майхан

Монголоор

Үгийн дуудлага

[maixan]

Үндэсний бичиг

ᠮ‍ᠠ‍᠊ᠢ᠊᠊ᠢ᠊‍ᠠ‍‍ᠠ‍‍ᠠ‍᠊ᠨ

(майихан)

Галиглах зарчим

Үгийн утга

I нэр.

1. Модон багана, нурууны гадуур бөс даавуу зэргийг нөмөргөөд, олон оосроор гадаслан босгосон оромж, асар, хэлбэр байдал нь янз бүр байдаг

II нэр.

1. Даалуугаар жаа тоглоход гурван хожил авсан нь.

Утга зохиолын жишээ

Дангийн даавуу майхан чинь даваан дээрээ дэрвээд байна, хийсээд байна. Монгол ардын дуу “Дангийн даавуу майхан”.,

Лувсан чи намайг майхны аманд дөхүүлээд аль гэв. С.Удвал. Та бид уулзана.,

Тортог болсон майхны вааданд нүүрээ наан уйлна. Ч.Лодойдамба. Тунгалаг Тамир.,

Майхны сүүл дээр гишгэн орж ирэв. Ч.Ойдов. Жүжгүүд.,

Майхны хэцэнд уялаа. “Цог” сэтгүүл.,

Майхны чинь шанааг дагаад гадаа унтаж байя. С.Удвал. Их хувь заяа.,

Зөөлөн бороонд майхан цуваа нөмрөн зогссоор байлаа. Д.Сэнгээ. Түүвэр зохиол.,

Тэдний хамаарсан олон цэрэг хийгээд хот цогцлох зэр зэвсэг, сан хөмрөг, майхан цацар, морь адуу эл зүйлд хүртэл... В.Инжаннаши. Хөх судар.,

Нийлмэл үг

аяны майхан - аян замд авч явахад зориулан хийсэн сууц

даавуун майхан - даавуугаар хийсэн оромж

наадмын майхан - баяр наадамд авч явахад зориулан хээ хуараар чимэглэсэн асар

уяачдын майхан - уяачдын асар

майхны ам - майхны үүд

майхны ваадан - майхны ам талыг нээх зөрүүлэх хоёр хошуу

майхны гол - майхны их биеийн хоёр талын хэц

майхны нуруу - майхны хоёр баганын дээд үзүүр дэх сэнжинд тогтоох урт мод

майхны самсаа - майхны шанааны хойд урд хоёр хэц

майхны сүүл - майхны бөгсөн этгээдийн нарийн үзүүр

майхны хаяавч - майхны хаяа тойруулан хийсэн унжлага

майхны хэц - майхны олон уулзарт бэхлэн хийсэн олс дээс

майхны шанаа - майхны хоёр голын хойд урд хоёр хошуу

майхны шувуу - майхны багана

майхан цув - майхан хэлбэртэй цув

майхан татах - майхан босгож барих

майхнаа шуух - майхны хэцийг суллан дээш сөхөж салхи оруулах

Зөв бичихзүй

Үг хувилгах зарчим

Кирил бичгийн зөв бичихзүй

май|хан нэр. майхны, майханд, майхнаас, о.тоо майхнууд

Үндэсний бичгийн зөв бичихзүй

ᠮ‍ᠠ‍᠊ᠢ᠊᠊ᠢ᠊‍ᠠ‍‍ᠠ‍‍ᠠ‍᠊ᠨ ᠊ᠣ
ᠮ‍ᠠ‍᠊ᠢ᠊᠊ᠢ᠊‍ᠠ‍‍ᠠ‍‍ᠠ‍᠊ᠨ ᠳ᠋ᠣ
ᠮ‍ᠠ‍᠊ᠢ᠊᠊ᠢ᠊‍ᠠ‍‍ᠠ‍‍ᠠ‍᠊ᠨ ᠊ᠢ
ᠮ‍ᠠ‍᠊ᠢ᠊᠊ᠢ᠊‍ᠠ‍‍ᠠ‍‍ᠠ‍᠊ᠨ ᠡᠴ᠊‍᠊ᠨ
ᠮ‍ᠠ‍᠊ᠢ᠊᠊ᠢ᠊‍ᠠ‍‍ᠠ‍‍ᠠ‍᠊‍ᠨ᠋‍ ᠢᠶᠡᠷ
ᠮ‍ᠠ‍᠊ᠢ᠊᠊ᠢ᠊‍ᠠ‍‍ᠠ‍‍ᠠ‍᠊ᠨ ᠲ᠋‍ᠠ‍᠊ᠢ
ᠮ‍ᠠ‍᠊ᠢ᠊᠊ᠢ᠊‍ᠠ‍‍ᠠ‍‍ᠠ‍᠊ᠨ ᠡᠣ᠊᠊ᠷᠣ᠊ᡍᠣ
ᠮ‍ᠠ‍᠊ᠢ᠊᠊ᠢ᠊‍ᠠ‍‍ᠠ‍‍ᠠ‍᠊‍ᠨ᠋‍ ᠢᠶᠡ‍᠊ᠨ
ᠮ‍ᠠ‍᠊ᠢ᠊᠊ᠢ᠊‍ᠠ‍‍ᠠ‍‍ᠠ‍᠊ᠨ ᠨᠣ᠊ᡍᠣ᠊ᠣ᠊᠊ᠨ

/~ы /~д /~г /~аас /~аар /~тай /~руу /~аа /~ууд

Хоршоо үг

• майхан сав - хөнгөн, нимгэн сууц
• майхан цацар - туургатай болон туургагүй асар
• асар майхан - туурга ваадан бүхий оромж

Хэлц үг

Хэвшмэл хэлц

Малгай бүчтэй

Майхан гадастай

Аман зохиолд орсон нь

Зүйр үг

Малгай бүчтэй

Майхан гадастай

Тайлбар: аливаа зүйлд өөрт нь шаардлагатай юм бүхэн байх