сээр

Монголоор

Үгийн дуудлага

[se:r]

Үндэсний бичиг

ᠰ‍ᠠ‍ᠭᠡ᠊ᠷ

(сэгэр)

Галиглах зарчим

Үгийн утга

нэр.биезүй.

1. Хүн, амьтны хүзүүний үе харцагын үе хоёрын хооронд байх бөгөөд хавирганы бураа залгалдан орших, нурууны арван хоёр үе яс

Нийлмэл үг

мэгжин сээр - өндөр, гүдгэр сээр

хар сээр - хүзүүний эхний хоёр үе

сээрийн үе - сээр хоорондын мөгөөрсөн бэхэлгээ

сээр нуруутан - хөвчтөн амьтны салбар хүрээнд багтах толгой, их бие, сүүл бүхий амьтад

сээр заах - а.хүч тэнхээ ихтэйдээ бардах; б.эрх сүртэйдээ омгорхох

сээр шаах - үхрийн богино сээрийг мөлжөөд, нүцгэн нударгаар шахаж хугалах монгол эрчүүдийн наадам

сээрэн дунгуй - нуруун дээгүүрээ дамнуулан хаях бөхийн мэх

сээрийн эм урга. - өргөн хавтгай навчтай, ягаан цэцэгтэй нэг наст өвс, голдуу сээр нурууны өвчнийг анагааха эмэнд орно

сээрийн бөхөөс сэтгэлийн бөх - хатуу зориг, чиг сэтгэл эрхэм

Зөв бичихзүй

Үг хувилгах зарчим

Кирил бичгийн зөв бичихзүй

сээр нэр. ~эн дунгуй (бөхийн мэх), сээрний, сээ­рэнд, сээрнээс

Үндэсний бичгийн зөв бичихзүй

ᠰ‍ᠠ‍ᠭᠡ᠊ᠷ ᠤ‍᠊ᠨ
ᠰ‍ᠠ‍ᠭᠡ᠊ᠷ ᠲ᠋ᠣ
ᠰ‍ᠠ‍ᠭᠡ᠊ᠷ ᠊ᠢ
ᠰ‍ᠠ‍ᠭᠡ᠊ᠷ ᠡᠴ᠊‍᠊ᠨ
ᠰ‍ᠠ‍ᠭᠡ᠊ᠷ ᠢᠶᠡᠷ
ᠰ‍ᠠ‍ᠭᠡ᠊ᠷ ᠲ᠋‍ᠠ‍᠊ᠢ
ᠰ‍ᠠ‍ᠭᠡ᠊ᠷ ᠡᠣ᠊᠊ᠷᠣ᠊ᡍᠣ
ᠰ‍ᠠ‍ᠭᠡ᠊ᠷ ᠢᠶᠡ‍᠊ᠨ
ᠰ‍ᠠ‍ᠭᠡ᠊ᠷ ᠣ᠊ᠣ᠊᠊ᠨ

/~ийн /~т /~ийг /~ээс /~ээр /~тэй /~рүү /~ээ /~үүд

Хэлц үг

Өвөрмөц хэлц

сээр гозойлгох - омог зааж, дээрэнгүй аашлах

сээрнийхээ махаа барах - а.үр ашиггүй зүйлд дэмий зүтгэх; б.ихээхэн хүч зарах

албаар ам сээр тааруулах. - үйл хэргийг зориуд санаатайгаар тааруулах гэж оролдох

сээр гозойлгох - омог зааж дээрэнгүй аашлах~Сээр гозойлгоод л том дуугардаг болсон байна билээ. Ааш зан нь их эвдэрчээ.

сээр нь овойх - биеэ тоох~Их л том үйлс бүтээсэн гэж өөртөө эрддэг бололтой. Сээр нь овойж, харах нь хүртэл сэхүүн болсон байна билээ шүү.

сээр нь овойх, цөс нь хавиргаа дэлсэх - машид маадайх~Улсаас овоо юм тоншсон бололтой дог шүү. Сээр нь овойж, цөс нь хавиргаа дэлссэн л амьтан харагдах юм.

сээрнийхээ махыг барах - ихээхэн хүч зарах~Даалгасан ажлыг чинь цагт нь дуусгах гэж ямар их хичээсэн билээ дээ. Сээрнийхээ махыг бартал, хөлсөө дусалтал ажилласан юм сан.

Хэвшмэл хэлц

Ам бол ам

Сээр бол сээр

Санаа нь ширээнд

Сээр нь шороонд

Сээр хүзүү хоёр сэрвээгээрээ холбодог

Сэтгэл янаг хоёр хайраараа хэлхдэг

Сээр ч тус

Хүзүү ч тус

Аман зохиолд орсон нь

Зүйр үг

Хавирга сээрээ түшдэг

Сээр хавиргаа түшдэг

Тайлбар: юм бүхэн өөр хоорондоо харилцан уялдаатай байдаг