зуузай

Монголоор

Үгийн дуудлага

[ʣu:ʣai]

Үндэсний бичиг

ᠵᠣ᠊ᠣ᠊᠊ᠵ‍ᠠ‍᠊ᠢ

(жуужаи)

Галиглах зарчим

Үгийн утга

I нэр.

1. Хазаарын амгай төмөр; амгайвчийг хазаарын гавалтай холбох цагариг төмөр

II нэр.

1. Гутлын өсгийн дотоодод хадах хатуу шир, ширмэл зүйлээр хий­сэн нэгэн зүйл нөхөөс

III нэр.

1. Гарын алга

Нийлмэл үг

зуузай дарах - гүйцэж хүрэн зэрэгцэж явах, зуузай холбох

зуузай залах - морины жолоог явах зүгт залах

зуузай зуулгах - морь малыг унаж явахдаа жолоог баахан татасхийж явах

зуузай зэрэгцэх - морьтой хүмүүсийн зэрэгцэн явах

зуузай нийлүүлэх - аян замд хамт явах

зуузай сунгах - морины амыг татавч, жолоо дугтчин явах

зуузай холбох - а.морь унасан хүмүүсийн зэрэгцэн явах; б.шилж. эн тэнцүү байх

зуузайн дөр - жолоог зуузайд холбосон гогцоо

гутлын зуузай - гутлын өсгийн хатуулга

алга зуузай таших - алга таших

Зөв бичихзүй

Үг хувилгах зарчим

Кирил бичгийн зөв бичихзүй

зуу|зай нэр. *~ холбох (зэрэгцэн явах) II.(өсгийн хатуулга) гутлын ~, зуузайн, зуузайд, зуузайнаас, зуу­зайгаар

Хоршоо үг

• амгай зуузай - амгай, түүний хазаарын гархи, жолоо цулбууртай холбоход зориулсан цагариг төмөр
• ул зуузай - гутлын ул болон гутлын арын хатуулга
• алга зуузай - гарын алга

Хэлц үг

Өвөрмөц хэлц

зуузай дарах - яг зэрэгцэн явах~Алаг даага нь айсуй харагдлаа, Айргийн тавтай зуузай дарлаа (Д.Пүрэвдорж, Шарлингийн “хар” Хас).

зуузай холбох - мориор гүйцээд зэрэгцэн давхих~Бид хоёр цаг юм ярьсангүй, алсад хөхрөх уулсын зүг зуузай холбон хатируулав (Д.Мягмар, Оторчин). ~Хэдхэн мөч өнгөрөхөд эхний хэдэн морь зуузай холбон тодорч хуйлран боссон улаан шаргал тоосноос сугаран зугтлаа (С.Эрдэнэ, Гал шарын унага).