шийр

Монголоор

Үгийн гарал

Үгийн дуудлага

[ʃi:r]

Үндэсний бичиг

ᠰ᠊ᠢ᠊ᢉᠢ᠊ᠷ᠎ᠠ

(сигир-э)

Галиглах зарчим

Үгийн утга

нэр.

Дөрвөн хөлт амьтны хөлний төгсгөлийн хэсэг, нарийн шилбэний яс, таахайн хамт
Зарим юмны тусгай хөл
доромж. Хүний хөл

Ойролцоо үг

Нийлмэл үг

үхрийн шийр - үхрийн нарийн шилбэний яс, таахайн хамт

хонины шийр - хонины нарийн шилбэний яс, таахайн хамт

шийр цагаан - мал амьтны хөлөөрөө цагаан зүсэм

бууны шийр - бууны суурь, хөл

дурангийн шийр - дурангийн суурь, хөл

ханын шийр - ханын хөл

нохойн шийр урга. - нэг зүйл ургамал

тарваган шийр урга. - буурцагтан овгийн, гурвалсан нийлмэл навчтай, шар цэцэгтэй, олон наст өвс; эмд орно

Шийрээ цааш нь ав! яриа. - хөлөө цааш нь ав!

Зөв бичихзүй

Үг хувилгах зарчим

Кирил бичгийн зөв бичихзүй

шийр нэр. *~ заах (зориг хатуужил гаргах) (тусгай хөл) бууны ~, шийрийн, шийрд, шийрээс

Үндэсний бичгийн зөв бичихзүй

Орчуулга

Хоршоо үг

шийр цувдай - төхөөрсөн малын шилбэний яс, таахайн хамт, мөн бог малын дотор мах
борви шийр - тойгны яс болон нарийн шилбэний яс
толгой шийр - бог малын толгойн хуйхтай яс болон шилбэний яс, таахай
хөл шийр - юмны суурь, тулгуур

Товчилсон үг

Хэлц үг

Өвөрмөц хэлц

шийр барих - шийр хатаах

шийр заах - а.яс заах, шөрмөс заах; б.зориг хатуужил гаргах; в.яс сайтай, шөрмөстэй хүн

шийр хатаах - эцэг эхийнхээ ажил үйлсийг үргэлжлүүлэх, эцэг эхийгээ дуурайх

аавын шийрийг хатаах - аавынхаа ажил үйлсийг үргэлжлүүлэх

бодоод бодоод бодын шийр дөрөв - ахиж дэвшихгүй, байрандаа л байх

ишгэн шийр ч үгүй - юу ч үгүй, ядуу хоосон гэсэн санаа

тэмээний шийр тэврэх - хөшүүн хойрго байх

хоол болтол шийр зугаа - түр зуур бага сага юм идэх

шийр/шил заах - зориг хатуужил гаргах~Чамайг ингэтлээ шийр заалаа гээд танай улаантнууд мөн хайрлахгүй нь лав (Ч.Лувсанжав, Дамдины бага хүү). ~Дэлт саарал энэ жил бүр нэг шил заах болоод байгаа юм (Б.Бааст, Хангайн бор). ~...сайн эр нөхөр бол амьдралын түшиг, амьд явахын жаргал гэдэг байсан. Тэгээд ёстой л уул хад шиг хоёр эр гуйгаад байхад шийр заагаад байх юм (Ч.Лодойдамба, Тунгалаг тамир).

шийр хатаах/барих - эцэг эхийнхээ ажил үйлсийг үргэлжлүүлэх, эцэг эхийгээ дуурайх~Миеэдорж маань анх удаа хадуурын ишнээс барьж байгаа боловч, эцгийн шийр хатааж, Юмхүү бид хоёроос нэг ч их дутахгүй байв (Б.Нямаа, Бид гурав). ~Яагаа ч үгүй эцгийн шийр барьсан, ямар л хүн болох бол доо (С.Удвал, Их хувь заяа).

шийрийг нь хатаах - эцэг эх юм уу ойр дотны хэн нэгний хийж байсан ажил үйлсийг нэр төртэй үргэлжлүүлэх~Цэвээн тайж, –Улаантны шийрийг хатаасан айхавтар нохой байна шүү гэв (Ч.Лувсанжав, Дамдины бага хүү).

↑ бодоод бодоод бодын шийр дөрөв

↑ ишгэн шийр ч үгүй

↑ тэмээний шийр тэврэх

↑ хоол болтол шийр зугаа

Хэвшмэл хэлц

Хоол болтол

Шийр зугаа