чалчих

Монголоор

Үгийн дуудлага

[ʧalʧĭ]

Үндэсний бичиг

ᠴ‍ᠠ‍᠊ᠯᠴ᠊ᠢ᠊‍ᠠ‍‍ᠠ‍ᠣ

(чалчи)

Галиглах зарчим

Үгийн утга

үйл.

1. Хэрэггүй олон үг ярих, дэмий их ярих

Нийлмэл үг

чалчих дуртай - дэмий ярих дуртай

Зөв бичихзүй

Үг хувилгах зарчим

Кирил бичгийн зөв бичихзүй

чал|ч/их үйл. чалчина, чалчжээ, чалчиж; чалчицгаах, чалчих

Этгээд үг

АМНЫ ДАРАЛТТАЙ н. чалчимтгай

• Тэр хүүхэн яасан их амны даралттай юм бэ? Бид хоёрыг бараг юм хэлүүлэхгүй өөдөөс бөмбөгдлөө.
• Амаа хамхиж ярь, хүмүүс үчамайг амны даралттай гэвэл яана.

АМНЫ ФИГУР н. чалчимтгай, яримтгай(уруулыг хөдөлгөх маяг)О.фигура(дүрс, хэлбэр)

• Миний нэг найз амны фигур сайтай учир сая дэвшээд компанийхаа ерөнхий менежер болсо н.
• Чи ч надаас дутахгүй амны фигуртэй юм байна.

АМНЫ РАКТАЙ н. хэт чалчимтгай(үл эдгэх өвчтэй мэт)О.рак(өмөн өвчин)

• Тэр хүүхэн амны рактай байх аа. Ярихаараа зогсохоо мэдэхгүй юм.
• Тухайн үед ганц камерээр нэвтрүүлэг бэлтгэсэн телевизийнхэн амны рактай гурван гишүүний яриаг зэрэг авч нэвтрүүлэх гэж их сандарсан байх.

БУРАХ тү. дэмий ярих, чалчих

• Амралтын өдөр байсан учир тэд нэлээд бурсан ажээ.
• Сонин хэвлэл энэ хэргийн тухай бурахын ихээр бурж байна.

БУУ ХАЛАХ тбү. удаан ярих, чалчих( буугаар тасралтгүй олон удаа буудахад гол төмөр халж хаа сайгүй оновчгүй буудаж эхэлдэгээс үүссэн хэлц үг, хаа хамаагүй дэмий баахан үг ярилаа гэсэн утга)

• Чи хаагуур яваад ирэв? –Найзтайгаа буу халаад ирлээ.
• Хоёр дахь өдрийн орой манайхаар ирж чадах уу, буу халангаа оройн хоол хамт идэцгээе.

ДАЛАН ХЭЛНИЙ ШУВУУХАЙ хэл. чалчаа эмэгтэйчүүд

• Эрэгтэй хүмүүс далан хэлний шувуухайнаас болгоомжилж, хажууд нь хэрэггүй юм ярихгүй байх нь зүгээр гэж ярьцгаадаг.
• Чи ч далан хэлний шувуухай юм аа.

ЗАВЖЛАХ тбү. дэмий чалчих, ярих(“завж”-аас үйл үг бүтээсэн)

• Шалгалт дуусахаар хоёулаа өдөржин завжилъя.
• Ажлаа тараад цайны газар түр зуур гэсэн ч завьжлах уу? –Тэгсэн ч яах вэ.

ПАН ГӨРӨХ тбү. дэмий чалчих

• Бид хоёр хэдэн цаг пан гөрчихөв өө. –Бараг 3 цаг пан гөрчихжээ.
• Пан гөрөнгөө шатар нүүх үү? –За тэгье.

ПАН ПАН ГЭХ тбү. дэмий ярих, чалчих

• Битгий пан пан гээд бай л даа.
• Та нар яасан удаан пан пан гэдэг юм бэ?

ПАН ҮСЭРГЭХ тбү. чалчих

• Бид хоёр бүтэн өдөржин пан үсэргэжээ. Одоо больё.
• Сайхан пан үсэргэж байх шив дээ.

(УРАН) ДОНГОДОХ тбү. чимэг үгтэй ярих, чалчих

• Хурал дуусах болоогүй юм байх аа. Энэ дарга яасан удаан донгодож байна.
• Чи надад хэрэгтэй хэрэггүй юм донгодох болоогүй.

ХАГАРХАЙ б.нууц үл хадгаламтгай, чалчимтгай

• Цаадах чинь хагархай шүү. Хажууд нь хамаагүй юм битгий ярь.
• Манай дүү гэдэг хагархай л миний хаашаа явсныг чамд ярьсан байх.

ХОНХДОХ тбү. утсаар дэмий ярих, чалчих

• Өчигдөр Сүх бид хоёр оройжингоо хонхдлоо.
• Утсаар ингэж удаан хонхдож болохгүй.

ШҮҮГЭЛДЭХ тбү. дэмий ярих

• Та нар энд юугаа хийж суугаа юм бэ? –Өнөөдрийн ажил дууссан учир дэмий шүүгэлдэж байна.
• Одоогийн залуучууд яасан их шүүгэлдэж суудаг болчихов оо.

ЯРЬДАГ МОРЬ н. дэмий худал чалчих хүн

• Тэр яасан ярьдаг морь вэ. Шал өөр юм ярьсан байна.
• Сүүлийн үед улс төрийнхний хүрээнд ярьдаг морь олширч байна.

Товчилсон үг

===Хэлц үг===чалчих