агт

Монголоор

Үгийн дуудлага

[axtă]

Үндэсний бичиг

ᠠᠭᠲᠠ

(агта)

Галиглах зарчим

Үгийн утга

I нэр.

1. Агталсан морь, луус, илжиг, гахай зэрэг амьтан
2. Адуун сүрэг

II нэр.

1. Эмээлийн дотор этгээд нурууны журмын хөндий, хоёр хонхны хоорондох хэсэг

III.

1. агт араа (арван наймаас хорин таван насанд ургадаг, хүний гуравдахь буюу хамгийн арын араа), агт унах (агт араа унах).

Нийлмэл үг

агт мэгж - төрүүлэхгүй, таргалуулахаар ураг хотыг нь авсан эм гахай

агт мал - агталсан мал

агт сүрэг - адуун сүрэг

агтны даамал - агт хариулагч даамал

цэргийн агт - цэргийн адуун сүрэг

эмээлийн агт - эмээлийн хонхор

Зөв бичихзүй

Үг хувилгах зарчим

Кирил бичгийн зөв бичихзүй

агт нэр. агтны: ~ны даамал, агтанд, агт­наас

Хоршоо үг

• агт морь - эдэлгээнд хэрэглэхээр засаж агталсан адуу
• уналга агт - агт морь

Хэлц үг

Хэвшмэл хэлц

Аав үхэхээр агь гэрээс

Агт үхэхээр арьс хээрээс

Аавын хүү аагтай

Агт морь хурдтай

Аавын хүү бүхэн адилгүй

Агт морь бүхэн жороогүй

Агт алдвал баримжаатай

Ам алдвал баримжаагүй

Агт алдвал барьж болно

Ам алдвал барьж болохгүй

Агт алдвал олж чадна

Ам алдвал буцааж чадахгүй

Агт барьж эмээл дарахад амархан

Ам нээж юм гуйхад бэрх

Агт мориноосоо буухаас биш

Ам үгээсээ буухгүй

Агт морио муутгавал амаа баривч хожимдоно

Аяны хүнсээ барвал арвилан хэмнэвч оройтно

Агт морь адуунд

Аав хүн хойморт

Агт морь алагтай булагтай

Олон хүн сайнтай муутай

Агт морь сайн бол алс замын түшиг

Ах дүү сайн бол аль алиндаа түшиг

Агт морь улдам

Атан тэмээ сулдам

Агт олдоно

Ах дүү олдохгүй

Агт сайтын уурга сайн

Алга сайтын авдар сайн

Агт унавч

Аарцагт наалддаггүй

Агт үхвэл шир нь үлдэнэ

Аав үхвэл хүү нь үлдэнэ

Агт хүлгийн сайныг унаж байгаад мэднэ

Ах дүүгийн сайныг нөхөрлөж байгаад мэднэ

Агт чөдөрт номхон

Эр хуулинд номхон

Адуун сүргийн манлай

Агт морьдын тэргүүн

Айл аймаг ахад хоригдох

Агт морь уурганд баригдах

Албан бичгийг тамгаар нь

Агт морийг шүдээр нь

Аавын хүүг үгээр нь

Алсын замыг хөөвөл

Агт морио торд

Алт сайтын авдар сайн

Агт сайтын уурга сайн

Ам алдвал барьж болдоггүй

Агт алдвал барьж болдог

Ам алдвал хэрэг гардаг

Агт алдвал эрэл гардаг

Ам алдсанаас

Агт алдсан нь дээр

Асар их давааны чулуу ч

Агт морины туурайд хөдөлдөг

Ах дүүгийн өмнө анд нөхөр гүйдэг

Агт морины өмнө унага даага гүйдэг

Ах үхвэл бэргэн гэрээс

Агт үхвэл саарь гэрээс

Ах үхвэл бэргэн нь гэрээс

Агт үхвэл шир нь гэрээс

Төмөр дөрөөний сэнж мэдэг

Төрсөн биеийн заяа мэдэг

Агт морины гүйдэл мэдэг

Аавын хүүгийн аз мэдэг

Ууртай хүнийг аргаар

Агт морийг уургаар

Эр хүний замын хүзүү урт

Агт морины аяны газар хол

Аман зохиолд орсон нь

Зүйр үг

Агт алдвал барьж болдог

Ам алдвал барьж болдоггүй

Тайлбар: хэлэх үгээ тунгаан бодож байх хэрэгтэй