хуурай

Монголоор

Үгийн дуудлага

[xu:rai]

Үндэсний бичиг

ᠬᠠᠣ᠊᠊ᠷ‍ᠠ‍᠊ᠢ
ᠬᠠᡍᠣ᠊᠊ᠷ‍ᠠ‍᠊ᠢ

(хагураи) ~ газар (хаураи) төмрийн ~

Галиглах зарчим

Үгийн утга

I нэр.

1. Төмөрлөгийн зүйлийг үрж өнгөлөх, засах, элээх багаж

II тэм.

1. Нойтон гэдгийн эсрэг утга
2. Дэлхийн бөмбөрцгийн далайгаас бусад эх газар

Нийлмэл үг

гурвалжин хуурай - гурвалжин хэлбэртэй төмөрлөг зүйлийг үрэх, өнгөлөх багаж

төмрийн хуурай - төмөр үрэх, өнгөлөх багаж

чийггүй -

хуурай газар - а.эх газар; б.чийггүй газар

хуурай хагас бөмбөрцөг - далай, тэнгис хамгийн бага, эх газар ихтэй, Ази, Европ, Африк, Умард Америк болон Өмнөд Америкийн зонхилох хэсэг

Зөв бичихзүй

Үг хувилгах зарчим

Кирил бичгийн зөв бичихзүй

хуу|рай I.нэр. хуурайн, хуурайд, хуурайгаар, хуурайвтар

Эсрэг үг

#нойтон

Товчилсон үг

ХЗЦ Хуурай Замын Цэрэг

Хэлц үг

Өвөрмөц хэлц

хуурай агсам тавих - архи уугаагүй боловч хэл амаар дайран давшлах

хуурай хүү - өөрөө хүсч ирээд үр нь болсон хүү

хуурай эгч - төрсөн бус боловч төрсөн эгч шиг ачлалтай хүн

ам хуурайгүй/ам хуурай суухгүй - а.үргэлж идэж байдаг; б.их ярьдаг, чалчаа

хуурай агсам тавих - архи уугаагүй боловч хэл амаар дайран давшлах~Нэг муу бадарчин хуурай агсам тавилаа гэж зэвүүрхэж суугаа буй (Ж.Пүрэв, Гурван зангилаа).

хуурай өвсөн дотор гал хүрд явах - хандсан зүгт эсэргүүцэлгүй, байлдах бүрт ялагдалгүй~Таван барсын жанжинг Мухулайтай толгой дөрвөн мөч болон ажнай морины жагсаал хувилж байлдан ирэх нь цахилгаан хүрд мэт Алтан улсын цэргийн дотор явах нь хуурай өвсний дотор гал хүрд явах мэт Алтан улс өчүүхэн ч халаглан чадахгүй... Юаньшуай л Ингийн доор хүрч ирсэнд... (Инжаннаши, Хөх судар).

↑ ам хуурайгүй

↑ ам хуурай суухгүй

Хэвшмэл хэлц

Хоосон хонож

Хуурай босож

Худал үг цээжинд багтахгүй

Хуурай халбага аманд багтахгүй

Худалч хүн буцах нь амархан

Хуурай мод хугарах нь амархан

Худгийн усанд загасгүй

Хуурай модонд навчгүй

Хууль журганы хол нь

Хуурай түлээний ойр нь

Хуурай будаа түүхийгүй

Хуучин хүн хуудуугүй

Хуурай будаа чулуутай

Хуучин хүн хуудуугүй

Хуурай газар ус хүснэ

Хожгор толгой үс хүснэ

Хуурай горхинд гүүр тавих

Цоорхой хувинд ус барих адил

Хуурай модноос цэцэг дэлгэрэхгүй

Хувхай яснаас мах ургахгүй

Хуурай модны жин хөнгөн

Хуурамч хүний зан хөнгөн

Хуурай модонд навчгүй

Хуурамч үгэнд үнэнгүй

Хуурай модыг хугартал

Нойтон модыг эгштэл

Хуурай халбага хэл холгох

Хоосон үг хоолой ороох

Хуурай худагт загас үгүй

Ховч хүнд нөхөр үгүй

Хуурай цагаан тойромд хун галуу тогтохгүй

Ховчрох зантай хүнд хань нөхөр тогтохгүй

Хуурай цагаан тойромд хун галуу тогтохгүй

Хувирдаг зантай хүнд хань нөхөр тогтохгүй

Хуурамч сэтгэл хувирах нь амархан

Хуурай мод хугарах нь амархан

Хуурмаг амрагийн хагацах нь амархан

Хуурай модны хугарах нь амархан

Хуучны үгэнд хуудуугүй

Хуурай будаанд чулуугүй

Аман зохиолд орсон нь

Цэцэн үг

Хуурай цагаан тойромд хун галуу тогтохгүй

Худалч хуурамч хүнд хань нөхөр тогтохгүй

Тайлбар: худалч хуурамч хүнд хань нөхөр байдаггүй

Хуурай модонд навчгүй

Худгийн усанд загасгүй

Тайлбар: юм бүхэн учир шалтгаантай