шилбэ

Монголоор

Үгийн дуудлага

[ʃilbĕ]

Үндэсний бичиг

ᠰ᠊ᠢ᠊᠊ᠯᠪᠢ᠋

(силби)

Галиглах зарчим

Үгийн утга

I нэр.

1. биезүй. Хүн, амьтны шаант чөмөгний нарийн үзүүр орчим газар
2. Амьтны богтос, шаант чөмөгний залгаах нарийн чөмөг яс

II нэр.

1. Дээл хувцасны товч торгох гогцоо

III нэр.

1. Өвс ургамлын уг иш
2. Тарианы доторх модорхог зүйл

IV.

1. шар шилбэ (хоёр настай тэмээ).

V нэр.

1. Монгол үсгийн зурлагын нэг махбод.

Нийлмэл үг

шилбэ гэмтэх - хүн, амьтны нарийн шилбэний орчим бэртэх

шилбэний ороолт - нарийн шилбээр ороох бөс даавуу

хөлийн шилбэ - хөлийн шагай талын нарийн хэсэг

шилбэний яс - шаант чөмөгний нарийн үзүүрийн яс

нарийн шилбэ - малын шилбэ ясны нарийн хэсэг

морины шилбэ - морины шаант чөмөгнөөс залгасан сагагаас дээших хэсэг

хянгар шилбэ - шаант чөмөгний хяр яс дагуух газар

тамхины шилбэ - татсан тамхины үлдэгдэл

шилбэ зангидах - эмхэрдсэн шилбийг товч мэт хэлбэртэй болгон янзлах

шилбэ хадах - дээлэнд шилбийг суулгаж оёх

шилбэ эмхэрдэх - шилбийг хөвөөлөн оёх

шилбэний гол - шилбэний дунд хийх нийтгэсэн зөөлөн утас

дээлийн шилбэ - монгол дээлийн товч торгох зүйл

захны шилбэ - дээлийн заханд хадсан шилбэ

суганы шилбэ - дээлийн суганд хадсан шилбэ

ташааны шилбэ - дээлийн ташаанд хадсан шилбэ

энгэрийн шилбэ - дээлийн энгэрт хадсан шилбэ

ногооны шилбэ - ногооны уг

тарианы шилбэ - тарианы иш

цайны шилбэ - цайны доторх модорхог юм

зээрэн шилбэ урга. - хунчирын төрлийн нэг зүйл, гурвалсан, тавалсан нийлмэл навчтай, цагаан ягаан цацаг богцогтой, олон наст өвс, зарим нутагт тогооны угаагуур хийнэ

Зөв бичихзүй

Үг хувилгах зарчим

Кирил бичгийн зөв бичихзүй

шил|бэ нэр. шилбэний, шилбэнд, шилбэнээс

Хоршоо үг

• борви шилбэ - шагайн доод талын яс болон шаант чөмөгний нарийн үзүүр хэсэг
• товч шилбэ - товч, түүнийг торгох гогцоо