зээл

Монголоор

Үгийн гарал

хят.借 jie

Үгийн дуудлага

[ʣe:l]

Үндэсний бичиг

ᠵ‍ᠠ‍ᠭᠡ᠊ᠯ᠊ᠢ
ᠵ᠊ᠢ᠊ᠭᠡ᠊ᠯ᠊ᠨ

(жэгэли) зах ~ (жигэлэ) ~ тусламж

Галиглах зарчим

Үгийн утга

I нэр.

1. Хот тосгоны гол гудамж
2. Худалдааны бөөгнөрсөн, төвлөрсөн газар

II нэр.

1. Хүү, төлөөс, үнэ өртгийг дараа өгөхөөр тодорхой хугацаа зааж авсан юм

Нийлмэл үг

зээл авах - зээлэх

зээл тавих - бусдаас мөнгө, эд юм зээлэн авч өр хийх

зээл тооцооны карт - банкинд байршуулсан мөнгийг хадгалах, бэлэн бус мөнгөн гүйлгээ хийхэд зориулагдсан хуванцар хавтан

зээлийн баримт - мөнгө, эд юм зээлэн авсны баталгаа бичиг, гарын үсэг сэлт

зээлээр худалдаалах - эд таваарын үнэ өртгийг нь хожим авахаар тохиролцон өгөх

өөрөө нэхэмжлэх зээл - зээлдүүлэгч нь дуртай үедээ төлөхийг шаарддаг зээл

Зөв бичихзүй

Үг хувилгах зарчим

Кирил бичгийн зөв бичихзүй

зээл нэр. ~ тусламж хорш., зээлийн, зээлд, зээ­лээр, о.тоо зээлүүд

Хоршоо үг

• гацаа зээл - зээл тосгон
• гудамж зээл - дэлгүүр худалдаа эрхлэх гудамж талбай, өргөн чөлөө
• зах зээл - а.худалдаа арилжааны газар; б.нийгэм эдийн засгийн хөгжлийн нэг хэлбэр
• зээл тусламж - эргэн төлөгдөх нөхцөл болон буцалтгүй тусламжаар олгогдох мөнгөн дэмжлэг, эд зүйл
• өр зээл - өртгийг дараа төлөхөөр авсан зүйл

Товчилсон үг

ГЗТЗ Гадаадын Зээл, Тусламжийн Зохицуулалт

ГЗТЗА Гадаадын Зээл, Тусламжийг Зохицуулах Алба

ГХОЗТЗЗ Гадаадын Хөрөнгө Оруулалт, Зээл Тусламжийг Зохицуулах Зөвлөл

ЗЗСХ Зах Зээл Судлалын Хүрээлэн