магад

Монголоор

Үгийн дуудлага

[maǧad]

Үндэсний бичиг

ᠮ‍ᠠ‍ᡍ‍ᠠ‍ᠣ᠊᠊ᠨ

(магад)

Галиглах зарчим

Үгийн утга

тэм.

1. Лавтай, гарцаагүй, үнэн
2. Болзошгүй, магадгүй

Утга зохиолын жишээ

Малгайн орой нь адилхан байна, магад хүү минь ирэв үү дээ. Д.Нацагдорж. Бүрэн түүвэр.,

Эрдэнэ өдийд эхнэртэй, бас хүүхэдтэй болсон ч байж магад. Ч.Лодойдамба. Тунгалаг Тамир.,

Эгиймаа магад инээмсэглэсээр л суугаа даа. Л.Дашням. Бурхантын цэцэг.,

Нийлмэл үг

магад адилтгал хуучир. - нотолсон адилт­гал

магад үзүүлэх хуучир. - тусдаа хоёр үзэгдлийг адилтгахдаа үлгэр болдог зүйлийг урьд нь өгүүлэн магтах арга

магад үнэн - үнэн байж болох юм

магад гарах шашин. - шашны ёсонд гэлэн санваар сахиж тойн болох

магад гарахын тэмдэг хуучир. - а.лам болоход харьяа газраас өгсөн тэмдэгт бичиг; б.гэрээс гарсны тэмдэг болох хувцас хунарын зүйл

Зөв бичихзүй

Үг хувилгах зарчим

Кирил бичгийн зөв бичихзүй

ма|гад бай..

Хэлц үг

Хэвшмэл хэлц

Магад дээдсийг олж нөхөрлө

Муу явдалтнаас насад зугтаа

Магад сайныг олж нөхөрлөн

Магад саарыг үлж харшил

Магад санаа нийлбэл

Хартай

цайруу хоёр хүн ч

Бие биеийн сэтгэлийг хардаг

Магад үхэхээ мэдэвч

Маргааш үхэхээ мэдэхгүй

Яг үхэхээ мэдэвч

Яаж үхэхээ мэдэхгүй

Манай эр хартай гэдэг

Магад салахын тэмдэг

Сайныг цуглуулсан гэрт

Сааргүй бэлгэ үлэмж

Мууг цуглуулсан хүнд

Магад ёр бэлгэ

Аман зохиолд орсон нь

Цэцэн үг

Магад үхэхээ мэдэвч

Маргааш үхэхээ мэдэхгүй

Тайлбар: цаашдын ирээдүйгээ мэдэх авч, ойрын үед болох зүйлээ урьдчилан мэдэхгүй

Магад дээдсийг олж нөхөрлө

Муу явдалтнаас насад холд

Тайлбар: сайн хүнтэй найзал, муу явдалтнаас хол бай