могой

Монголоор

Үгийн дуудлага

[moǧoi]

Үндэсний бичиг

ᠮᠣ᠊ᡍ‍ᠠ‍᠊ᠢ

(могаи)

Галиглах зарчим

Үгийн утга

амьт.

1. Мөлхөгчдийн анги, могойн дэд баг, бие нарийн урт, хөлгүй, хайрстай, олон төрөл, зүйлтэй мөлхөгч амьтан; урт хорхой; ихэнх могойн шүдэнд хор бий
2. зурхай. Сарны зурхайн арван хоёр эрхтний зургаадахь нь

Нийлмэл үг

могойн ичээ - могой олноороо хуран ичсэн газар

могойн чуулган - могой ичээндээ орохоор олноор цугласан газар

могойн зулзага - хувилгана

могойн зулбадас - а.могойн гуужсан арьс; б.яриа. бага хүүхдийг хараах үг –Яадаг муу могойн зулбадас вэ. яриа.

аварга могой - халуун оронд амьдардаг том биетэй могой, хоргүй боловч амьтан барьж иднэ

хорт могой - а.хор боловсруулах булчирхай бүхий могой; б.шилж. хорон санаатай хүн

могой яр - биеийг ороосон нэгэн зурвас улаавтар мөхлөг яр, мэдрүүлд бүгсэн салхин цэцгийн нян сэдрэх юм уу, дархлаа суларснаар идэвхжих голдуу хавирга завсрын мэдрүүл дагасан хөндүүр гинжин цэврүү

могой бялзуухай амьт. - хүзүү могойрхуу төрхтэй, хэл урт нэг зүйл бялзуухай

могой загас амьт. - хэлбэр могойн адил, хайрсгүй, шар цагаан хоёр зүйл бий, мөрөн голд төрнө

могой жарс амьт. - могой загастай адил болоод охор, толгой шовхгор, хайрсгүй, мөрөн голд төрдөг нэг зүйл загас

могой эрэлж амьт. - цагаан ямаа зарамтай адил болоод хавтгай толгойтой нэг зүйл загас

могойн идээ урга. - заримыг нь чимэглэл болон хүнсэнд хэрэглэдэг, эмийн найрлагад ордог шүүслэг навчтай, нэг зүйлийн балт ургамал

могой идрээ урга. - хээр ургана, идэр ногоотой адил болоод навчиндаа хөрөө мэт соёотой, амт гашуун нэгэн зүйл идэшний ногоо

могойн зүрхэн зандан урга. - харавтар улаан өнгөтэй, сайхан үнэртэй нэг зүйл зандан

могой сар - сарны зурхайн арван хоёр эрхтний доторх могой эзэлсэн сар

могой өдөр - сарны зурхайн арван хоёр эрхтний доторх могой тохиох өдөр

могой цаг - есөөс арван нэгэн цагийн хоорондох хугацаа

Зөв бичихзүй

Үг хувилгах зарчим

Кирил бичгийн зөв бичихзүй

мо|гой амьт.. ~н чуулган, могойн, могойд, могойноос, могойгоор, о.тоо могойнууд

Үндэсний бичгийн зөв бичихзүй

ᠮᠣ᠊ᡍ‍ᠠ‍᠊ᠢ ᠊ᠢ᠊᠊ᠢ᠊᠊‍᠊ᠨ
ᠮᠣ᠊ᡍ‍ᠠ‍᠊ᠢ ᠳ᠋ᠣ
ᠮᠣ᠊ᡍ‍ᠠ‍᠊ᠢ ᠊ᠢ᠊᠊ᠢ
ᠮᠣ᠊ᡍ‍ᠠ‍᠊ᠢ ᠡᠴ᠊‍᠊ᠨ
ᠮᠣ᠊ᡍ‍ᠠ‍᠊ᠢ ᠪᠡ᠊ᠷ
ᠮᠣ᠊ᡍ‍ᠠ‍᠊ᠢ ᠲ᠋‍ᠠ‍᠊ᠢ
ᠮᠣ᠊ᡍ‍ᠠ‍᠊ᠢ ᠡᠣ᠊᠊ᠷᠣ᠊ᡍᠣ
ᠮᠣ᠊ᡍ‍ᠠ‍᠊ᠢ ᠪᠡ᠊‍᠊ᠨ
ᠮᠣ᠊ᡍ‍ᠠ‍᠊ᠢ ᠨᠣ᠊ᡍᠣ᠊ᠣ᠊᠊ᠨ

/~н /~д /~г /~оос /~оор /~той /~руу /~оо /~ууд

Хэлц үг

могой шигээ-хорт сэтгэлтэй

Өвөрмөц хэлц

могойд хатгуулсан юм шиг - гэнэт босон харайх

могойд хатгуулсан юм шиг/мэт - гэнэт босон харайх, гэнэт цочир~Хоёр чоно ч могойд хатгуулсан мэт ухасхийн босоод толгойгоо унжуулан мөнөөх чонын араас давхицгаав (Зян Рун, Чонон сүлд).

могойн цус тэнгэрт - хортой~Наад хэргээс чинь анхнаасаа л би холуур байсан юм. Могойн цус тэнгэрт гэдэг гэдэг шүү дээ. Хор уршиг дагуулах хэрэг гэдгийг нь би гадарласан нь зөв байж.

↑ дутуу алсан могой шиг

↑ хүний гараар могой бариулах

Хэвшмэл хэлц

Могой мөрөө танихгүй

Хүн биеэ мэдэхгүй

Могой эрээн гаднаа

Хүний эрээн дотроо

Могой алахад мод нэмэр

Мангасыг дарахад малцуур нэмэр

Могой алахад толгойг нь цохь

Могой арвин явбал мушгиагаа мэдэгдэнэ

Могой бол зулбадаг

Мод болж ургадаг

Могой гурав тасравч гүрвэлийн хир урт

Могой гурав тасравч гүрвэлийн чинээ

Могой мод орооно

Муу үг бие орооно

Могой мөрөө танихгүй

Хүн биеэ мэдэхгүй

Могой мэт зулбаж

Мод мэт долрох

Могой мянган жил болбол ман болдог

Ман мянган жил болбол луу болдог

Могой нүхээр ороод

Модны хөндийгөөр гарах

Могой уур ихтэй

Муур нойр ихтэй

Могой хальсаа гээвч

Чанараа халж чадахгүй

Могой хорондоо шарлана

Хүн хорондоо уурлана

Могой хорондоо шарлана

Муу хүн мэхэндээ үхнэ

Могой хортой

Дайсан хартай

Могой хэвлийгээрээ явдаг

Морь хөлөөрөө явдаг

Могой хэдий бол

Нүх нь төдий

Могой цагт мордох

Морин цагт ирэх

Могой шиг гулгаж

Муур шиг мяраах

Мод модондоо

Могой нүхэндээ

Модон морьтон

Могой ташууртан

Мойл моносыг тойрч суувал

Могой болон хортон түүнээс

Муу хүнийг түшиж явбал

Мунхаг болоод мундар түүнээс

Морь зогссон ч үхрийн чинээ гурав

Могой тасарсан ч гүрвэлийн чинээ гурав

Муу хүн гэртээ ноён

Могой нүхэндээ ноён

Муу муугаараа

Могой цусаараа

Муу санаа биеэ орооно

Могой мод орооно

Муу хүн гэртээ ах

Могой нүхэндээ ах

Муу хүн муугаа гэртээ гаргадаг

Могой хороо нүхэндээ гаргадаг

Муу хүний амнаас

Могой мэлхий цуварна

Муу хүний үг нь арвин

Могой мэлхийн өндөг нь арвин

Муу хүнийг санавал

Могой өвөрлөсөнтэй адил

Муур сандарвал мод эрнэ

Могой сандарвал нүх эрнэ

Муур шиг үсэрдэг

Могой шиг гулгадаг

Хэлмэрч нэг хэлтэй

Могой хоёр хэлтэй

Аман зохиолд орсон нь

Зүйр үг

Могой мөрөө танихгүй

Хүн биеэ мэдэхгүй

Тайлбар: өөрийгөө үл мэдэх

Хүний эрээн дотроо

Могойн эрээн гаднаа

Тайлбар: хүний муу бодол, санаа дотроо байдаг