хөлөг

Монголоор

Үгийн дуудлага

[xцlцg]

Үндэсний бичиг

ᠬᠥ᠊᠊ᠯᠭᠡᠡ᠋

(хөлүг) ~ морь (хөлгэ) ~ онгоц

Галиглах зарчим

Үгийн утга

I нэр.хүндэт.

1. Морь
2. Хүндэтгэвэл зохих хүний уналга;

II нэр.

1. Шатар, мягман, буга, бух, жирэг зэрэг тоглоомын өрж наадах хүснэг зураг бүхий тавиур.

III нэр.

1. Далай, тэнгис, мөрөн зэрэг их усанд явах том онгоц
2. Агаар тэнгэр, сансраар явах том онгоц

IV.

1. хөлөг баатар (өрлөг баатар, алдар цуутай баатар).

Нийлмэл үг

хөлөг онгоц - далай, тэнгист явах хүчин чадал ихтэй том усан онгоц

хөлөг онгоц өргөгч - хөлөг онгоцыг тусгай хонгилд байрлуулж усны нэг төвшнөөс нөгөөд шилжүүлэх байгууламж

хөлөг онгоцны үйлдвэр - усан онгоц хийх үйлдвэр

хөлөг онгоцоор явах - усан онгоцоор далайг гатлан явах

хөлгийн цогц - баганан цогцолборыг тогтоох, дохио өгөх, завь буулгах болон ачаа өргөн тээвэрлэх ажлыг гүйцэтгэдэг хөлөг онгоцны тоноглол

худалдааны хөлөг онгоц - худалдаа хийж нааш цааш зорчих том усан онгоц

агаарын хурдан хөлөг - нисэх онгоц

сансрын хөлөг сансар. - дэлхийг тойрон орчиж, сансрын уудмаар аялан явах онгоц, хиймэл дагуул

Зөв бичихзүй

Үг хувилгах зарчим

Кирил бичгийн зөв бичихзүй

хө|лөг нэр. хүлэг хоёрын утгын ялгааг анхаар!) ~ онгоц, хөлгийн, хөлөгт, хөлгөөс, о.тоо хөлгүүд

Товчилсон үг

ДХО Десантын Хөлөг Онгоц

ТХО Тээврийн Хөлөг Онгоц

Хэлц үг

Өвөрмөц хэлц

хөлгийн шандас сорих/хөлгийн шандас сунгах - мориор уралдах, давхих

Аман зохиолд орсон нь

Цэцэн үг

Хөлгийн сайныг унан байж мэддэг

Хүний сайныг ханилан байж мэддэг

Тайлбар: хүний мөс чанарыг хараад мэдэх аргагүй

Хөлөг морины хурд

Хүдэр биеийн чадал мэднэ

Тайлбар: бүх юм унаж яваа морь, эр биеийн авхаалж самбаанаас шалтгаална