хүүхэн

Монголоор

Үгийн дуудлага

[xь:xen]

Үндэсний бичиг

ᠭᠡᠣ᠊ᠭᠡ᠊ᠨ

(хэүхэн)

Галиглах зарчим

Үгийн утга

нэр.

1. Бүсгүй хүн
2. Бие гүйцэж хүүхэд гаргасан боловч эрд гараагүй эмэгтэй

Нийлмэл үг

өөрийн төрсөн охин -

хүүхэн дурдах - нярайлахыг завдаж өвдөх

хүүхэн нуруу - байшин асрын хос нурууны доод нарийн нуруу

хүүхэн мордуулах яриа. - хүүхэн хүнийг хуримлуулах

хүүхэн сарьс - монгол гутлын ул, зулаг хоёрын завсар хавчуулан оёсон илэг сарьс

хүүхэн тайлах хуучир. - дутуу төрөх

хүүхэн ул - монгол гутлын улны дээр давхацсан нимгэн ул

хүүхэн хараа биезүй. - нүдний солонголог бүрхүүлийн голд байх цонх

хүүхэн хэл биезүй. - хүн, амьтны ам хамрын сүвний уулзар дээрх бяцхан унжлага мах

Зөв бичихзүй

Үг хувилгах зарчим

Кирил бичгийн зөв бичихзүй

хүү|хэн нэр. хүүхний, хүүхэнд, хүүхнээс, о.тоо хүүхнүүд

Хоршоо үг

• авгай хүүхэн - ахимаг насны эмэгтэйчүүд, бүсгүйчүүд
• хүүхэн шуухан - охид, бүсгүйчүүл

Хэлц үг

Хэвшмэл хэлц

Балай байгаа цагт батгана олдох

Хүүхэн байгаа цагт хадам олдох

Залуу хүний сайныг моринд мэд

Хүүхэн хүний сайныг гэрт нь мэд

Мөнгө муу бол эзэндээ

Хүүхэн муу бол төрхөмдөө

Үнс ихдэхлээр галын зуд

Хүүхэн өтлөхлөөр гэрийн зуд

Үнс ихэдвэл тулганы буг

Хүүхэн ихэдвэл гэрийн буг

Хүзүүдээд явах гэж

Хүүхэн дүү заяагдсан

Хүлэг өтөлбөл унааны элэг

Хүүхэн өтөлбөл айлын элэг

Хүн бол чармайн явах

Хүүхэн бол дээдэд зүтгэх

Хүндээ барвал олны домог

Хүүхэн өтөлбөл залуусын домог

Хүү төрвөл хуяг

Хүүхэн төрвөл малгайчин

Хүү хүн аагтай ч түймэр мэт битгий ноц

Хүүхэн хүн ааштай ч салхин мэт бүү хуйсагна

Хүү хүн галзуурахгүй бол цовоо нь дээр

Хүүхэн хүн яврахгүй л бол дуугүй нь дээр

Хүү хүний хүчийг нь

Хүүхэн хүний эдийг нь

Хүүхэд хүн хөгжөөн нэмнэ

Хүүхэн хүн инээд нэмнэ

Хүүхэн аашаараа

Архи амтаараа

Хүүхэн аашаараа

Хөгшид насаараа

Хүүхэн авах хүн ээжийг нь шинж

Хүлэг авах хүн туурайг нь шинж

Хүүхэн алиашвал идэхээ мартана

Хүлэг хоршвол ижлээ мартана

Хүүхэн байвал

Хүргэн хаа мундах вэ

Хүрээ байвал

Маймаа хаа мундах вэ

Хүүхэн өгсөн газартаа хүнд

Чулуу цохисон газартаа хүнд

Хүүхэн өгсөн хүн

Сүйхээ харамладаггүй

Хүүхэн хүн бардам

Хөвгүүн хүн хүдэр

Чулуу цохисон газартаа хүнд

Хүүхэн өгсөн газартаа хүнд

Эд муу боловч эзэндээ

Хүүхэн муу боловч төрхөмдөө

Аман зохиолд орсон нь

Зүйр үг

Хүүхэн байвал хүргэн хаа мундах вэ

Хүрээ байвал наймаа хаа мундах вэ

Тайлбар: эмэгтэй хүн болгон нөхөрт гардаг

Хүүхэн хүрсэн газартаа

Чулуу унасан газартаа

Тайлбар: эмэгтэй хүний заяа айлд байдаг

Хүүхнээ гэвэл хүргэнээ

Хүзүүгээ гэвэл захаан

Тайлбар: хүргэнээ охин шигээ хайрлах хэрэгтэй