элэг(элгэн)

Монголоор

Элэг дэвтээх

Үгийн дуудлага

[]

Үндэсний бичиг

Галиглах зарчим

Үгийн утга

I нэр.

1. биезүй. Цусны эргэлт, бодосын солилцоо, хоол шингээх ажиллагаанд оролцдог цөсний шингэнийг шүүрүүлэн гаргах үүрэгтэй цул эрхтэн
2. Элэг мэт зүйл
3. шилж. Садан төрөл

Нийлмэл үг

элэг томрох - элэг хэвийн хэмжээнээсээ том болох

өнчин элэг - элэгний жижиг салбар, дэлбэ

элэг эвхэх - даарч бээрсэн болон өвчилсөн хүн элгээ тэврэн явах

элэн нэмүүн - сэтгэл зөөлөн, уян, энэрэнгүй

элгэн өнгө - бор хүрэн өнгө

элгэн тал/элгэн бие - юмны өвөр тал

элгэн хад - ханан хад, өндөр цавчим чилгэр хад

элгэн тараг - маш сайн бүрсэн тараг, шинэхэн тараг

нумны элэг - нумны дүгрэглэн матирах тал

элэг бүтэн - садан төрөл, ах дүүсээрээ энх амар аж төрөх

элэг татагдах - ураг төрлийн хүмүүсийн төлөө зовниж, садангаа мөрөөдөх

элэг татах - а.ураг төрөл, үндэс угсаагаа дотносон үзэх; б.нумны хөвчний матигар талд эвэр нийлүүлэн наах; в.элэгний хавьд таталдан өвдөх, цорой татах

элэг татуу - садан төрлөө мэдэж тэдэнтэй холбоотой байхыг хүсэх

элгэн садан - мах цусны холбоо бүхий төрөл хүмүүс

элэг буруу - а.садан төрөл боловч үл хайхрах, элгэмсүү биш; б.шилж. дайсагнагч этгээд

элэг нэгтэй - а.садан төрлийн барилдлага бүхий; б.шилж. санаа зорилго нэгтэй

элгэн төрөл - төрөл төрөгсөд, садангийн хүмүүс

элгэн шош урга. - өдлөг нийлмэл навчтай, шаравтар баг цэцэгтэй, олон үртэй буурцаг жимс суудаг модлог тэнз, бүхэл бие нь хортой харин үр, иш болон ишний хальс нь эмэнд орно

Зөв бичихзүй

Үг хувилгах зарчим

Хоршоо үг

• элэг дүүрээ - элэг цорой, цээж хэвлий
• элэг зүрх - ойролцоо утга бүхий хоршсон нэр
• элэг сэмж - элэг болон элэгний гадуур бүрхсэн нимгэн өөх

Хэлц үг

Өвөрмөц хэлц

элэг авах - инээдэм болгох, инээд хүргэх

элэг барих - бусдыг басамжлан дээрэлхэх

элэг дэвтэх - энэлж шаналсан сэтгэл тайвшран тэнийх

элэг дэвтээх - энэлэн шаналсан сэтгэлийг тэжээн тэтгэх

элэг нэгтэй - санаа сэтгэл нэгтэй

элэг эгших - ихэд санаашрах

элэг татах - садан төрлөө мэдэх, дотночлох

элэг хатуу - хатуу сэтгэлтэй

элэг зүрх өмрөх - санаа сэтгэл зовж ихэд шаналах

элэг хатах - а.энэлж шаналах, хүлээх; б.ихэд цангах

элэг хөших - маш их инээх

элэг эмтрэх - уй гашуудалтай болох, шаналах

өлөн элэг - өглөө босоод юм идэж уугаагүй байгаа үе

элгээ эмтлэх - ихэд шаналах, өрөвдөх

элгээрээ газар тэврэх - ажил үйлс нь бүтэлгүйтэх

элгээрээ харуулдах - бүтэлгүйтэх

хомхой элэг өвөрлөх - муу санаа агуулах

Аман зохиолд орсон нь

Зүйр үг

Элэг бүтэн хүүхэд сэргэлэн

Эзэн сайтай мал цовоо

Тайлбар: үр хүүхдэд эцэг эхийн өмөг түшиг, нөмөр нөөлөг чухал, мал хөрөнгөнд эзний арчилгаа маллагаа чухал

Ам дордойвч

Элэг дордойхгүй

Тайлбар: хүний элгэн саднаа гэх сэтгэл хувирдаггүй