харц

Монголоор

Үгийн гарал

Үгийн дуудлага

[xarʦă]

Үндэсний бичиг

ᠬᠠᠷ‍ᠠ‍ᠴ᠊ᠨ
ᠬᠠᠷ‍ᠠ‍ᠴᠣ
ᠬᠠᠷᠴ᠊ᠨ

(харача) зөөлөн ~ (харачу) ~ ард

Галиглах зарчим

Үгийн утга

I нэр.

Нүдний харах байдал

II тэм.

Язгуур, угсаагүй, тайж биш

III амьт.

Нэг зүйл бяцхан хараацай.

Ойролцоо үг

Нийлмэл үг

харцаа шилжүүлэх - харж байсан зүйлээсээ хараа салган өөр зүйлийг харах

харцыг нь ажих - харцных нь хөдөлгөөнөөр нь санаа бодлыг нь мэдэх гэж оролдох

харц буруулах - а.харж чадахгүй өөр зүйл харах, харцаа өөр тийш шилжүүлэх; б.шилж. дургүй байдал гаргах, дургүйцсэнээ илэрхийлэх

аймхай харц - халгаж гэрэвшсэн харц

алмайрсан харц - ямар ч хөдөлгөөнгүй, нэг зүйлийг ширтэн гөлөрсөн харц

бодол болсон харц - хааяа нэг цавчлан, ямар нэг зүйлийг ширтэн бодол болсон хөдөлгөөнгүй харц

гэмшсэн харц - хүний өөдөөс зоригтой харж чадахгүй хааяа нэг хулгайгаар харсан харц

догшин харц - маш ширүүн, хүйтэн харц

зальжин харц - бага зэрэг царайчилсан янзтай, нүд зууван болон онийсон харц

зэвүүцэм харц - хурц бөгөөд нэвт шөвөгдсөн харц

ихэмсэг харц - үл тоомсорлосон, дээгүүр харсан харц

өлөн харц - ямар нэг зүйлд шунамхайрсан харц

санааширсан харц - нэлээд дөлгөөн байрын, үе үе санаа алдахтай хосолсон харц

тоомсоргүй харц - тухайн зүйлийг үл тоосон маягтай харц

төвшин харц - дөлгөөн, тогтуун харц

тэвдсэн харц - үе үе анивчсан, тогтворгүй харц

ухаалаг харц - зоримог байрын, бага зэрэг бодолхийлсон харц

ууртай харц - гялалзсан тогтворгүй байрын харц

хилэнт харц - ихэд гялалзсан, тогтворгүй харц

цогтой харц - гэрэл цацарсан, гялалзсан, сэргэлэн байрын харц

шунахай харц - нэвт шувт ажигласан, гялалзан бага зэрэг бодолхийлсон харц

ялдам харц - маш дөлгөөн, ухаалаг байрын харц

зөөлөн харц - тогтуун харц

ширүүн харц - нэвт шөвөгдөх мэт байдалтай, гялалзсан харц

харц мөргөлдөх - хоёр хүний харц тулгарах, хоорондоо таарах

харц ард - язгуур угсаагүй ард, энгийн ард

харц хүн - угсаа дорд хүн

Зөв бичихзүй

Үг хувилгах зарчим

Кирил бичгийн зөв бичихзүй

харц нэр. *~анд олзлогдох (өртөх), харцны, харцанд

Үндэсний бичгийн зөв бичихзүй

Орчуулга

Хоршоо үг

харц дорд - угсаа гарвал дорд
харц боол - эрхтэн тушаалтны эрх мэдэлгүй харъяат албат

Товчилсон үг

Хэлц үг

Өвөрмөц хэлц

харцанд олзлогдох - хэн нэгний өлөн харцанд өртөх

харц булаах - нүдэнд илтэй буюу сайхан харагдах~Хэрхэн эрчүүдийн харцыг булаах вэ? Гэсэн ч тэр бүхний нууцыг гаднаас бус өөрөөсөө хайх хэрэгтэй.

харцанд олзлогдох - хэн нэгний өлөн харцанд өртөх~Харцаараа хэлэх гэснээ илэрхийлж чаддаг нүдтэй эмэгтэйчүүдийн янаг харцанд олзлогдсон эрчүүд дороо л бууж өгдөг.

↑ нүдний харцаар явах

↑ хүйтэн харцаар харах

Хэвшмэл хэлц

Тайж нь харцаа

Харц нь хүүхдээ

Үгээгүй хүний нохой

Баян хүнийг үзэвч эзнээ үл хаях

Харц хүний хүү

Хаан хүнийг үзэвч үл хаях

Хаан ноёд хардвал

Харц иргэд урвана

Хаан хувилгаан гэгээн ч гэсэн

Харц ардын эхнэрээс төрдөг

Хаан хүн архинд орвол төрөө алдана

Харц хүн архинд орвол гэрээ алдана

Хаан хүнд ханьгүй

Харц хүнд халгүй

Хаан хүний үг хас хад мэт бат

Харц ардын үг хар үнс адил

Хаант газарт

Харц олон

Хар үхрээс цагаан тугал гардаг

Харц хүнээс эрдэмт хүү төрдөг

Хар шавраас лянхуа дэлгэрнэ

Харц хүнээс эрдэмтэн гарна

Харагч үнээнээс цагаан тугал гардаг

Харц ардаас чадалтай хүү төрдөг

Харц хүн архи уувал

Хаантай адил санана

Харц хүн жаргахдаа

Хааны сайд шиг санана

Харц хүн төрөх

Хаан хүн барагдах

Харц хүний хүү

Хааны хүүг үзээд гэрээ үл хаяна

Харц хүнээс эрдэмтэн гарна

Хар шавраас лянхуа дэлгэрнэ

Аман зохиолд орсон нь

Цэцэн үг

Өнөөдөр хаан маргааш харц

Тайлбар: хувь заяа хаашаа ч эргэж болно

Харц хүн архи уувал хаантай адил санана

Тайлбар: архи уувал эрүүл ухаанаа алддаг, архи хүний араншинг эрс өөрчилдөг