хичээл

Монголоор

Үгийн дуудлага

[xiʧe:l]

Үндэсний бичиг

ᢉᠢᠴ᠊ᠢ᠊ᠶᠡᠯ

(хичийэл)

Галиглах зарчим

Үгийн утга

I нэр.

1. Хичээх үйлийн нэр, чармайлт, шамдлага, идэвх оролдлого

II нэр.

1. Тогтмол цагт батлагдсан хөтөлбөрийн дагуу, мэргэжлийн багшийн удирдлаган дор хийж байгаа сургууль

Ойролцоо үг

-суралцах

Нийлмэл үг

хичээл гаргах - зүтгэл гаргах

хичээл сайтай - зүтгэл сайтай, оролдлого сайтай

хичээл давтах - сургуулиар эзэмшсэн мэдлэгээ давтан баталгаажуулах

хичээл заах - тогтоолтой цагт сургууль явуулах

хичээлийн жил - тодорхой хугацаанд үргэлжлэх хичээл хийх үе

хичээлийн сэдэв - хичээлийн товч агуулга

хичээлийн хуваарь - хичээлийн хувааж салгасан хувь

хичээлийн хэрэгсэл - хичээлд хэрэглэх зүйл

хичээлээс гадуур - хичээлийн цагаас бусад үед

дадлагын хичээл - сурч мэдсэнээ амьдрал дээр туршиж үзэх хичээл

нэмэлт хичээл - сурах ёстой зүйл дээрээ дэлгэрүүлэн үзэх хичээл

сүүлчийн хичээл - а.тухайн өдрийн юмуу жилийн хамгийн эцсийн хичээл; б.сургууль төгсөх хамгийн эцсийн хичээл

Зөв бичихзүй

Үг хувилгах зарчим

Кирил бичгийн зөв бичихзүй

хи|чээл нэр. ~ сургууль хорш. (а.сурч мэдсэн зүйл, хичээ­лийн, хичээлд, хичээлээс

Хоршоо үг

• хичээл зүтгэл - ажил хөдөлмөр, хичээл сурлагад гаргах идэвх санаачилга, чармайлт
• хичээл хөдөлмөр - юмыг хийж бүтээх, сурах идэвх оролдлого
• хичээл шамдал - чармайл зүтгэл
• идэвх хичээл - идэвх оролдлого, идэвх чармайлт
• хичээл ном - а.сурч мэдсэн зүйл; б.юм сурч мэдэх газар
• хичээл сурлага - а.сурч мэдсэн хэр хэмжээ; б.хичээл ном
• хичээл сургууль - а.тогтмол цагт батлагдсан хуваарийн дагуу хийх сургууль; б.эрдэм ном сурах газар

Этгээд үг

АРИЛАХ тбү. хичээлээ хаяж явах

• Чи саяын хичээлд суухгүй, хаашаагаа арилчихдаг байна. –Сонирхолгүй хичээл учир номын санд сууж байгаад ирлээ.
• Хоёулаа дараагийн хичээлээс арилах уу?

БИЕИЙН ТАМ н. биеийн тамирын хичээл

• Би биеийн тамд дургүй. –Тэр болохгүй. Уг нь спорт биенд сайн шүү дээ.
• Намайг яагаад биеийн тамд дургүйг мэдэх үү?

ПОТОК н. нийтийн лекц. О.поток(явц, урсгал)

• Та нар потокдоо сууна шүү.
• Одоо юуны поток вэ? –Монголын түүхийн поток.

ПЯЛАХ тү. хичээл таслах, эсвэл багш хичээл орохгүй байх

• Хоёулаа хичээлээ пялчих уу?
• Би 2 цагийн хичээлээ пялчихаад танай хуралд сууж байна.

ХҮНДРЭХ тү. хичээл байн байн таслах

• Чи яагаад сүүлийн үед хүндрээд байгаа юм бэ? –Нэг ресторанд цагийн ажил хийж байгаа юм.
• Тэр хүндэрч байгаад шалгалтандаа муу дүн авах гэж байгаа юм.

ЦОНХ н. хичээлгүй цаг(хичээлийн хуваарь дээр цонх мэт үлдээсэн хоосон зай)О.окошко(бяцхан цонх, хичээлийн хуваарийн хоосон зай)

• Дараагийн цаг цонхтой юм уу? –Тийм ээ, цонхтой шүү дээ.
• Би цонхтой цагаар үдийн хоолоо иднэ.

ЦОНХЛОХ тү. тбү. хичээлийн хооронд хичээл үл орох

• Манай энэ хичээл хоёр долоо хоногт нэг удаа цонхолдог юм.
• Өнөөдөр багш өвчтэй учир япон хэлний хичээл цонхолчихлоо.

ЧАДУУШБОЛОХ тбү. аө.хичээл таслах

• Би энэ хичээлд чадууш болох санаатай.
• Чи байн байн чадууш болж байна. Энэ муу шүү.

ШИЛРЭХ тү. хичээл таслах

• Чи гэнэт хичээлээ шилэрчих юм. Яагаад тэгдэг байна? –Би нэгэн найзтай болоод байгаа юм.
• Чи хичээлээ шилэрч сэтгэл ханахгүй юм аа.

Хэлц үг

Хэвшмэл хэлц

Тунгалаг гэгч

Түшмэд ноёдын уг үндэс

Хичээл гэгч

Аман зохиолд орсон нь

Зүйр үг

Эрлийг сурлаар эрдмийг хичээлээр

Тайлбар: идэвх чармайлт гаргаж байж амжилтанд хүрнэ