унага

Монголоор

Үгийн гарал

Үгийн дуудлага

[unaǧă]

Үндэсний бичиг

ᠡᠣ᠊‍ᠨ᠋‍ᠠ᠊ᠭ᠎᠎ᠠ

(унаг-а)

Галиглах зарчим

Үгийн утга

I нэр.

Адуу, хулан, тахь зэргийн амьтны ойдоо хүрээгүй төл
шилж. Язгуурын, угийн, төрөлх

II нэр.тогл.

Нэгэн зүйлийн хөлөгт наадгай.

Ойролцоо үг

Нийлмэл үг

унага орхих - унага хаях

унага хаях - гүү сар гүйцэлгүй унагалах

унага хөндөлсөх - гүүний хэвэл дэх унага бэхжих

унаган зуулт - унаган зууш

унаган зууш - төрж буй унаганы аманд байх элэг бөөрний зүсэм шиг зүйл

унаган дуу - бүдүүн морины унага мэт үүрсэх уянгатай дуу

унаган албат хуучир. - язгуурын жинхэнэ албат

унаган боол хуучир. - Чин улсын үед нэгэн үе болсон боолыг ийнхүү нэрлэж байжээ

унаган дуу - унаж эдэлж байгаа морь гэрийн гадна ирэнгүүт ижил сүргээ үгүйлэн, унага мэт янцгаан үүрсэх дуу

унаган дэл - адууны унаган цагаас нь аваагүй хур дэл

унаган жороо - төрөлхийн жороо

унаган морь - өөрийн адуунд төрсөн морь

унаган нутаг - төрж, өссөн нутаг

унаган хэл - төрөлх хэл, анх хэлд орох цагаасаа сурсан хэл

унаган туурай - монгол дээлийн нударгыг цомбон, дэлбэн туурай гэж хоёр ангилах бөгөөд унаган нударгыг гоёлын дээлэнд болон залуу хүмүүс хэрэглэдэг

унаган ургамал/амьтан - зөвхөн тодорхой нутаг, орчинд идээшиж байршсан, эсвэл тархсан өөр хаана ч үл тохиолддог ургамал ба амьтны зүйл

унаган хайр - бага балчир наснаас үүсгэсэн хайр, анхны хайр

унаган холбоо - бага наснаас найзархан амисаж явсан харьцаа

унаган шавь - хүүхэд наснаасаа тус багшийг дагаж суралцсан шавь

унаган түрүү урга. - унаган туруу

унаганы туруу урга. - ойд ургадаг, цагаан, ягаан цэцэгтэй, навч нь морины туурайтай төстэй олон наст өвс, эмнэлэгт хэрэглэнэ

унаганы шийр урга. - хээр талд ургадаг, шар цэцэгтэй, навч нь морины туурайтай төстэй ургамал, эмнэлэгт хэрэглэнэ

Зөв бичихзүй

Үг хувилгах зарчим

Кирил бичгийн зөв бичихзүй

у|на|га нэр. унаганы, унаганд, унагыг, унаганаас

Үндэсний бичгийн зөв бичихзүй

ᠡᠣ᠊‍ᠨ᠋‍ᠠᡍ‍ᠠ‍᠊ᠨ ᠊ᠣ
ᠡᠣ᠊‍ᠨ᠋‍ᠠᡍ‍ᠠ‍᠊ᠨ ᠳ᠋ᠣ
ᠡᠣ᠊‍ᠨ᠋‍ᠠ᠊ᠭ᠎᠎ᠠ ᠊ᠢ᠊᠊ᠢ
ᠡᠣ᠊‍ᠨ᠋‍ᠠᡍ‍ᠠ‍᠊ᠨ ᠡᠴ᠊‍᠊ᠨ
ᠡᠣ᠊‍ᠨ᠋‍ᠠ᠊ᠭ᠎᠎ᠠ ᠪᠡ᠊ᠷ
ᠡᠣ᠊‍ᠨ᠋‍ᠠ᠊ᠭ᠎᠎ᠠ ᠲ᠋‍ᠠ‍᠊ᠢ
ᠡᠣ᠊‍ᠨ᠋‍ᠠ᠊ᠭ᠎᠎ᠠ ᠡᠣ᠊᠊ᠷᠣ᠊ᡍᠣ
ᠡᠣ᠊‍ᠨ᠋‍ᠠ᠊ᠭ᠎᠎ᠠ ᠪᠡ᠊‍᠊ᠨ
ᡁууд

/~ы /~д /~ыг /~аас /~аар /~тай /~руу /~аа

Орчуулга

Хоршоо үг

унага даага - нэг, хоёр настай адуу

Товчилсон үг

Хэлц үг

Өвөрмөц хэлц

Хэвшмэл хэлц

Унага өрвөлгөөндөө

Даага дарвилгаандаа

Унага эхдээ элгэмсэг

Уран уруулдаа тосорхог

Урагштай хүний

Унага шантай

Шувуу үүрэндээ дуртай

Унага эхдээ дуртай

Эх нь хээр алаг бол

Унага нь шийр алаг

Аман зохиолд орсон нь

Зүйр үг

Хүн болох багаасаа

Хүлэг болох унаганаасаа

Тайлбар: хүүхдийг багаас нь сайн хүмүүжүүлэх хэрэгтэй

Унага цадахад эхийгээ өшиглөх

Ууж цадахад тогоогоо өшиглөх

Тайлбар: а.хүмүүжилгүй аашлах; б.ачийг умартах

Унаган морь эзнээ явгалдаггүй

Тайлбар: муу ч гэсэн өөрийн юм дээр