иргэний эрх зүйн чадвар

Монголоор

Хадмал үг

[англ. passive capacity of citizen]

[ор. правоспособность гражданина]

Тайлбар

хууль.

иргэний эрх эдлэх ба үүрэг хүлээх чадвар. И.э.з.ч.-ыг нийт иргэнд адил хэмжээгээр хүлээн зөвшөөрдөг. И.э.з.ч. нь төрсөн үеэс үүсэж, нас барснаар дуусгавар болно. И.э.з.ч.-ын агуулга нь иргэн эд хөрөнгө өмчлөх эрхтэй байх; эд хөрөнгөө өвлүүлэх ба гэрээслэх; хуулиар хориглоогүй аливаа аж ахуйн үйл ажиллагаа эрхлэх; бие дааж буюу бусад иргэн ба хуулийн этгээдтэй хамтран хуулийн этгээд байгуулах; хуульд харшлаагүй аливаа хэлцэл хийх ба үүрэгт оролцох; оршин суух газраа сонгох; шинжлэх ухаан, утга зохиол ба урлагийн бүтээл, шинэ бүтээл ба хуулиар хамгаалагдсан оюуны бүтээлч үйл ажиллагааны бусад үр дүнгийн зохиогчийн эрх эдлэх; эд хөрөнгийн ба эд хөрөнгийн бус амины бусад эрх эдлэх зэргээр тодорхойлогдоно.

Creative Commons