тагнай

Монголоор

Үгийн дуудлага

[tagnai]

Үндэсний бичиг

ᠲ᠋‍ᠠ‍‍ᠠ‍ᢉ‍ᠨ᠋‍ᠠ᠊ᠢ

(тангнаи)

Галиглах зарчим

Үгийн утга

I нэр.

1. биезүй. Амны хөндийг хамрын хөндийнөөс зааглах нэхдэс, амны доторх дээд хонхор
2. Тагнай мэт үелүүлэн иржгэр гаргаж хийсэн хээ
3. Мод мэтийн зүйлийг залгахад гарсан догол, хэрчлээс
4. Адууны тагнай зузаарах нэг зүйл өвчин
5. Эгц өндөр уулын тагнай мэт үелээ гарсан хажуу хэсэг

II урга.

1. Сарнайтан овгийн нэгэн төрлийн ургамал, туулайн тагнай.

Нийлмэл үг

хатуу тагнай - яс болон булчингаар бүтсэн тагнайн өмнүүрх хэсэг

зөөлөн тагнай - хэлхээ нэхдэс болон булчингаар бүтсэн тагнайн хойгуурх хэсэг

тагнай хорсох - амны доторх дээд хонхорхой хорсох

тагнай таших - хүний гайхах, халаглах зэрэгт хэлээ тагнайд хүргэн дуугаргах

тагнайн исгэрээ - хэл, тагнай хоёрын завсраар хий шахаж исгэрэх урлаг

тагнайн ташил - хэлний үзүүрээр хатуу тагнайг товшин эгшиг үүсгэх урлаг

тагнайн хөөмий - түгжсэн амьсгааг хатуу тагнайн чигт шахаж эгшиг үүсгэх

тагнайн эгшиг - тухайн эгшгийг дуудах үед тагнай оролцдог эгшиг

тагнайн хуниас - тагнайн хонхорт байх үелсэн зүйл

тагнай гаргах - тагнай хээ, дүрс гаргах

тагнай хээтэй - тагнай шиг үелсэн иржгэр хээтэй

тагнайтай даавуу - цагаан ямбуу, цуу ямбуу

тагнай хагшаас - голын голдрилын өргөнийг нийтэд нь буюу ихэнхийг эзлэн орших хөдөлгөөнт хагшаасны онцгой хэлбэр

уурганы тагнай - уурганы үзүүр ба ёзоорын залгааст гаргасан догол

тагнай тусах - адуу тагнай зузаарах өвчин тусах

тагнай хатгах - адууны тагнайг хатгаж цус гарган эмчлэх

тагнай огтлох - уулын тагнайн хэсгийг хөдлөн огтолж явах

Зөв бичихзүй

Үг хувилгах зарчим

Кирил бичгийн зөв бичихзүй

таг|най нэр. ~н исгэрээ, тагнайд, таг­найгаас

Үндэсний бичгийн зөв бичихзүй

ᠲ᠋‍ᠠ‍‍ᠠ‍ᢉ‍ᠨ᠋‍ᠠ᠊ᠢ  ᠶᠢ‍᠊ᠨ
ᠲ᠋‍ᠠ‍‍ᠠ‍ᢉ‍ᠨ᠋‍ᠠ᠊ᠢ ᠳ᠋ᠣ
ᠲ᠋‍ᠠ‍‍ᠠ‍ᢉ‍ᠨ᠋‍ᠠ᠊ᠢ ᠊ᠢ᠊᠊ᠢ
ᠲ᠋‍ᠠ‍‍ᠠ‍ᢉ‍ᠨ᠋‍ᠠ᠊ᠢ ᠡᠴ᠊‍᠊ᠨ
ᠲ᠋‍ᠠ‍‍ᠠ‍ᢉ‍ᠨ᠋‍ᠠ᠊ᠢ ᠪᠡ᠊ᠷ
ᠲ᠋‍ᠠ‍‍ᠠ‍ᢉ‍ᠨ᠋‍ᠠ᠊ᠢ ᠲ᠋‍ᠠ‍᠊ᠢ
ᠲ᠋‍ᠠ‍‍ᠠ‍ᢉ‍ᠨ᠋‍ᠠ᠊ᠢ ᠡᠣ᠊᠊ᠷᠣ᠊ᡍᠣ
ᠲ᠋‍ᠠ‍‍ᠠ‍ᢉ‍ᠨ᠋‍ᠠ᠊ᠢ ᠪᠡ᠊ᠨ

/~н /~д /~г /~аас /~аар /~тай /~ руу /~аа

Хэлц үг

Өвөрмөц хэлц

тагнай хужирлах - а.амттай, дуртай зүйлээ идэж уух; б.тамхи шунан татах

тагнай таших - харамсах~Хийсэн зүйлдээ дараа нь харамсаж, тагнайгаа ташаад суудаг эр хүн биш ээ би.

тагнай хужирлах - амттай, дуртай зүйлдээ шунах, амтших~Танил найзууд учрах завшаанд танхи шившин ундны газар, таврич нутгийн анх дарсанд тагнай хужирлаж тухлан сууна (Д.Пүрэвдорж, Нар тойрсон зам).

Аман зохиолд орсон нь

Зүйр үг

Тагнайных нь уураг хатаагүй

Тахимынх нь баас арилаагүй

Тайлбар: нас бага, амьдралын туршлага багатай