сан

Монголоор

Үгийн дуудлага

[saŋ]

Үндэсний бичиг

ᠰ‍ᠠ‍‍ᠠ‍᠊ᠢ᠊ᠡ᠋
ᠰ‍ᠠ‍᠊ᠨ

(санг)

Галиглах зарчим

Үгийн утга

I нэр.

1. Улсын мэдлийн өмчид холбогдох эд хөрөнгө
2. хуучир. Хутагт нарын хувийн аж ахуй; арвин сан (хутагтын бурхан тахил, нандин эд агуурс, мандал, даншиг, өргөл барьц авах, түүнийг хадгалах, зарцуулах ажил эрхэлдэг аж ахуй), бадрах сан (мал сүрэг адуулах, гэгээний орд өргөө барих, хурал номын зардал нийлүүлэх зэрэг ажлыг хариуцдаг аж ахуй
3. Аливаа чухал зүйлсийг хуримтлуулан хадгалж нөөцлөх газар, хөмрөг

II нэр.шашин.

1. Арц хүж зэргийг уугиулж ариутгах шашны ёсны зан үйл

III нэр.

1. Онгон шүтээний тайлгын чанартай магтаал шүлэг, монгол ардын аман зохиолын нэгэн төрөл

IV нэр.

1. Байшингийн туурганы хошуулжин, мөөрөлжин хэлбэртэй орой.

V.

1. сан үс шашин. (бурхны хөмсөгний хооронд байх хэсэг үс).

VI.

1. ан сан хорш. (санд мэнд, эмх замбараагүй).

Нийлмэл үг

улсын сан - улсын өмч хөрөнгө

сангийн яам - улсын мөнгөн хөрөнгө, түүний эргэлт, төсөв зээллэг зэргийг хариуцдаг яам

сангийн гэр - улсын өмчид хамаарагдах гэр

сангийн орон сууц - улсын мэдлийн орон байр

сангийн мөнгө - улсын мөнгө

сангийн хогшил - сангийн эд хөрөнгө

сангийн нярав - эд хөрөнгийг хариуцан хадгалагч

сангийн аж ахуй хуучир. - газар тариалан, мал аж ахуй эрхэлдэг улсын аж ахуйн нэгж

санд хураан авах - бусдын хөрөнгө хогшлыг улсын өмч болгох

сан тонох - сангийн эд хөрөнгийг хулгайлах, сэм нууцаар хэрэглэх

сан тоногч - сангийн эд зүйлсийг тонон дээрэмдэгч

бурхны сан - бурхан шүншиглэхэд хийх эд зүйлс

номын сан - а.ном судрын зүйлийг хөмрөглөн хадгалах газар; б.олон нийтэд хэрэгцээт ном, сэтгүүл зэргээр үйлчлэх газар

эмийн сан - а.эм худалдах газар; б.ойр зуурын хэрэглээний чухал эмийг хийсэн сав, эмийн хайрцаг

усан сан - а.усыг нөөцөлж нийтэд түгээх газар; б.ус хуримтлуулан хашсан цөөрөм

дуу хуурын сан - дуу хуурын хөмрөг

зэвсгийн сан - зэвсгийн хөмрөг

мэдээллийн сан - мэдээ мэдээллийн хуримтлал

тарианы сан түүх. - сангийн тарианы агуулах

шавийн сан түүх. - сүм хийдийн хөмрөг

сангийн бойпор - сан утлага уугиулах зориулалтын бяцхан сав

сангийн утаа - сангийн бойпорт уугиулсан арц, хүжний утаа

сангийн идээ - тахилын идээ

сан тавих - арц хүж зэргийг унгасган уугиулах

галын сан хуучир. - галын тахилга үйлдэхэд уншдаг судар

ганзагын сан хуучир. - ан авд олз омогтой явахыг хүсч уншуулах магтаал

Зөв бичихзүй

Үг хувилгах зарчим

Кирил бичгийн зөв бичихзүй

сан нэр. усан ~ (мөнгө хөрөнгө) ~гийн яам

Хоршоо үг

• сан хөмрөг - а.хурааж хуримтлуулсан зүйл; б.улсын хөрөнгө, зоорийг хурааж хадгалах газар; в.үнэт зүйлс, эрдэнэс хуран цогцолсон газар
• хүү санхуучир. - хурааж хуримтлуулсан зүйл, түүний өсөн нэмэгдэх хувь
• сан утлага - ямар нэгэн зүйлээс сэргийлэх, муу зүйлийг зайлуулах зэрэгт шатаах хүж, арц
• ан сан - санд мэнд, эмх замбараагүй

Товчилсон үг

СМУ Сан Марино Улс

ХАС Хөгжлийн Алтан Сан [банк]

ЦСТУ Цахилгаан, Сан Техник Угсралт

Хэлц үг

Өвөрмөц хэлц

санд шингэх босгуул - хутагт тэргүүтэй ихэс лам нарын мэдэл бүхий хүмүүс

сан эргэх - хуримлаж бэр буулган авах~Хүрээний ноёны ганц охиныг сан эргэж, хүүдээ аваад өгчихвөл боллоо.

сан эгэж, саадаг агсаж авах - нийт нийгмийн зуршсан журам ёсоор эхнэрээ болгож авах гэсэн үг~Юу дутуу гэх юм, таван ханатай цоохор гэр бариад, сан эгэж, саадаг агсаж авна даа.

Хэвшмэл хэлц

Айл тойрч алиг бүү яв

Сан тойрч шалиг бүү яв

Зан сайтай бол

Сан сайтай

Сан гүүгээр дутаж

Ван сүүгээр дутна

Сан олон боловч

Газрын сан мэт сан бэрх

Сан хөмөргөө хулгайчаас

Саруул талаа түймрээс

Сан элбэг боловч

Огторгуйн сан мэт үл барагдах нь ховор

Аман зохиолд орсон нь

Зүйр үг

Сан хөмрөгөө хулгайчаас

Саруул талаа түймрээс

Тайлбар: гэнэтийн аюул ослоос үргэлж сэрэмжтэй байх хэрэгтэй

Сангийн гэрийн үүдэнд сайхан дэнлүү хэрэггүй

Сайныг мэдэхгүй хүнд сайхан сэтгэл хэрэггүй

Тайлбар: аливаа зүйлд зүй зохисыг тааруулахгүй бол үр дүнгүй болдог