хөнгөн

Монголоор

Үгийн дуудлага

[xцŋgцn]

Үндэсний бичиг

ᠬᠥ᠊ᠩ‍ᠭᠡ᠊ᠨ

(хөнггэн)

Галиглах зарчим

Үгийн утга

тэм.

1. Хүнд гэдгийн эсрэг утга, чанар хүнд биш, жин бага
2. Гавшгай, шуурхай, ялгуун хөдөлгөөнтэй
3. Хүчир биш, хүч бага зарцуулах онцлогтой), хөнгөн ажил (биеийн хүч бага шаардах ажил
4. Гэнэн, наагуур, хийсвэр, хуумгай
5. Хатуу чанга биш, зөөлөн

Нийлмэл үг

хөнгөн атлетик спорт. - хэд хэдэн /гүйх, алхах, шидэх, харайх, олон төрөлт гэх мэт/ уралдаан тэмцээнийг багтаасан спортын төрөл

хөнгөн ачаа - өргөх тээхэд хүнд биш

хөнгөн дээлээ өмсөх - нимгэн дээлээ өмсөх

хөнгөн пулемёт - нэг хүн авч явж болох авсаар пулемёт

хөнгөн төмөрлөг - бага нягттай төмөрлөг

хөнгөн хайлш - хийцийн нягт багатай хайлш

хөнгөн цагаан хими. - химийн махбод, мөнгөлөг цагаан бөгөөд хөнгөн, давтахад хялбар төмөрлөг

хөнгөн элемент хими. - атомын жин нь бага шиг химийн махбод

хөнгөн нимгэн хувцас - өмсөж явахад биед авсаар хувцас

хөнгөн хөдөлгөөнтэй хүн - босох суух нь хурдан шаламгай хүн

хөнгөн хөлтэй морь - унахад биед зүдэргээ багатай, явдал хурдан, зөөлөн морь, адам морь

хөнгөн хөгжим - хурдан цоглог хэмнэлтэй хөгжим

хөнгөн шингэн өвгөн - гавшгай байрын өвгөн

зусланд хөнгөн шингэн гарах - зусланд авсаархан юмтай гарах

хөнгөнд үзэх - хуумгай бодлогогүй хандах

хөнгөн бодох - юмны наагуур хуумгай бодох

хөнгөн сэтгэл - юмыг сайтар боддоггүй, хөөрүү сэтгэл

гэнэн хөнгөн зантай хүн - лавдуун бус, наагуур, хөвсөргөн хүн

хөнгөн шийтгэл ноогдуулах - хийсэн хэрэгтэй харьцуулбал зөөлөн ял оноох

хөнгөн ялын зүйл - хатуу чанга биш ялын зүйл

хөнгөн жанчих - зөөлөн зодох

хөнгөн тэрэг - суудлын автомашин

хөнгөн хоол - шингэхдээ хялбар, чанартай хоол

Зөв бичихзүй

Үг хувилгах зарчим

Кирил бичгийн зөв бичихзүй

хөн|гөн тэм.. ~ ачаа, хөн­гөвтөр, хөнгөхөн

Үндэсний бичгийн зөв бичихзүй

ᠬᠥ᠊ᠩ‍ᠭᠡ‍ᠠ‍ᠳ᠋‍ᠠ‍ᠬᠥᠣ
ᠬᠥ᠊ᠩ‍ᠭᠡ‍ᠠ‍ᠳ᠋‍ᠠ‍ᠬᠥᠭᠡ᠊‍᠊ᠨ
ᠬᠥ᠊ᠩ‍ᠭᠡᠭᠡ᠊ᠨ

/~дүү /~дүүхэн /~хөн

Хоршоо үг

• хөнгөн нимгэн - зузаан бус, авсаар
• хүнд хөнгөн - хүнд ба хүнд биш юм
• хөнгөн гавшгай - хурдан шуурхай, хурдан шаламгай, хурц сэргэлэн
• хөнгөн шингэн - а.хурдан шуурхай; б.ануухан, тэнхлүүн; в.авсаархан, цомхон
• хөнгөн шуурхай - хурдан, түргэн шаламгай
• хөнгөн уриалаг - хөнгөн шингэн болоод эелдэг
• хөнгөн хуумгай - гоомой, ул суурьтай бус, өнгөц
• хөнгөн хийсвэр - буурь суурьтай бус, өнгөн талыг нь харсан

Эсрэг үг

#хүнд

Товчилсон үг

ЕХАХ Европын Хөнгөн Атлетикийн Холбоо

ОУХАХ Олон Улсын Хөнгөн Атлетикийн Холбоо

ХАС Хөнгөн Атлетикийн Спорт

ХБЗ Хөнгөн Бетон Завод

ХҮК Хөнгөн Үйлдвэрийн Корпораци

ХҮТМС Хөнгөн Үйлдвэрийн Техник Мэргэжлийн Сургууль

ХҮТС Хөнгөн Үйлдвэрийн Технологийн Сургууль

ХҮЯ Хөнгөн Үйлдвэрийн Яам

ХХААХҮЯ Хүнс, Хөдөө Аж Ахуй, Хөнгөн Үйлдвэрийн Яам

ХХҮЭШЗТИ Хөнгөн, Хүнсний Үйлдвэрийн Эрдэм Шинжилгээ, Зураг Төслийн Институт

ХХҮЯ Хөнгөн, Хүнсний Үйлдвэрийн Яам

Хэлц үг

Өвөрмөц хэлц

гар хөнгөнтэй - а.хүний хөнгөлсөн, агталсан мал эдгэхдээ түргэн; б.гардан тарьсан нь өвдөхгүй байх, гараар илж барихад зөөлөн; в.нум тэлэхдээ муу, харвахад оносон зүйлийг даалгах нь муу

Хэвшмэл хэлц

Хөнгөн ажил

Хөхүүл олз

Хөнгөн өгүүлбэл үг алдана

Хөнгөн хөдөлбөл үйл задарна

Хөнгөн үнэмшдэг хүн

Түргэн гэмээ мэддэг

Хүнд гэж бүү цөхөр

Хөдөлгөх аргыг бод

Хөнгөн гэж битгий басамжил

Өөрийнхөө чинээг тэнс

Хэнгэрэг дээр гарсан хулгана

Хөнгөн гишгэвч чимээ гардаг

Аман зохиолд орсон нь

Цэцэн үг

Хүндээ хөнгөнөөс өгөх

Тайлбар: хүндлэгдвэл зохих атлаа хийсвэр, гэнэн зан байдал гаргах