олимпын их наадмаар явуулах цагдаагийн үйл ажиллагаа

Хадмал үг

[англ.policing the olympics ]

Тайлбар

хууль.

Олимпын их наадмаар аюулгүй байдал, хамгаалалтыг хангах явдал нь эрсдэлийн менежментийн гол чиглэл юм. Ийм төрлийн арга хэмжээ нь хэдэн мянган үзэгчдийн анхаарлыг татдаг ба үүнд мөн өндөр зэрэглэлтэй чухал зочид оролцдог. Зөвхөн өндөр зэрэглэлтэй чухал зочид уг арга хэмжээнд оролцсоноор спортын баяр наадмыг зохион байгуулж буй хот болон улс орны хууль сахиулах байгууллагууд маш чухал үүрэг гүйцэтгэх шаардлагатай болдог. Түүнчлэн, спортын арга хэмжээнд оролцох гэж ирсэн тамирчид болон түүнийг үзэх гэж ирсэн зочдын тоо тухайн хотын хүн амын тоог эрс нэмэгдүүлж, улмаар цагдаагийн байгууллагад ирэх дуудлагын тоог огцом ихэсгэдэг. Үүнээс гадна, өндөр зэрэглэлтэй чухал зочид болон тамирчдын аюулгүй байдлыг хангах үүднээс цагдаагийн алба хаагчид болон мөрдөн байцаагчид өдөр тутмын ажил үүрэг гүйцэтгэдэг нэг хэвийн байдлаас салж, өөр тусгай хөдөлгөөнт эргүүл хийх шаардлага гардаг. Хамгийн гол нь энэ ажлыг гүйцэтэгэх гэтэл спортын тэмцээн уралдаанууд газар зүйн хувьд асар том хэмжээний бүс нутгийг хамруулсан байдаг тул байдлыг улам төвөгтэй болгож өгдөг. Иймээс алба хаагчид бүх байршилд аюулгүй байдлыг хуваарийн дагуу хангаж, хүндэт зочид болон тамирчдыг нэг газраас нөгөөх уруу хөдлөхөд харуул хамгаалалтын үүргийг гүйцэтгэх хэрэгтэй юм. Олимпын их наадмаар цагдаагийн үйл ажиллагаа зохион байгуулна гэдэг бол зохион байгуулагч хот болон улсад маш том хүндрэл учруулдаг юм.