хамгаалалт

Монголоор

Үгийн дуудлага

[xamǧa:laltʌ]

Үндэсний бичиг

(хамагалалта)

Галиглах зарчим

Үгийн утга

нэр.

1. Хамгаалах үйлийн үр дүнг заасан нэр;
2. Хүний амь нас, эд хөрөнгө, байгаль орчныг гадны элдэв нөлөөнөөс сэргийлэн сахих ажиллагаа
3. Тэнгисийн эрэг, усан байгууламж, голын эргийн дагуу хамгаалах зорилгоор барьсан шороон далан
4. цэрэг. Эсэргүүцэн хориглохоор барь-сан цэргийн байгууламж.

Нийлмэл үг

хамгаалалтын зэвсэг - байлдаанд цэргийг хамгаалах хэрэгсэл, ширэн энгэрэвч, хуяг, халхавч, шилбэний хаалт, төмөр оруулга, бамбай, хөө хуяг гэх мэт зүйл

ойн хамгаалалт - ойн зохистой харьцааг тэнцвэржүүлэх, нөхөн сэргээх, хүний хортой үйл ажиллагаанаас сэргийлэхээр явуулж буй арга хэмжээ, үйл ажиллагаа

тусгай хамгаалалт - тусгайлан харгалзан харж үзэх

хилийн хамгаалалт - хил хамгаалах үйл ажиллагаа

тариалангийн хамгаалалт - тариалангийн талбайг байгалийн элдэв үзэгдэл, хүний хортой үйл ажиллагаанаас хамгаалахын тулд барьж байгуулсан зүйл, хэрэгжүүлж буй арга хэмжээ

хамгаалалтын далан - гадаргын усны төвшин өргөгдөх үед тухайн нутаг дэвсгэр болон объект усанд автахаас хамгаалах байгууламж

Зөв бичихзүй

Үг хувилгах зарчим

Кирил бичгийн зөв бичихзүй

хам|гаа|лалт нэр. ~ын алба (байгууллага), хамгаалалтын, хамгаалалтад, хамгаалалтаас

Хоршоо үг

• хадгалалт хамгаалалт - юмыг агуулж харгалзан сахих байдал
• харуул хамгаалалт - сахин хамгаалах ажиллагаа

Товчилсон үг

МҮЭТЗХХХХ Монголын Үйлдвэрчний Эвлэлийн Төв Зөвлөлийн Хөдөлмөр Хамгаалалт, Хуулийн Хэлтэс