хороо

Монголоор

Үгийн дуудлага

[xoro:]

Үндэсний бичиг

ᠬᠣ᠊᠊ᠷᠣ᠊᠊ᠭ᠎᠎ᠠ
ᠬᠣ᠊᠊ᠷ᠊ᠢ᠊᠊ᠢ᠎ᠠ

(хоруг-а) малын ~ (хорий-а) цэргийн ~

Галиглах зарчим

Үгийн утга

I нэр.

1. Хүйтний улиралд мал хашихад зориулсан чулуу, мод зэргээр хийсэн хашаа

II нэр.

1. Хот суурин газрын засаг захиргааны анхан шатны нэгж
2. цэрэг. Зэвсэгт хүчний бүх төрлийн, төрөл тусгай мэргэжлийн цэргийн анги, зохион байгуулалтын хувьд байлдааны болон захиргаа, аж ахуйн биеэ даасан нэгж
3. Ямар нэгэн ажлыг эрхлэн удирдах байгууллага

Нийлмэл үг

малын хороо - малын саравчгүй хашаа

хорооны дарга - засаг захиргааны зуугаас дээш өрхийг захирах дарга

хуягт танкийн хороо - хуягт танкийн анги

хороо цэрэг - цэргийн томоохон хэсэг

бэлтгэх хороо - бэлтгэл ажлыг удирдах хэсэг

зохиолчдын хороо - зохиолчдын эрх ашгийг хамгаалан, удирдан зохион байгуулдаг олон нийтийн байгууллага

төв хороо - төвлөн удирдах байгууллага

утасны хороо - цахилгаан холбооны удирдах газар

хэвлэлийн хороо - хэвлэлийн ажлыг эрхлэн удирдах байгууллага

Зөв бичихзүй

Үг хувилгах зарчим

Кирил бичгийн зөв бичихзүй

хо|роо нэр. *нохойн ~ (эмх замбараагүй байдал) II.(засаг захиргааны нэгж) ~ны дарга (цэргийн анги) хуягт танкийн ~, хорооны, хороонд, хорооноос

Хоршоо үг

• хашаа хороо - а.малыг байгалийн элдэв үзэгдлээс хамгаалах зориулалтай хүрээлэн босгосон юм; б.хүмүүсийн амьдран суух хүрээ
• хот хороо - хамтын хөдөлмөрөө нэгтгэн хэд хэдээрээ аж төрөх айл өрх болон тэдгээрийн үхэр малын хашаа хороо
• хүрээ хороо - хашаалсан, тойруулан барьсан юм
• үүр хороо - амьтны ил орогнох газар

Хэлц үг

Өвөрмөц хэлц

нохойн хороо - эмх замбараагүй, хог новш ихтэй байдал

Хэвшмэл хэлц

Үг хэлэхэд үг дуулах

Хороо нээхэд мал бэлчих