зөв

Монголоор

Үгийн гарал

Үгийн дуудлага

[ʣцw]

Үндэсний бичиг

ᠵᠣ᠊᠊ᠢ᠊ᠪ

(жөб)

Галиглах зарчим

Үгийн утга

I тэм.

Аливаа юмны үнэн, зохистой нь
Баруун зүг тийших, баруун гар талын), зөв гар (а.хүний баруун гар; б.баруун гарын чиглэл), зөв тал (хүний баруун гар тал
Нарны эргэх чигийн дагуу
Таван хошуу малын зүүн тал
Юмны гадагш хандсан, өнгө талын

II тэм.

Зөөлөн зэрэг үгийн давтсан язгуур

Ойролцоо үг

Нийлмэл үг

зөв бичих дүрэм хэл шинж. - ямар нэг хэлний бүх үгийг хэрхэн бичих тухай журамлан тогтоосон зүй

зөв бодлого - зүй зохистой бодлого

зөв дуудах ёс хэл шинж. - ямар нэг хэлний бүх үгийг яаж дуудах тухай журамлан тогтоосон зүй

зөв журам - нийцтэй, тохиромжтой журам

зөв зам - а.олон салаа замаас зорьсон газарт очих зам; б.үйл хэргийн дотроос тохирох тэнцэх нь

зөв ойлгуулах - зүй зохисын дагуу ойлгуулж мэдүүлэх

зөв өнгө - эерэг дулаан өнгө, сэтгэлд таатай өнгө

зөв санаа - өөр бусдад хор нөлөөгүй, буруу гажуугүй санаа

зөв үзэл - жам ёсыг үнэн мөнөр тусгах үзэл, зүйд нийцсэн үзэл санаа

зөв харах - юмыг зөвөөр ялгаж таних

зөв үүд - гэрийн үүдийн зүүн этгээд

зөв энгэр - монгол дээл, монгол цамцны баруун гар талд гаргасан энгэр

зөв эргүүлэг - хүн, мал адгуусны үс, нарны эргэлтийн чиглэлд тойрон ханарсан хэв

зөв эргэх - а.нарны эргэх зүгийг дагаж тойрох; б.баруун гарыг дагаж эргэх

нар зөв - нар эргэх чигийг дагах нь

зөв тал - а.малын зүүн талын ерөнхий нэр; б.морь, малыг унах, моринд мордох тал

зөв хөл - морь мал, амьтны зүүн хөл

зөв өнгө - бөс даавууны хээтэй гадар тал

зөв харах - хүний нүүр өөд харах

зөв зөөлөн - маш зөөлөн

Зөв бичихзүй

Үг хувилгах зарчим

Кирил бичгийн зөв бичихзүй

зөв тэм..

Үндэсний бичгийн зөв бичихзүй

Орчуулга

Хоршоо үг

зөв буруу - тогтсон үзэл санаа, үйл явдалд нийцэх, эс нийцэх чанар
зөв зүйтэй - зөв зохистой

Товчилсон үг

Хэлц үг

Өвөрмөц хэлц

би чамдаа зөв - бусдаас давуу эрхтэй, бурууг хийсэн үед нь шийтгэх чадалтай гэдгээ илэрхийлэх үг

Хэвшмэл хэлц

Буруу олзоос

Зөв гарз дээр

Буруу харж гурав инээж

Зөв харж нэг инээх

Буруу харж уйлж

Зөв харж инээх

Зөв бурууг байцааж үз

Жороо түншээг унаж үз

Зөв гэж зөвших

Зүйтэй гэж батлах

Зөв зөвд шударга зөв

Зөөлөн зөөлөнд эе зөөлөн

Зөв малгайд толгой зохидог

Зөв үгэнд сэтгэл ханадаг

Зөв малгайд толгой ханадаг

Зөвтэй үгэнд зүрх ханадаг

Зөв нь буруугаа дийлнэ

Зөөлөн нь хатуугаа дийлнэ

Зөв нь буруудаж

Зөөлөн нь хатуурах

Зөв олон талтай

Буруу нэг талтай

Зөв сургаал

Зөөлөн захиа

Зөв тийш нь шүүх

Зэрэг тийш нь хэлэх

Зөв үг зүрх хөндөнө

Зөөлөн зан сэтгэл хөндөнө

Зөв үг толгойны хийг хөдөлгөнө

Зүсний сайхан сэтгэлийн хийг хөдөлгөнө

Зөв үг хэлэхэд

Зөрж туйлах буруу

Зөв үг

Зүсдэг хутга хоёр адил

Зөв үгийг авбал бүтнэ

Хов үгийг итгэвэл эвдэрнэ

Зөв үгэнд баясагч олон

Зөв үйлэнд бүржигч олон

Зөв үгэнд баясагч олон

Зөөлөн авиртыг дагагч олон

Зөв үгэнд баясаж

Зөөлөн авирыг барь

Зөв үгэнд зөрөө байхгүй

Зөөлөн маханд хутга хэрэггүй

Зөв үгэнд зөрүүгүй

Зүрхний үгэнд хариугүй

Зөв үгэнд зэмгүй

Зүр гөрөөсөнд харайцгүй

Зөв үгэнд хүн уярна

Зөөлөн газар морь хөрвөнө

Зөв харж инээсэн

Буруу харж уйлсан

Зөв хэлэхэд инээдэг

Зүйгүй хэлэхэд урвайдаг

Зөв эс мэдэх саднаас

Зөрөлцсөн дайсан дээр

Зөв юм зүрхнээсээ халуун

Буруу юм булчингаасаа хүйтэн

Зөв юманд хонь

Зөрүү юманд чоно

Зөв явдлын тусыг магадал

Буруу хэргийн хорыг хяна

Зөөлөн өлгий хүүхдэд таарна

Зөв сэтгэл амьдралд таарна

Зөөлөн сэтгэлт хүнийг мунхаг гэж

Зөв явдалт хүнийг буруу гэх

Зөөлөн үгийг бариасай

Зөв үгэнд баясаасай

Зөрүүд хүнд

Зөв буруугүй

Зүйтэй нөхрийг таньж ханилаад

Зөв бурууг асууж үйлдээд

Жаргалан зовлонг хувааж эдлэх нь

Зохистой мэргэдийн ханилах зан

Зүйтэй сайхан өвсөнд

Морь эмээлтэйгээ биелнэ

Зөв сайхан үгэнд

Малгай залаатайгаа ганхана

Их мэдэж

Зөв таах

Ламын малгайд

Зөв буруугүй

Сайн хүргэн:

Ирэх тутам инээлгэдэг

Харих тутам харуулдаг

Зөв бурууг сургадаг

Зөөлөн хатууг ялгадаг

Муу хүргэн:

Бороонд болсон болжмор шиг

Будаа зөөдөг хулгана шиг

Үнэн үг хэлэхдээ худал үгээр чимнэ

Зөв замд явахдаа буруу явдлыг хутгана

Аман зохиолд орсон нь

Зүйр үг

Зөв харах (хүний нүүр өөд харах); Юмны хэр хэмжээ хүрэх

Таарах

Тохирох байдал: өрөөл даавуу өмдөндөө зөв

Тайлбар: аливаа үйлийг болгож бүтээхэд илүү их юм хэрэггүй