зусар

Монголоор

Үгийн дуудлага

[ʣusar]

Үндэсний бичиг

ᠵ᠊ᠢ᠊‍ᠰ‍ᠣ᠊᠊ᠷ

(жисур)

Галиглах зарчим

Үгийн утга

тэм.

1. Бялдууч

Нийлмэл үг

зусар араншин - бял­дууч зан

зусар зантай - долингор зан­тай

зусар хүн - зулгуйч хүн

Зөв бичихзүй

Үг хувилгах зарчим

Хоршоо үг

• зусар бал­мад - дээд хүнд долигонон дотносч, доодыг дээрэлхдэг зан авиртай хүн
• зусар бялдууч - бусдыг зулгуйчлан бялдуучлах зан
• зусар зальхай - бусдад бялдуучлан тал засч санаснаа биелүүлдэг зантай хүн
• зусар хулжин - өнгөн дээрээ сайхан аашилж, хууран мэхлэхдээ чадамгай хүн
• өнгөч зусар - бялдууч, зуйрган зан ааль
• хуйгуур зусар - зусар зальхай

Хэлц үг

Хэвшмэл хэлц

Ганга – жалган дотроос

Хуй – салхин дотроос

Зан муут – хүн дотроос

Зусар – зальхай дотроос

Жинхэнэ биеэ алсдахгүй

Зусар харгисыг өвөрлөхгүй

Журамт явдлыг тодлоход батлал үгс хэрэгтэй

Зусар зальхайг илчлэхэд дайрал үгс хэрэгтэй

Зан муут хүнээс

Зусар зальхайгаас

Зан муутны үүднээс

Зусар зальхай гарна

Зургийн цэцэг бороонд гутах шиг

Зусар сайчууд зөвлөлдөөд урвалзана

Уулын цэцэг бороонд сэргэх шиг

Ухаантан сайчууд шүүмжлэлд баясна

Зусар хүн гэтэгч

Зуудаг нохой отогч

Зусар хүн зөөлөн үгтэй

Золбин нохой шарваа сүүлтэй

Зусар хүн муу боловч бусдыг чадна

Зуудаг нохой уяатай боловч хүнийг айлгана

Зусар хүнд үггүй

Зурмын толгойд мөлжүүргүй

Зүтгэл мэрийл хоёрт үйлс бүтээл хань

Зусар зальхай хоёрт хэрэг зарга хань

Зэрлэг гөрөөсний эвэр нь шар

Зусар хүний зүрх нь хар