омог

Монголоор

Үгийн дуудлага

[omog]

Үндэсний бичиг

ᠡᠣ᠊᠊ᠮᠣ᠊᠊ᠬ

(омуг)

Галиглах зарчим

Үгийн утга

I нэр.

1. Ааг, шар

II нэр.

1. Ирмэгтэй юмны дугуй хяр

III нэр.

1. Овог

IV.

Нийлмэл үг

ямаан омог - өнгөн дээрээ сүржин, огцом түргэн уур

омог нь шатах - ааг, шар нь хөдлөн хөөрөх

омгийг нь дарах - а.ааг сүрийг нь бууруулах, зориг цөсийг нь мохоох; б.юмыг эсгэх болон барьж оёхдоо хошуурсан хэсгийг нь нугалах

омог төрөх - ааг, шар нь хөдлөх

омог заах - өөрийн хүчинд бардамнах

омог шантрах - ааг хүч нь буурах

омог төгөлдөр - өөрийн сүр хүчинд итгэл төгс байгаа нь

омог бардам - өөрийнхөө илүүтэйд бардамнах байдал

чихний омог - чихний дэлбээний хажууд байрлах дугариг хэлбэртэй жижиг хэсэг, чихний хяр

нударганы омог - нударганы хошууран гарсан хэсэг

Зөв бичихзүй

Үг хувилгах зарчим

Кирил бичгийн зөв бичихзүй

о|мог нэр. ямаан ~той хүн II.(чихны хяр) чихний ~, омгийг, омогт, омгоор, омогтой

Хоршоо үг

• ааг омог - хүн, амьтны ид чадал
• омог зориг - төрх байдалд илрэх сүр
• омог сүр - ид хав, чадал
• омог хорсол - ихэд тэчъяадан шаралхах нь
• атаа омог - бусдад ихэд атаархан шаралхах нь
• уур омог - сэтгэл санаа таа­ламжгүй болж, уурласнаас үүсэх дог­шин зан ааш, хилэн
• отог омог - үндэс угсаа
• омог төрөл - садан төрлийн холбоо
• угсаа омог - уг гарал нэгтэй хүмүүс
• олз омог - ашиг орлого

Хэлц үг

Хэвшмэл хэлц

Омог биеэ зовоодог

Улиг бусдыг зовоодог

Омог дээрэнгүй хүнтэй ханилахад яршигтай

Оготор сүүлтэй нохойг үзэхэд шившигтэй

Омог зальхайг өвөрлөсөн хүнд уршиг ирэх нь зайлшгүй

Осол цалгайг сурсан хүн хэрэг олох нь зайлшгүй

Омог ихэдвэл орон эзлэгч хаанд ч зохихгүй

Орох ихэдвэл орчлон дэлхийд ч зохихгүй

Омог ихэдвэл осол дагана

Овор ихэдвэл өшил дагана

Омог ихэдвэл осолдоно

Овор муудвал доройтно

Омог нэгтийн чих нэг

Угсаа нэгтийн яс нэг

Омог хөдлөөд зовно

Хилэн цохилоод сөнөнө

Хүсэл ихтийн хүзүүг дар

Омог ихтийн омрууг дар

Аман зохиолд орсон нь

Зүйр үг

Омог биеийг зовоо­дог

Улиг бусдыг зовоодог

Тайлбар: бардам сэхүүн зан өөрт зовлон болдог

Омог нэгтийн чих нэг

Угсаа нэгтийн яс нэг

Тайлбар: садан төрлийн хүмүүс дотно харилцаатай байдаг