суга

Монголоор

Үгийн дуудлага

[suǧă]

Үндэсний бичиг

ᠰᠣ᠊ᡍᠣ

(сугу)

Галиглах зарчим

Үгийн утга

I нэр.

1. биезүй. Хүний мөрний үеийн доод этгээдийн хонхорхой; амьтны хааны угийн доорх хонхор
3. Дээл, цамц зэрэг хувцасны мөрний доод этгээдэд байх ухаадас; цамцны суга (цамцны их бие ханцуй хоёрын уулзвар хэсэг), суганы шилбэ хадах (дээлийн суга орчмын шилбийг хадах
4. Уулын хажуугийн завсар
5. Суман онгоцны хавирга, ёроолын уулзварын газар.

II.

1. суга татах (юманд шигдсэн, лав орсон зүйлийг гэнэт сугалах), суга үсрэх (ямар нэгэн юман дотроос гэнэт огло үсрэх), суга өсөх (огцом, хурдан өсөх), суга ургах (богино хугацаанд өндөр ургах, сайн ургах).

Нийлмэл үг

суганы булчирхай - суганд байх тунгалагийн булчирхай

суганд хавчуулах - а.их бие гар хоёрын завсар хавчуулах; б.шилж. ивээлд байх

Зөв бичихзүй

Үг хувилгах зарчим

Кирил бичгийн зөв бичихзүй

су|га I.нэр. цамцны ~ урагдах, суганд, суганаас

Үндэсний бичгийн зөв бичихзүй

ᠰᠣ᠊ᡍᠣ᠊᠊ᠨ ᠊ᠣ
ᠰᠣ᠊ᡍᠣ᠊᠊ᠨ ᠳ᠋ᠣ
ᠰᠣ᠊ᡍᠣ ᠊ᠢ᠊᠊ᠢ
ᠰᠣ᠊ᡍᠣ᠊᠊ᠨ ᠡᠴ᠊‍᠊ᠨ
ᠰᠣ᠊ᡍᠣ ᠪᠡ᠊ᠷ
ᠰᠣ᠊ᡍᠣ ᠲ᠋‍ᠠ‍᠊ᠢ
ᠰᠣ᠊ᡍᠣ ᠡᠣ᠊᠊ᠷᠣ᠊ᡍᠣ
ᠰᠣ᠊ᡍᠣ ᠪᠡ᠊ᠨ

/~ы /~д /~ыг /~аас /~аар /~тай /~ руу /~аа

Хоршоо үг

• суга цавь - хүн, амьтны гарын уг болон гуяны угийн нимгэн хөрстэй хонхорхой
• судаг суга - уулын хажуугийн хонхор болон завсар газар

Хэлц үг

Өвөрмөц хэлц

сугыг нь өргөх - магтаж хөөрүүлэх, баярлуулах

суга түших - бусдын дэм тусад найдах

сугыг нь түших - бусдын тусламж, тэтгэлгэнд итгэн найдаж нөмөр нөөлөгт нь явах

суганд нь хавчуулагдах/суганд нь хоргох - ивээлд нь байх

суганд шургах - үл бүтэх этгээдийн эрх сүрийг даган түшиглэж аврагдах

сугандаа хавчиж байгаад хийх - а.тун амархан биелүүлнэ, хялбархан дөнгөнө; б.илүү чадна, мэднэ гэсэн бардуу тавлах үг

суганд [нь] хавчуулагдах/суган дор хоргох - бусдын ивээлд байх~Нүүхэд бүл мөхөсдөх тул ойр хавь явж, үрээ даага унаж, хонь сааль сааж, Болдын суганд хавчуулагдаж явдаг залуу чадамгай хэдэн лам, хар хүмүүсийг авчирч ачаалуулав (Ц.Дамдинсүрэн, Гологдсон хүүхэн). ~Таны алтан суган дор хоргосон хүмүүс нээрээ ч одоохондоо болж л байна гэж хариу ам нээлээ (Ж.Пүрэв, Гурван зангилаа).

Аман зохиолд орсон нь

Цэцэн үг

Сурсан эрдэм сугаар гарахгүй

Тайлбар: эзэмшсэн мэдлэг чадвар алга болдоггүй