сахал

Монголоор

Үгийн дуудлага

[saxal]

Үндэсний бичиг

ᠰ‍ᠠ‍‍ᠠ‍‍ᠠ‍‍ᠠ‍ᠯ

(сахал)

Галиглах зарчим

Үгийн утга

I нэр.#Хүний уруул, эрүү, түүшинд ургасан үс.

2. Гутал сөөхий зэрэгт дэвсэх өвс.

II урга.

1. Өлөнтөн овгийн уул, төгөлд ургадаг, сахал лугаа адил навчтай боловч тэр нь арай богино бөгөөд бусад өвснөөс эрт хөхөрдөг нэгэн зүйл өвс;
2. Зэрлэг гаймуугийн навчтай адил навчтай, хавар эрт ургаж, зуны эхэн үеэр гандаж шарладаг нэгэн зүйл өвс.

Нийлмэл үг

битүү сахал - эрүү шанааг бүрхэн ургасан үс

борголжин сахал - хошуу тойрон битүү ургасан хууз сахал

живэр сахал - хүний дээд уруулын дээгүүр хоёр завжийг дарж үзүүр тийшээгээ этийж ургасан сахал

тачир сахал - богино, шингэн сахал

хирвэгэр сахал - өтгөн бөгөөд жигд зассан сахал

хууз сахал - шанаанаас эрүү хүртэл битүү ургасан үс

ширвээ сахал - нарийн, богино үс

сахлын ус - сахал хусахад хэрэглэдэг шингэн

сахлын хутга - сахал хусах хэрэгсэл

сахал үсэндээ дарагдах - а.царай алдах, өнгө зүсээ алдах; б.шилж. ядарч туйлдах

сахал ургуулах - уруул, эрүү, шанааныхаа үсийг ургуулах

сахал тавих - сахлаа хусалгүй янзлан засч ургуулах

сахал хусах - сахлаа иртэй багаж, хутгаар авах

сахлаа авах - эрүү, шанаа, уруул орчмынхоо үсийг авах

сахалд наалдахгүй будаа - а.хаана нь ч хүрэлцэхгүй бага юм; б.ялимгүй, бага зэргийн ашиг

#Зарим амьтны эрүүний доорх туг үс болон ам орчмын сэрвэгэр тэмтрүүл -

Зөв бичихзүй

Үг хувилгах зарчим

Кирил бичгийн зөв бичихзүй

са|хал нэр. сахлын машин, сахалд, сахлаар

Үндэсний бичгийн зөв бичихзүй

ᠰ‍ᠠ‍‍ᠠ‍‍ᠠ‍‍ᠠ‍ᠯ ᠤ‍᠊ᠨ
ᠰ‍ᠠ‍‍ᠠ‍‍ᠠ‍‍ᠠ‍ᠯ ᠳ᠋ᠣ
ᠰ‍ᠠ‍‍ᠠ‍‍ᠠ‍‍ᠠ‍ᠯ ᠊ᠢ
ᠰ‍ᠠ‍‍ᠠ‍‍ᠠ‍‍ᠠ‍ᠯ ᠡᠴ᠊‍᠊ᠨ
ᠰ‍ᠠ‍‍ᠠ‍‍ᠠ‍‍ᠠ‍ᠯ ᠢᠶᠡᠷ
ᠰ‍ᠠ‍‍ᠠ‍‍ᠠ‍‍ᠠ‍ᠯ ᠲ᠋‍ᠠ‍᠊ᠢ
ᠰ‍ᠠ‍‍ᠠ‍‍ᠠ‍‍ᠠ‍ᠯ ᠡᠣ᠊᠊ᠷᠣ᠊ᡍᠣ
ᠰ‍ᠠ‍‍ᠠ‍‍ᠠ‍‍ᠠ‍ᠯ ᠢᠶᠡ‍ᠨ᠋‍

/~ын /~д /~ыг /~аас /~аар /~тай /~ руу /~аа

Хоршоо үг

• сахал самбай - сахал үс
• сахал үс - хүн, амьтны толгой, уруул, эрүү, түүшин болон биед ургах үс

Этгээд үг

БИРИЙТЭГ н. сахалО.бритва(сахал, үс авах хутга)

• Залуу I: –Миний бирийтэг маш хурдан ургачихдаг юм. Залуу II: –Харин тэгж харагдах юм.
• Чиний бирийтэг өтгөн юм шиг. –Тийм. Минийх нэлээд өтгөн шүү.

Хэлц үг

Өвөрмөц хэлц

сахал санчигтай хүн - хэрсүү, томоотой хүн

Хэвшмэл хэлц

Будаач будаач гэхлээр

Сахал салмайгаа будах

Саадаг цацах салхинд

Сахал цантах хүйтэнд

Санжилга сүйх баядын чимэг

Сахал санчиг эрийн чимэг

Сайн сайн гэвэл

Сахал амаа шувтарна

Санаа гэдэг санааны

Сахал үс заяаны

Санаа гэж чинжүү

Сахал гэж туужуу

Санаа заяа хоёр нийлэхгүй

Сахал хөмсөг хоёр уулзахгүй

Санаанд дарагдаж

Сахал цайх

Сахал нь урт

Санаа нь богино

Сахал нь цайвч

Санаа нь завхай

Аман зохиолд орсон нь

Зүйр үг

Сахал хөмсөг нийлэхгүй

Санаа заяа таарахгүй

Тайлбар: ертөнцийн явдал санаагаар болдоггүй

Цэцэн үг

Сахал цайвч санаа нь завхай

Тайлбар: өтлөвч муу зангаа тавихгүй