цог

Монголоор

Үгийн дуудлага

[ʦog]

Үндэсний бичиг

ᠴᠣ᠊᠊ᠬ

(чог)

Галиглах зарчим

Үгийн утга

I нэр.

1. Дөл, утаа нь барагдсан ч, галтайгаа байгаа нүүрс

II нэр.

1. Сүр сүлд, жавхаа, ид хав

Нийлмэл үг

аргалын цог - аргалын шатсан гал

модны цог - модны шатаад утаагүй болсон галтай нүүрс

нүүрсний цог - нүүрсний утаагүй болсон гал

цог жавхлан нь буурах - сүр хүч, жавхаа нь доройтох

ид цог нь бүрдэх - ид хав нь цогцлох, бий болох

Зөв бичихзүй

Үг хувилгах зарчим

Кирил бичгийн зөв бичихзүй

цог нэр. модны ~, цогийн, цогоор

Хоршоо үг

• гал цог - а.юмны илч гарган шатаж буй үе болон утаа нь барагдаж галтайгаа байгаа нь; б.шилж. хийморьлог, сэргэлэн
• цог жавхаа - сэргэлэн цовоо, ид хавтай
• цог жавхлан - сүр хүч, жавхаа
• цог заль - а.цовоо сэргэлэн, ид хавтай; б.оюун ухаан хурц дайчин
• цог сүлд - хийморь жавхаа
• цог учрал - өлзий, бэлэгтэй учрал
• цог үзэмж - сүр сүлд, үзэсгэлэн жавхаа
• цог хийморь - сүр сүлд, өнгө жавхаа
• ид цог - ид хав

Хэлц үг

Өвөрмөц хэлц

цог дээр суусан юм шиг - өргөсөн дээр суусан юм шиг

цог дээр суух/суусан юм шиг - гэнэт, огцом байж сууж ядах~Хол замд явах гэж байж хүү минь болсон идээнээсээ амсаад яв. Цог дээр суусан юм шиг сандарч тэвдээд яахав ээ.

↑ нүдэндээ галтай, нүүрэндээ цогтой

Хэвшмэл хэлц

Царай нь тордмол өнгөтэй

Цог нь бордмол янзтай