Үг нь тогтсон нэг утгатай байхаас гадна түүнийг ямар нэг зүйлтэй харьцуулан зүйрлэж, утгыг нь шилжүүлэн шинэ нэрлэлт үүсгэж болно. Тухайлбал: "Цагаач" гэж амьдрахын эрхээр өөр хүний нутагт очиж амь зуухыг хэлдэг байсан бол одоо өөр улсад хуулийн дагуу ажиллаж, амьдрахыг хэлэх болов. "Шатах" гэсэн үг нь саяхан болтол ганц л утгатай байсан бол одоо арилжаа наймаа амжилтгүй болохыг бас нэрлэх болсон нь үгийн утга салбарлан, ижил үг болж, үгийн сангийн шинэ нэрлэлт үүсдэгийг харуулж байна.
Үгийн утгыг шилжүүлэн хэрэглэхдээ дан үгийн утгаас гадна чөлөөт холбоо үг, хэлц үг үүсгэж болно. Тухайлбал: Амь тариа, хэрүүлийн алим, тамын тогоо, гэрэл цохих, саалийн үнээ гэх мэт.
