манан

Монголоор

Үгийн дуудлага

[manan]

Үндэсний бичиг

ᠮ‍ᠠ‍‍ᠨ᠋‍ᠠ᠊ᠨ

(манан)

Галиглах зарчим

Үгийн утга

I нэр.

1. Хэсэг газарт тогтсон усны уур бүхий тунгалаг биш агаар
2. Тоос, утаа
3. шилж. Үймээн бужигнаан

II.

Утга зохиолын жишээ

Уулын ар, модны оройгоор манан суужээ. Б.Бааст. Хяруу унасан цагаар.,

Манантай өдөр байна харанхуй болноо хө, мандах нар нь гараад ирвэл тунгалаг болноо хө. Монгол ардын дуу.,

Тэд хоорондоо зөрж сүйдийн манан болцгоов. Б.Ринчен. Сандо амбан.

Ойролцоо үг

будан

Нийлмэл үг

манан дэгдэх - манан дээш хөөрөх

манан татах - манан суух

манан суух - чийгт агаар нэг газарт багларан тунарах

манантай өдөр - манан татсан өдөр

улаан манан татуулах - тоос ихэд бужигнуулах

манан татуулах - а.хэрүүл маргаан үүсгэж будлиантуулах; б.тоос босгон цааш хурдан явах

манан хадаах - үймүүлэх, сандраах

манан хамхаг урга. - нэг наст өвс, азай буурал

Зөв бичихзүй

Үг хувилгах зарчим

Кирил бичгийн зөв бичихзүй

ма|нан нэр. утаа ~ хорш., мананг, мананд, манангаар

Үндэсний бичгийн зөв бичихзүй

ᠮ‍ᠠ‍‍ᠨ᠋‍ᠠ᠊ᠨ ᠊ᠣ
ᠮ‍ᠠ‍‍ᠨ᠋‍ᠠ᠊ᠨ ᠳ᠋ᠣ
ᠮ‍ᠠ‍‍ᠨ᠋‍ᠠ᠊ᠨ ᠊ᠢ
ᠮ‍ᠠ‍‍ᠨ᠋‍ᠠ᠊ᠨ ᠡᠴ᠊‍᠊ᠨ
ᠮ‍ᠠ‍‍ᠨ᠋‍ᠠ᠊‍ᠨ᠋‍ ᠢᠶᠡᠷ
ᠮ‍ᠠ‍‍ᠨ᠋‍ᠠ᠊ᠨ ᠲ᠋‍ᠠ‍᠊ᠢ
ᠮ‍ᠠ‍‍ᠨ᠋‍ᠠ᠊ᠨ ᠡᠣ᠊᠊ᠷᠣ᠊ᡍᠣ
ᠮ‍ᠠ‍‍ᠨ᠋‍ᠠ᠊‍ᠨ᠋‍ ᠢᠶᠡ‍ᠨ᠋‍

/~ийн /~д /~г /~аас /~аар /~тай /~руу /~аа

Хоршоо үг

• манан будан - дээгүүрээ тунгалаг, доогуураа бүрхэг усны уур бүхий агаар
• манан хүдэн - газарт буусан болон газраас дэгдээгүй уур бүхий тунгалаг биш агаар
• униар манан - униар будан
• үүл манан - агаарт хуралдсан усны уур болон түүний доош буусан нь
• уур манан - хөөрөн дэгдэх усны хий
• утаа манан - агаарт дэгдсэн их тоос

Хэлц үг

Өвөрмөц хэлц

сүйдийн манан болох - сандран бужигналдах, хэрэг төвөг гарах

мананы нар мандтал шарах - далд муулах~Мананы нар мандтал шарсныг анзаарсан. Түүнд хүн муулахаас өөр эрдэм гэж байдаггүй байх аа.

↑ сүйдийн манан болох

Хэвшмэл хэлц

Инээд хөөрч хэрүүл болно

Манан хөөрч үүл болно

Манан ихэдвэл бороо болно

Маргаан ихэдвэл зодоон болно

Манан удвал бороо болно

Охин үдэлбэл худгай болно

Нар улайж жаргавал тэнгэр зохирдог

Манан татаж эхэлвэл үер болдог

Шороо арвидаж уул

Чийг арвидаж ус

Манан арвидаж үүл

Ус арвидаж мөс

Аман зохиолд орсон нь

Зүйр үг

Манан ихэдвэл бороо болно

Маргаан ихэдвэл зодоон болно

Тайлбар: аливаа юм хэмжээнээсээ хэтэрвэл үр дүн нь буруу болно

Хоёр далай хол оршивч уур манангаар нийлдэг

Хоёр хүн хол төрөвч явдал замдаа учирдаг

Тайлбар: аливаа зүйл өөр хоорондоо учир холбогдолтой, хүний амьдрал ч мөн адил