харь

Монголоор

Үгийн дуудлага

[xȧrĭ]

Үндэсний бичиг

ᠬᠠᠷ᠊ᠢ

(хари)

Галиглах зарчим

Үгийн утга

I тэм.

1. Өөрийн биш, гаднын, хүний
2. Хүний газар
3. Өөр аймаг, бүлэг
4. Цор, гагц

II нэр.

1. Амсартаа дугираг цагираг бүхий тор, загас барих хэрэгсэл.

Нийлмэл үг

харь улс - гадаад улс

харь үг - гадаад үг

харь хэл - унаган биш хэл, гадаад хэл

харь атаатан - хүний нутгаас ирсэн дайсан

харь газар - хүний газар

харийн хүн - а.гадаад улсын буюу өөр аймаг захиргааны хүн; б.хуучир. хадамд гарах хүүхэн; в.Хөндлөнгийн хүн

харийн боол - а.бус улсын, бус хүний боол; б.шилж. бус улсыг шүтэгч

харийн хүн - гадаад улсын буюу өөр аймаг захиргааны хүн

харь гагцхан - цорын ганц),

Зөв бичихзүй

Үг хувилгах зарчим

Кирил бичгийн зөв бичихзүй

харь тэм.. харийн хүн (а.гадаад хүн

Хэлц үг

Өвөрмөц хэлц

харьд өгөх - охиныг хүргэнд өгөх

харьд мордох - хүүхэн хүн ураглаж, хадмындаа очих

Хэвшмэл хэлц

Түмэн хүнээс түдэх ёстой

Харь хүнээс хариулах ёстой

Түмэн хүнээс хүлээх ёстой

Харь хүнээс хариу дуулах ёстой

Хаврын хахирт малаа

Харь газар үгээ

Ханилж байгаад салсанд орохоор

Харь байгаад өнгөрсөн дээр

Хазгай ам хазайсан тийшээ

Харь хүн гэр тийшээ

Хань нөхрөөсөө салбал

Харь хүнд дарлагдана

Хар илжиг унаж

Харь хошуунд золиул

Харь газар амаа хичээ

Халуун зуураа эвээ хичээ

Харь газар очоод өшөө гэвэл гавьяагүй

Харьяат олны алдрыг гутааж явбал гавьяагүй

Харь газар үгээ бэхэл

Халуун зуур эвээ хичээ

Харь газар харьдаа зочин

Харьт чөмөг тогоондоо зочин

Харь газар халуун чулуу долоох

Халуун газарт хатуу яс хугалах

Харь хүн харих

Хамниган хүн нүүх

Харь хүнийг харихад

Хар тогоо хөдөлдөг

Аман зохиолд орсон нь

Зүйр үг

Харь газар үгээ бэхэл

Халуун зуураа эвээ хичээ

Тайлбар: хүний газар анхаарал болгоомжтой яв