цагдаагийн алба хаагчийн эсрэг хүч хэрэглэх болон амь насыг нь хохироох тохиолдлууд

Хадмал үг

[англ. accidental deaths/ assaults against police болон murder of police officers]

Тайлбар

Цагдаагийн ажилтан албан үүргээ гүйцэтгэж явах үедээ бусдын гарт харамсалтайгаар амь насаа алдах тохиолдол их гардаг. АНУ-д 1994-2003 он хүртэлх нийт арван жилийн хугацаанд 616 офицер албан үүргээ гүйцэтгэж явах үедээ бусдын гарт харамсалтайгаар амь насаа алдсан байна.

Нөхцөл байдлын тодорхойлолт

1994-2003 оны хооронд арван жилийн хугацаанд цагдаагийн албан хаагчийн амь насыг хөнөөсөн гэмт хэрэг хамгийн их гарсан нь 187 тохиолдол гэмт хэрэгтнийг баривчлах ажиллагааны үеэр, 101 нь замын хөдөлгөөнийг зохицуулалт хийх үеэр, 100 тохиолдол нь гэмт хэрэгтний отолт, урхинд орсны улмаас гарч байжээ. Цагдаагийн ажилтан амь насаа алдсан бусад тохиолдлуудад 98 тохиолдол нь үймээн самууны дуудлага, 96 тохиолдол нь сэжигтнийг мөрдөх ажиллагааны үед гарсан байна.

Гэмт хэрэгтний тодорхойлолт

1994 оноос 2003 оны хооронд цагдаагийн албан хаагчийг албан үүргээ биелүүлэх үед амь насыг нь хөнөөсөн нийт 748 гэмт хэрэгтний дийлэнх нь буюу 407 нь цагаан арьстай, 721 нь эрэгтэй, 284 нь арван наймаас хорин дөрвөн насныхан байсан байна.

Амь үрэгсдийн ар гэрт үзүүлэх дэмжлэг

Орон нутгийн болон улсын бүх байгууллагаас амь үрэгсдийн ар гэр, амьд үлдэгсдэд дэмжлэг туслалцаа үзүүлэх санг байгуулсан бөгөөд сэтгэл санаа, бие махбодь, эд материалын бүхий л талаар туслалцаа үзүүлэн дэмжихэд тус сангийн үндсэн зорилго нь оршдог байна.

Амь үрэгдсэн офицеруудыг дурсах

Албан үүргээ гүйцэтгэж явахдаа амь насаа алдсан цагдаагийн албан хаагчдыг дурсах Үндэсний хууль сахиулах байгууллагын ажилтнуудыг дурсах сан байдаг бөгөөд жил бүр 150,000 гаруй хүмүүс цугладаг байна. Гэсэн хэдий ч жил бүрийн 5 дугаар сарын 15-ны өдөр цагдаагийн ажилтнуудыг дурсах өдөр, 1,5 сая гаруй доллараар таван зуун мянган дурсгалын мөнгөн доллар хийх зэргээр цагдаагийн ажилтнуудыг дурсах тусгай үйл ажиллагаанууд хийгддэг бөгөөд сүүлийн үед хийгдсэн ажлуудаас гэвэл Вашингтон хотод шүүх засаглалын талбайд Үндэсний хууль сахиулагчдын музейг тус сангаас байгуулсан байна.