлон хавтгай

Жаргалан навтгай

Зовлон эдэлсэн хүн

Жаргалыг сайн мэддэг

Зол хатуу бол

Зовлон хатуу

Зол шандаад

Зовлон хандаад

Зомгол цуглуулсаар тэвэр

Зовлон цугласаар үхэл

Зоосон дээр нөхөрлөсөн нөхөрлөл хэврэг

Зовлон дээр барилдсан жаргал бат

Зоосонд шунавал

Зовлон олохын тэмдэг

Зориг бүхнийг ялна

Зовлон бүхнийг туулна

Зориг зовоотой

Зовлон холиотой

Зуд болбол мал дээр

Зовлон болбол олон дээр

Зуд болоход нохой жаргадаг

Зовлон болоход ноён жаргадаг

Зуд болоход нохой таргална

Зовлон болоход лам баяжна

Зуд болоход хуц ухнанд

Зовлон болоход өвгөд хөгшдөд

Зуд зулагтай

Зовлон дуусгалтай

Зуд ирвэл хэнз дээр

Зовлон ирвэл нунж дээр

Зууд заларсангүй гэгээн

Зовлон үзсэнгүй ноён

Зууд очоогүй лам

Зовлон үзээгүй ноён

Зүрх гэдэг уурны юм

Зовлон гэдэг зуурдын юм

Цөсийг амтлахгүй бол гашууныг мэдэхгүй

Зовлон амсахгүй бол жаргалыг мэдэхгүй

Аман зохиолд орсон нь

Зүйр үг

Зовлон ирвэл чинийх

Зоос ирвэл минийх

Тайлбар: хүчир бэрхийг бусдад түлхэж олз ашгийг биедээ татах