сургах

Монголоор

Үгийн дуудлага

[surǧă]

Үндэсний бичиг

(сург-а)

Галиглах зарчим

Үгийн утга

үйл.

1. Эрдэм мэдлэг олгох, зааж өгөх
2. Хүний буруутай үйл явдлыг зааж хэлж өгөх
3. Эмнэг морь малыг унах, хөллөх, ачих зэрэг эдэлгээнд дасгаж номхруулах

Нийлмэл үг

ажилд сургах - ажил хийлгэх, ажил яаж хийдгийг зааж өгөх

амьдралд сургах - амьдралын туршлагатай болгох, амьдралын зах зухаас мэдрүүлэх

анд сургах - ан хийхийг зааж өгөх

бичиг үсэгт сургах - бичиг үсэгтэй болгох

ном сургах - сургууль явуулах, эрдэм мэддэг болгох

хөдөлмөрт сургах - хөдөлмөр хийлгэх

эрдэмд сургах - төрөл бүрийн ажил мэргэжил, хичээл ном заах

муу зан сургах - элдэв гаж муу зуршилтай болох

сурган хэлэх - алдаа оноог нь ялган зааж хэлэх

зэмлэн сургах - алдаа эндэгдлийг нь буруушаан тодорхой хэлж өгөх

даага сургах - даагыг улага эдэлгээнд дасгах

морь тэргэнд сургах - морь тэргэнд хөллөхөд дасгах

уналгад сургах - уналга ачлаганд дасгах, номхон болгох

харцага сургах - харцгыг хүний эрхшээлд оруулах, ан хийж чаддаг болгох

эмнэг сургах - ороо догшин морийг номхон болгож уналга ачлаганд хэрэглэх

нохойгоо анд сургах - нохойд ан барих чадвар суулгах

Зөв бичихзүй

Үг хувилгах зарчим

Кирил бичгийн зөв бичихзүй

сур|га/х үйл. сур­гана, сургажээ, сургая, сургаж

Хоршоо үг

• заах сургах - тухайн зүйлийг хэрхэн, яаж хийхийг зааварлах

Хэлц үг

Хэвшмэл хэлц

Инээх хүн олон олдох

Сургах хүн цөөн олдох

Судлах юманд суурьтайхан

Сургах юманд буурьтайхан

Сурах хүнд зориг

Сургах хүнд арга

Аман зохиолд орсон нь

Зүйр үг

Ах нь сургадаг

Дүү нь сонсдог

Тайлбар: ах захаа хүндэтгэх нь зүйтэй

Сурахад бүү алжаа

Сургахад бүү халир

Тайлбар: сурч байгаа, сургаж байгаа хоёр аль аль нь шантрахгүй бол заавал амжилтад хүрнэ