нааш

Монголоор

Үгийн дуудлага

[na:ʃĭ]

Үндэсний бичиг

ᠨᠠᡍ‍ᠠ‍‍ᠰ‍᠊ᠢ

(наси, нагаси)

Галиглах зарчим

Үгийн утга

дай.

1. Биед ойр зүгт, өөрийн тал өөд
2. Тухайн цаг хугацааны дотор, дотогш
3. Тухайн цаг хугацаанаас хойш
4. Наана, үгүй бол, ингэхгүй бол, тэгэхгүйгээр, ингэхгүйгээр

Нийлмэл үг

нааш болгох - биедээ ойртуулах

нааш болох - а.ойртож дөхөх; б.шилж. өвчин нэлээд илаарьших шинжтэй болох; в.шилж. ажил хэрэг бүтэх тийшээгээ хандах

нааш нь татах - а.өөрийн бие рүү татах; б.шилж. юмны үнийг бууруулах

нааш цааш холхих - а.ийш тийш хэрэн явах; б.шилж. сул, чөлөөтэй байх

нааш цааш явуулах - наагуур цаагуур, ийш тийш явуулах

нааш цаашгүй - хөдөлгөөнгүй

хавраас нааш ирэхгүй - хавар болохоос өмнөхөн ирэх

маргааш өдийгөөс нааш - маргааш өдий үеэс өмнө

эртнээс нааш - эртнээс хойш

биелүүлэхээс нааш - биелүүлэхгүйгээр

үзэхээс нааш - заавал үзэж харах

Зөв бичихзүй

Үг хувилгах зарчим

Кирил бичгийн зөв бичихзүй

нааш орон. наашхан (хугацаанаас өм­нө) сарын 10-наас ~ (ингэхгүй бол) ажлаа дуусгахаас ~ явахгүй шүү

Хоршоо үг

• цааш/наашаа цаашаа - а.урдуур хойгуур; б.ийш тийш

Хэлц үг

Өвөрмөц хэлц

нааш харах - тус дэм болох, санаа тавих

наашаа эргэх - өвчин нь илаарьших, эдгэх төлөвтэй болох

нааш цааш болгох - залилах, мэхлэх~Дарьгангын номтой мэргэн өвөө Санж өвгөний хүчинд бичиг сурч, бичиг дээрээ энэ тэр юмыг нааш цааш болгох, өөртөө ашиг унагах наймааны ухаанд гаргуун болж, энэ хоёр эрдмээр суурь сүргийн мээрэнд хүрч, тэгээд зогсоогүй даварсаар гарын ноёны зэргийг олж хөлжиж дэвжсэн хүн билээ энэ Дугар (Д.Маам, Газар шороо).

наашаа нальж, цаашаа цалих - зусардан долигонож, хоёр хүний хооронд хов ярих~Долгор хүүхэн наашаа нальж, цаашаа цальж гүйсээр байгаад худ ураг хүмүүсийг муудалцуулж, нүүдэл суудал хийлгэхэд хүргэжээ.

наашаа элэгтэй - элэгсэг, өөриймсөг~“Нутаг усны, удам судрыг нь мэдэх, хамгийн гол нь наашаа элэгтэй ийм бэртэй болбол хөгшин бид хоёр санаа амар нүд анихсан даа” гэж өвгөн бодлоо.

↑ азын царай нааш хандах

↑ хүйтний ам наашаа, хөхүүрийн ам цаашаа

Хэвшмэл хэлц

Нааш харагсдын магнайд тос

Цааш харагсдын борвинд сүх

Аман зохиолд орсон нь

Зүйр үг

Ажил гэвэл цаашаа

Ашиг гэвэл наашаа

Тайлбар: залхуу атлаа шуналтай

Нааш харагсдын магнайд тос

Цааш харагсдын борвинд сүх

Тайлбар: а.тус дэм болох; б.гай болох

Хүн хэдий сайн ч хэлэхээс нааш санахгүй

Цаас хэдий нимгэн ч чичихээс нааш цоордоггүй

Тайлбар: сайн зүйлийг хүнд сануулан хэлэх