ховдог

Монголоор

Үгийн дуудлага

[xowdog]

Үндэсний бичиг

ᠬᠣ᠊ᠪᠳ᠋ᠣ᠊᠊ᠬ

(хобдуг)

Галиглах зарчим

Үгийн утга

тэм.

1. Идэх уухдаа хомхой, шунахай, ханаж цаддаггүй
2. шилж. Юманд шунахай, авилгач

Нийлмэл үг

ховдог хүн - а.идэх уухдаа хомхой хүн; б.шунахай хүн

өлөн ховдог - идээд байгаа хэрнээ санаа нь цаддаггүй, хомхой

ховдог сэтгэлтэй - хомхой сэтгэлтэй, шунаг сувдаг сэтгэлтэй

Зөв бичихзүй

Үг хувилгах зарчим

Кирил бичгийн зөв бичихзүй

хов|дог тэм.. өлөн ~ хорш. шилж. (шунахай) ~ сэтгэлтэй, ховдогдуу

Үндэсний бичгийн зөв бичихзүй

ᠬᠣ᠊ᠪᠳ᠋ᠣ᠊‍ᠠ‍‍ᠠ‍ᠳ᠋‍ᠠ‍ᡍᠣ
ᠬᠣ᠊ᠪᠳ᠋ᠣ᠊‍ᠠ‍‍ᠠ‍ᠳ᠋‍ᠠ‍ᡍᠣ᠊‍ᠠ‍‍ᠠ‍‍ᠠ‍᠊ᠨ

/~дуу /~дуухан

Хоршоо үг

• ховдог зальхай - а.хомхой шунахай; б.авлигач
• хомхой/ховдог шунахай - а.эд баялагт хэтэрхий шунамхай; б.авлигач

Этгээд үг

ӨЛКА б.аө.ховдог(“өлөн” хэмээх үгийн тэргүүн үед -ка бүтээвэр залгасан)

• Чи яасан өлка юм бэ. Их идэж байна шүү.
• Чи нээрээ өлка царайтай байна шүү.

Хэлц үг

Хэвшмэл хэлц

Залхуу хүний гадаа мод байдаггүй

Ховдог хүний гэрт хоол байдаггүй

Өлөн нүдээр үзвэл өвс боловч орхоодой

Ховдог нүдээр үзвэл хумаг боловч алт

Ховдог банди хоёр манзнаас хоцорно

Ховдог боловч хортой идээг идэхгүй

Хурц боловч хойноо тусгүй явдлыг хийхгүй

Ховдог ихэдвэл хоосордог

Хонхор ихэдвэл эрхшээдэг

Ховдог ноход ясан дээр

Хуйхар ноёд хээл дээр

Ховдог нохой хоолоо мэдэхгүй яс залгина

Ховдог удган хоёр зүхлээс хождоно

Ховдог хоёр аягатай

Хуумгай хоёр явдалтай

Хожгор хүн малгайгаа өмсөөд бусдын халзанг шоолох

Ховдог хүн зажлахгүй залгиад хахаж харахтай адил

Ховдог хүн тогоонд ойр

Харамч хүн саванд ойр

Ховдог хүн хоёр аягатай

Хожгор хүн гурван малгайтай

Ховдог хүн хоолноос хоцордог

Ховч хүн үгнээс хоцордог

Ховдог хүн хэрээтэй адил

Хэрүүлч хүн нохойтой адил

Ховдог хүн цадсан хойноо түүхийг нь мэднэ

Мунхаг хүн үхсэнийх нь хойно тустайг нь мэднэ

Ховдог хүнд тэмээ бага

Хуйхар хүнд сайн бага

Ховдог хүнд хонины бөөр

Ихтэй багатай шиг юу гэсэн үг вэ

Ховдог хүнд хоол өгвөл хотгор уруу сөн цутгасан мэт

Хуйхар хүнд эрх өгвөл хутганы үзүүр ган тавьсан мэт

Ховдог хүнд хоол хэрэгтэй

Хожгор хүнд малгай хэрэгтэй

Ховдог хүнд хоолгүй

Хорт санаанд үзүүргүй

Ховдог хүний нүдэнд

Хонины бөөр ихтэй багатай

Ховдог хүний санаа ханахгүй

Хорт хүний сэтгэл буцахгүй

Ховдог хүний санаа

Хомтой тэмээ залгина

Ховдог хүний сэтгэл хангалуунгүй

Хорт хүний сэтгэл энэрэнгүй

Ховдог хүний ходоод их

Хонхор газрын өвс их

Ховдог хүнийг хоньчин бүү болго

Хомхой хүнийг тогооч бүү болго

Ховдог хүн

Хүслээр ханадаггүй

Ховдог чоно хонь идэхээ байхгүй

Хуйхар дайсан хор хийхээ байхгүй

Ховдог шунахай хорын үндэс

Ховч үг хэрүүлийн үндэс

Ховдог шунахай хүн өлөн чонотой адил

Хор ёртой хүн хорт могойтой адил

Ховдог эмтэй хүн

Хорготой шөл уудаг

Ховор юмны үнэ их

Ховдог хүний гэдэс их

Ховч хүн найзгүй

Ховдог тэмээ бурантаггүй

Ховч хүн үгэнд улайна

Ховдог нохой ясанд улайна

Ховч хүн үгэнд

Ховдог хүн хоолонд

Хоёр хурлын хооронд

Ховдог манзач хоосон

Хожгор хүн малгайнаас салахгүй

Ховдог хүн хоолноос салахгүй

Хонууд цай ходоодонд муу

Ховдог санаа биедээ муу

Хоосон бодол хувхайрна

Ховдог санаа илжирнэ

Хор нь могойтой адил

Ховдог нь чонотой адил

Хорон санаатай

Ховдог шуналтай

Хорт могой шиг хяхарч

Ховдог чоно шиг архирах

Хорт могойн хэл хурц

Ховдог хүний шүд хурц

Хорт хэл могой адил

Ховдог санаа чоно адил

Хортон дайсныг дарангуйллаар

Ховдог шунахайг цаазлалаар

Хортон дайсныг сэрэмжилж яв

Ховдог шамшигчийг илчилж яв

Хулгайч хүн биеэ барна

Ховдог хүн юмаа барна

Аман зохиолд орсон нь

Зүйр үг

Ховдгийн цай урьтаж буцалдаг

Ховчийн үг урьтаж хүрдэг

Тайлбар: муу үг түрүүлж бусдын чихэнд хүрдэг

Ховдог нь хүрч хорхой нь түрэх

Тайлбар: эд баялагт ихэд шунархайрах