самуун

Монголоор

Үгийн дуудлага

[samu:n]

Үндэсний бичиг

ᠰ‍ᠠ‍᠊ᠮ‍ᠠ‍ᡍᠣ᠊᠊ᠨ

(самагун)

Галиглах зарчим

Үгийн утга

I тэм.

1. Будлиан, түйвээн ихтэй, эмх замбараагаа алдсан байдал

II тэм.

1. Шалиг завхай, садар

Нийлмэл үг

самуун цаг - эмх замбараагүй, дайн дажинтай хэцүү цаг үе

самуун жил - эмх замбараагүй, үймээн ихтэй жил

самууны жил - Монголд гарсан 1932 оны лам нарын эсэргүү хөдөлгөөний жил

самуун явдал - үймээн, будлиантай хэрэг явдал

самуун болох - үймээн дэгдэх, эмх замбараагаа алдах

самуун дэгдээх/самуун үүсгэх/самуун хөдөлгөх - үймээн шуугиан гаргах

самуун хулгай - үймээн самуун дэгдээгч

самуун зэв хуучирсан - тэнэсэн сум

Зөв бичихзүй

Үг хувилгах зарчим

Кирил бичгийн зөв бичихзүй

са|муун нэр. ~ дэгдэх, самууны, самуунд, самуунаар

Хоршоо үг

• будлиан самуун - ажил хэргийн явцад тохиолдох эмх цэгцгүй, төвөгтэй байдал
• савсаг самуун - хэтэрхий задгай, үймээнд дуртай байдал
• үймээн самуун - будлиан, эмх замбараагүй байдал
• тэмцэл самуун - а.сөргөлдөөн, зөрчил; б.дайн дажин
• садар самуун - шалиг, завхай
• ужид самуун - өнгө мөнгөнд шунамтгай, шалиг байдал
• шалиг самуун - завхай, зайдан явдал

Хэлц үг

Хэвшмэл хэлц

Илүү үгтэй

Самуун зантай

Сайн аргыг сараар бодоод олохгүй

Самуун аргыг сахлаа шувтарсаар олдог

Сайн зантны баясал олон

Самуун зантны гэмшил олон

Сайн зантны нөхөр олон

Самуун явдалтны гэмшил олон

Сайн эр ажилдаа

Самуун эр идэхдээ

Сайн эр бусдыг санана

Самуун эм хүнийхийг санана

Сайн эрийн санаа нь хуяг

Самуун эмийн санаа нь хуял

Сайн юманд саад их

Самуун явдалд хор их

Сайн явдлыг сардаа бодоод олохгүй

Самуун явдлыг самс нь хөдөлбөл тэр

Сайныг сурч явбал мандана

Самуун аашилж явбал сөнөнө

Сайхан зантны нөхөр нь олон

Самуун явдалтны гэмшил нь олон

Сайхан хүүхэн санваарын дайсан

Самуун ноён төрийн дайсан

Салхи гарвал шуурга болдог

Самуун гарвал үймээн болдог

Салхи хэдий ширүүсвэл гал төдий дүрэлздэг

Самуун хэдий аашилбал ёс төдий чангардаг

Самуун хүнд өршөөл зохихгүй

Санаа муутад сургаал зохихгүй

Самуун зальхай дэгдэхгүй бол

Сайн эр тодрохгүй

Самуун хүнтэй битгий учир

Санасан бүхнээ битгий хэл

Самуун хүнтэй бүү учир

Санасан бүрийг бүү илтгэ

Тэр энэ гэж бүү эрэлх

Тэгэх ингэх гэж бүү зарла

Самуун цагийн ноёноос

Сахил авсан чавганц дээр

Самуун эмс төвөгтэй

Сайн эдлэл үрэгдэлтэй

Самуун явбал өвчтэй болдог

Шалиг явбал өртэй болдог

Самуун явбал сайнд саадтай

Сарны гэрэлд чононд саадтай

Самуун явдал жигүүртэй

Сайн явдал саартай

Самуун явдал сайнд саадтай

Сарны гэрэл чононд саадтай

Самуун явсан хүн өрд баригдах

Салан явсан хүн хирд баригдах

Солгой гартай хүн саадтай

Самуун явдалтай хүн ялтай

Аман зохиолд орсон нь

Зүйр үг

Самуун цагийн ноёноос сахил хүртсэн чавганц дээр

Тайлбар: үймээн самуун дэгдсэн цагт ноёд хэцүү

Cамуун эмс төвөгтэй

Сайн эдлэл үрэгдэлтэй

Тайлбар: шалиг, завхай явдалтай эмэгтэй хэцүү