тараг

Монголоор

Үгийн дуудлага

[tarag]

Үндэсний бичиг

ᠲ᠋‍ᠠ‍᠊ᠷ‍ᠠ‍᠊ᠬ

(тараг)

Галиглах зарчим

Үгийн утга

нэр.

1. Хөөрүүлсэн сүүг исгэж хийх нэг зүйл цагаан идээ

Нийлмэл үг

тараг бүрэх - хөөрүүлсэн сүүнд хөрөнгө хольж сайтар самраад хавхаглан дулаан зүйлээр хучиж бүрэлдүүлэх

тараг бүрэлдэх - бүрсэн тараг боловсрох

тараг сагах - тараг хэт их иссэнээс савнаасаа халин гарах

тараг шогших - тараг гашлах, ээдэх, тараг хэт исэж дуугарах

таргийн хөрөнгө - тараг бүрэхээр тарагнаас тасалж авсан хэсэг

таргийн бүлүүр - таргийг исгэхийн тулд бүрэх хэрэгсэл

элгэн тараг - сая бүрэлдээд хутгагдаагүй, зайлагдаагүй байгаа тараг, шинэхэн бүрэлдсэн өтгөн тараг

исгэлэн тараг - удаад исэж хатуурсан тараг

үйлдвэрийн тараг - үйлдвэрт бүрж хийсэн тараг

үнээний тараг - үнээний сүүгээр бүрсэн тараг

хонины тараг - хонины сүүгээр бүрсэн тараг

Зөв бичихзүй

Үг хувилгах зарчим

Кирил бичгийн зөв бичихзүй

та|раг нэр. тарагны: ~ны хөрөнгө, таргийн: таргийн таван үнээ, тарагнаас, таргаар, тарганд

Үндэсний бичгийн зөв бичихзүй

ᠲ᠋‍ᠠ‍᠊ᠷ‍ᠠ‍᠊ᠬ ᠤ‍᠊ᠨ
ᠲ᠋‍ᠠ‍᠊ᠷ‍ᠠ‍᠊ᠬ ᠲ᠋ᠣ
ᠲ᠋‍ᠠ‍᠊ᠷ‍ᠠ‍᠊ᠬ ᠊ᠢ
ᠲ᠋‍ᠠ‍᠊ᠷ‍ᠠ‍᠊ᠬ ᠡᠴ᠊‍᠊ᠨ
ᠲ᠋‍ᠠ‍᠊ᠷ‍ᠠ‍᠊ᠬ ᠢᠶᠡᠷ
ᠲ᠋‍ᠠ‍᠊ᠷ‍ᠠ‍᠊ᠬ ᠲ᠋‍ᠠ‍᠊ᠢ
ᠲ᠋‍ᠠ‍᠊ᠷ‍ᠠ‍᠊ᠬ ᠡᠣ᠊᠊ᠷᠣ᠊ᡍᠣ
ᠲ᠋‍ᠠ‍᠊ᠷ‍ᠠ‍᠊ᠬ ᠢᠶᠡ‍ᠨ᠋‍

/~ийн /~д /~ийг /~аас /~аар /~тай /~руу /~аа

Хоршоо үг

• тараг зоог - цагаан идээ, мах шүүс
• сүү тараг - малаас гарах сүү болон түүнийг исгэж хийсэн нэгэн зүйл ундаа
• тараг айраг - малын сүүг бүрж, исгэж хийсэн цагаан идээний зүйл

Хэлц үг

Өвөрмөц хэлц

таргийн таван үнээ - амьжиргаанд дөнгөж хүрэлцэхүйц тооны мал

таргийн таван үнээ - амьжиргаанд дөнгөж хүрэлцэхүйц тооны мал~Тэднийх таргийн таван үнээтэй ажээ (Ш.Нацагдорж, Мандхай цэцэн хатан).

таргийн таван ямаа, ташуурын ганц морь - ядуувтар амьдрал, хүрэлцэхүйц хөрөнгө~Тэр үед айлд малын хошуу эргүүлж өгөөд, таргийн таван үнээ, ташуурын ганц морьтой л амьдардаг байсан цаг.

таргийнхаа савтай байх - амьд байх гэсний хүндэтгэл хэллэг~Таргийнхаа савтай байсан цагт хүссэндээ хүрч л таараа.

Хэвшмэл хэлц

Тараг тав хоногийнх

Танил тавь хоногийнх

Тариа тарих хүүтэй

Тараг бүрэх охинтой

Тархитай бол

Тараг олдох